Math 7:21 - JAM DE NHIALIC 2011

²¹ Acie raan ëbɛ̈n raan ee ye lueel, an, Bɛ̈nydït, Bɛ̈nydït, yen bï lɔ ë ciɛɛŋ de Nhialic, ee raan ë këde piɔ̈u ë wäär looi, wäär nu paannhial yen abï lɔ.

Math 7:21 Iomraidhean Croise

Math 12:50

Raan ëbɛ̈n raan bï këde Wäär piɔ̈u aa looi, Wäär nu paannhial, yen aye mɛnhkäi, ku ye nyankäi, ku ye maar.”

Math 16:17

Go Yecu bɛ̈ɛ̈r, yöök, an, “Thieithieei, yïn Thimon Bar-Jona, acie raan cath kekë rïïŋ ku riɛm en ë nyuth yïn ee kënë ee Wäär nu paannhial.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 18:19

Wek bɛ yɔ̈ɔ̈k an, “Na de kɔc kaarou ë weyiic kɔc mat kethook ë piny nɔm, në kë bïk lim, ka bï luöi keek në wäär nu paannhial.

Math 18:3

ku lueel an, “Wek yɔ̈ɔ̈k ëyic an, ‘Të kɛ̈n wek röt puk, abäk ciët mïththiaakäŋ, ke we cïï bï lɔ ë ciɛɛŋ de paannhialic.

Math 18:35

Yen acït kë bï wäär nu paannhial luöi week, të kɛ̈n we röt pɔ̈l wapäc ë wepiɔ̈ɔ̈th thïn, ŋɛk ë mɛnhkënë päl ka cï wööc.

Math 19:24

Ku wek bɛ yɔ̈ɔ̈k an, “Tëëk tëëkë thɔ̈rɔ̈l ë liiprɔ nyin, yen apiɔl në lɔ de raan de kajuëc ë Ciɛɛŋ de Nhialic yic.”

Math 25:10

Na wën, aa lek ɣööc, ke monythiëk bɔ̈, go kɔc wën cï röt coc gokï lɔ ë thiëëkic në yen ëtök, go ɣöt gäär.

Math 25:21

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök.’

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Math 26:42

Go bɛ jäl raanrou, le lɔ̈ŋ an, “Wäär, na cïï ee bïnyë dhal ë luɔi bï en a waan, të kɛ̈n ɛn kɔn dek ë ye, ke yï tɔ këde piɔ̈ndu loi.”

Mak 3:35

Raan ëbɛ̈n raan bï këde Nhialic piɔ̈u aa looi, raanë yen aye Mɛnhkäi, ku ye nyankäi, ku ye maar.”

Mak 9:47

Ayïk yïnyin, të tɔ en yï loi kërac, ke tukë bei: aduëër ŋuɛ̈ɛ̈n tëde yïn, të le yïn ë ciɛɛŋ de Nhialic yic wekë nyin tök, në luɔi bï yïn cath we nyïïn kaarou, ku bï yï cuat ë giɛnayic,

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Luk 13:25

Rial, të cï bɛ̈ny de ɣöt rɔt guɔ jɔt ku jɔ ɣöt thiöök thok, ku we bï jɔ kɔ̈ɔ̈c biic, ku taŋkï ɣöt thok, ku luɛlkï an, ‘Bɛ̈nydït, liëpë we ɣöt!’ Ku abï bɛ̈ɛ̈r, yöök week an, ‘Wek kuöc të bä wek thïn!’

Luk 18:25

Tëëk bï thɔ̈rɔ̈l tëëk ë liiprɔ nyin, yen ee këpiɔl, në luɔi bï raan juëc ë kakë lɔ ë ciɛɛŋ de Nhialic yic.”

Luk 6:46

Ku eeŋö caal wek ɛn an, “Bɛ̈nydït, Bɛ̈nydït, ku cäkï ka luɛɛl ee looi?

Jɔn 14:7

Tëë we e ya ŋic, adï cäk Wääda ŋic aya: ku ënɔɔnë aŋiɛckï, ku acäk tïŋ.”

Jɔn 15:23

Raan man ɛn ka man Wäär aya.

Jɔn 3:5

Go Yecu puk nɔm an, “Yïn yɔ̈ɔ̈k ëyic an, të kënë raan dhiëëth në pïïu kekë wëi, ka cïï duëër lɔ ë ciɛɛŋ de Nhialicic.

Jɔn 5:17

Go Yecu pɔ̈k nɔm keek an, “Wäär ee luui aɣet cï ënɔɔnë, ku yɛn ee luui aya.”

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Romai 2:13

Ku acie kɔc piŋ löŋ tei, kek ee kɔc piɛthpiɔ̈ɔ̈th tëde Nhialic, ee kɔc ë löŋ looi, kek abï tɔ ye kɔc piɛthpiɔ̈ɔ̈th.

Epethiei 6:6

Duökï ee luui ë kë woi kɔc, cït man ë kɔc ee kɔc math nyïïn, yak luui cït man ë lïïm ke Kërtho, abäk këde piɔ̈n ë Nhialic aa looi ë wepiɔ̈ɔ̈th thïn.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

1 Theth 4:3

Këde piɔ̈n ë Nhialic kï an, Ɣɛɛr bä wek piɔ̈ɔ̈th ɣɛɛr, ku päl bä wek kɔ̈ɔ̈rëdiäär pɔ̈l.

1 Theth 5:18

Yak thieithieei lueel në këriëëc ëbɛ̈n. Kënë ee këde piɔ̈n ë Nhialic në këdun ë Kërtho Yecuyic.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

Ɣeberuu 4:6

Yen tëde ka, kɔc kɔ̈k abïk lɔ në lɔ̈ŋic. Ku kɔc ɣɔn ë kɔnë guiëër wëlpiɛth, akënkï bɛ̈n lɔ në lɔ̈ŋic, në biäk ë kën kek gam.

Jakop 1:22

Ku yak kɔc ee jam looi, ku cäkï ee kɔc ee piŋ tei, kɔc mɛth röt.

1 Pet 2:15

Yen aye këde Nhialic piɔ̈u, yen luɔi aa wek këpiɛth looi, aguɔkï kɔc cïn nïïm miɛɛm ë kuny kuc kek käŋ.

1 Pet 4:2

Ago täu täu wek ë guöpic ë aköölkuön ë pïïr cï döŋ tëde week, ke cïï bï aa këde ŋɔ̈ɔ̈ŋ ë kɔc dɔm, abï aa këde piɔ̈n ë Nhialic.

Nyuuth 2:27

ku abï keek aa cieŋ në thieny wëëth, ku abïk thou abïk lɔ thorthor cït man ë töny ke tiɔp, acït man ë riɛl cä yök tëde wäär:

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.

Nyuuth 3:5

Raan ee tiam ka bï yiëk kɔ̈u lupɔɔ ɣer aya, ku rinke acä ke bï cuöth bei ë awerek de pïïric, ku rinke abä ke gam ë Wäär nɔm, ku tuuckɛnnhial nïïm.