Math 8:31 - JAM DE NHIALIC 2011

³¹ Go jɔɔk rac lɔŋ an, Të cieec yïn wook biic, päl wook, buk jäl ke wo lɔ ë luny ë kudhuuric.”

Math 8:31 Iomraidhean Croise

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Math 7:6

“Këpiɛth ɣeric duökï ee yiɛ̈n jɔ̈k, ayï waŋguurkuön tuc ë ɣööcden duökï keek ë cuat kudhuur nïïm, ke ke cïï ke bï dum ë kecök, agokï kenïïm bɛ puk, guutkï week.

Math 8:30

Ku de luny dïït ë kudhuur ëtɛ̈ɛ̈n, amec ke keek ëmääth, ke ke nyuäth.

Math 8:32

Ago keek yɔ̈ɔ̈k an, “Lakï. Na wën, acïk bɛ̈n bei, ke ke lɔ ë luny ë kudhuuric, ku jɔ luny ë kudhuur ëbɛ̈n riŋ ërïpïp ke ke lɔ piny agör yɔu, lek röt dɛɛny wiir, agokï thou ë pïïu yiic.

Mak 5:12

Go jɔɔk rac ëbɛ̈n gokï lɔ̈ŋ, an, “Tɔ wo lɔ të nu kudhuur buk lɔ ë kegup.”

Mak 5:7

ku cööt ë röl dït an, “Eeŋödï wo yïn? Yecu, yïn Wën ë Nhialic dït arëët! Yïn yɔ̈ɔ̈k në rin ke Nhialic, an, Du ya lui këtuc!”

Nyuuth 12:12

Yen miɛt we piɔ̈ɔ̈th, wek bɛ̈i nhial, ku wek kɔc tɔ̈u thïn. Amawoou ë piny nɔm ku wɛ̈ɛ̈r: ë luɔi cï jɔŋdït rac lɔ piny të nuö wek, ke cï gɔ̈th aläl, wën ŋic en en nɔn cï akööl liaakäŋ döŋ tëde yen.