Math 7:7 - JAM DE NHIALIC 2011

⁷ Yak lip, ke we bï miɔɔc, yak köör, ku abäk yök, yak ɣöt tɔɔŋ thok, ku abï liëp week.

Math 7:7 Iomraidhean Croise

Cäk 26:32

Ku në ee kööl manë, ke lïïm ke Yithaak ë ke bɔ̈, ku guïïrkï Yithaak kake yinhdɛn ë weckï. Lëkkï yen an, “Pïïu acuk ke yök.”

1 Mel 3:5

Na ɣɔn wakɔ̈u go Bɛ̈nydït tuöl tëde Tholomon ë Gibiɔn ke ye nyuöth, lueel an, “Eeŋö bä lip kë bä gäm yïn?”

Diɛt 10:17

Yïn bï lɔ̈ŋ de kɔc cï miɛn aa piŋ Bɛ̈nydït, ku abä keek riit piɔ̈ɔ̈th.

Diɛt 10:4

Kɔc rac acïkï ee diɛɛr në Bɛ̈nydït, aye lɛcden ke tɔ täk nɔn ye Nhialic ɣɔ̈ric.

Diɛt 119:12

Bɛ̈nydït, Yïn bä piɔɔny, wɛ̈ɛ̈të yɛn në kuɛɛrku.

Diɛt 27:8

Acï lueel an, “Bä lam ɛn,” Aguɔ bɛ̈ɛ̈r an, “Yɛn bï bɛ̈n, Bɛ̈nydït”

Diɛt 34:4

Yɛn cï Bɛ̈nydït lɔ̈ŋ, ago këdï bɛ̈ɛ̈r, ku kony ɛn në kën ee ya riääc ëbɛ̈n.

Diɛt 37:4

Mitëpiɔ̈u wekë Bɛ̈nydït, ke bï yïn gäm ke kɔɔrë piɔ̈ndu.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 69:32

Të lee ë kɔc yɔŋ ee kënë tïŋ, abïk piɔ̈ɔ̈th miɛt, kɔc ee Nhialic lam abïï ke riit piɔ̈ɔ̈th.

Diɛt 70:4

Tɔ kɔc ee Yïn kɔɔr kedhie, mitpiɔ̈ɔ̈th ku lek piɔ̈ɔ̈th yum në Yïyic! Tɔ lueel ë kɔc nhiaar kuɔɔnydu ëceŋ an, “Nhialic adït!”

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Kɛ̈ŋ 8:17

Yɛn nhiaar raan ee yɛn kɔɔr ëbɛ̈n, ku raan ee yɛn kɔɔr ëbɛ̈n, ee ya yök.

Diɛt ke 3:2

Yɛn bï rɔt jɔt ënɔɔnë, ku la pänydït kɔɔric ëbɛ̈n, abä lɔ kɔɔr në kuɛɛriic ku në përiic. Yɛn cï raantöŋdiën nhiaar kɔɔr, acä kɔɔr, ku akɛ̈n yök.

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Amoth 5:4

Aye Bɛ̈nydït lɛ̈k baai de Yithriɛl an, “Bä të nu Yɛn, ku yïn bï pïïr.

Math 18:19

Wek bɛ yɔ̈ɔ̈k an, “Na de kɔc kaarou ë weyiic kɔc mat kethook ë piny nɔm, në kë bïk lim, ka bï luöi keek në wäär nu paannhial.

Math 21:22

Ku na de kë bäk lïm të läŋ wek ku gamkï, abäk keek aa yök.”

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Math 7:11

Ku të ŋiɛc wek mïthkun miɔɔc ë kapiɛth, ku wek rac, ku na wuöörduön nu paannhial cïï kɔc lip en bï miɔɔc në kapiɛth awär week arëët?

Math 7:8

Raan ëbɛ̈n raan ë këdäŋ lip, ke yök, raan ë këdäŋ kɔɔr, ke yök, ku raan tɔŋ ɣöt thok, ke liëpë yen.

Mak 11:24

Yen alɛ̈k ɛn e week, an, Të de yen ka bäk aa lip, të ya wek lɔ̈ŋ, yak gam nɔn cä wek ke guɔ nööm, ku abäk ke yök.

Luk 13:25

Rial, të cï bɛ̈ny de ɣöt rɔt guɔ jɔt ku jɔ ɣöt thiöök thok, ku we bï jɔ kɔ̈ɔ̈c biic, ku taŋkï ɣöt thok, ku luɛlkï an, ‘Bɛ̈nydït, liëpë we ɣöt!’ Ku abï bɛ̈ɛ̈r, yöök week an, ‘Wek kuöc të bä wek thïn!’

Luk 18:1

Go keek lɛ̈k kääŋ, ke kɔc ë ke bï dhil aa cool ë lɔ̈ŋ, ku cïkï ee bäp,

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 15:7

Të rɛ̈ɛ̈r wek ë yayic, ku rɛ̈ɛ̈r wëlkï ë weyiic, ka kë nu ë wepiɔ̈ɔ̈th ëbɛ̈n aduɛ̈ɛ̈rkï ke lip, ku abï ke luöi week.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 3:11

Acïn raan ŋic käŋ, acïn raan ee Nhialic kɔɔr,

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Jakop 5:15

Ku lɔ̈ŋ nu gäm thïn yen abï raan tök kony, go Bɛ̈nydït jat nhial, ku na de karɛc cï looi, ka bï kë päl en.

1 Jɔn 3:22

Ku të de en kë lipku, ka yok yök tëde yen, luɔi ee wo lööŋke döt, ku yok kamit ë yepiɔ̈u looi.