Math 7:13 - JAM DE NHIALIC 2011

¹³ Tɛ̈kkï ë kal thok, thoŋ kooric, kal adït thok, ku kueer alääuwic kueer lɔ të nu riääk, ku kɔc ee tëëk thïn ajuëckï.

Math 7:13 Iomraidhean Croise

Cäk 6:12

Go Nhialic piny tïŋ nɔm ke cï riääk, në luɔi cï kɔc ke piny nɔm kërac looi kedhie.

Cäk 6:5

Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ,

Kɛ̈ŋ 16:25

Kueer ee raan tïŋ ke cït yic, aduëër lɔ guut tëde thuɔɔu.

Kɛ̈ŋ 7:27

Të le yïn ë nɔm thɛm ɣönde, ka yïn cï kueer ë paan ë thuɔɔu dɔmic. Thondu acïï mec.

Kɛ̈ŋ 9:6

Go pɛlënɔm lueel an, “Pälkï pial ë piɔ̈ndun, ke we bï pïïr, ku cathkï në kueer ë yöŋ de käŋic.”

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 25:46

Ku kɔckë abïk lɔ lek këdɛn tuc yök kë bï ceŋ athɛɛr, ku lɔ kɔc piɛthpiɔ̈ɔ̈th të nu pïïr athɛɛr.”

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Math 3:8

Yen aa wek luɔk në luɔi piɛth, luɔi bï röŋ në puŋëpiɔ̈u,

Math 7:14

Ku kal akoor thok, ku kueer ajonyic, kueer lɔ të nu pïïr, ku kɔc ë ye yök alikï.

Luk 14:33

Yen acït week aya, raan ëbɛ̈n ë weyiic raan cïï kake päl kedhie, ka cïï duëër a raandiën ë piööcë.”

Luk 9:33

Na wën, aa jël kɔc ë yelɔ̈ɔ̈m, ke Petero yöök Yecu an, “Bɛ̈ny, täu tɔ̈u wok eenë en apiɛth: jɔku kɛ̈ɛ̈t looi kadiäk, ye tök këdu, ku ye tök këde Mothe ku ye tök këde Elija.” (Akuc kë lueel.)

Jɔn 10:9

Yɛn ee agäu thok: raan tëk le thïn në yɛn, ka bï kony wëi, go ya lɔ thïn ku le biic, ago wal aa yök.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Romai 9:22

Ku na Nhialic, të de yen piɔ̈u luɔi bï en agönhde nyuɔɔth, ku tɔ riɛlde ŋic, eeŋö däŋ, acakaa yen ë cï töny ke agɔ̈th guum në liɛɛr dïït ë yenpiɔ̈u, kek töny cï röŋ në riääk bï ke riɔ̈ɔ̈k,

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 20:3

ku jɔ cuat ë adhum thuthic, ku guur thïn, ku boot adhum thuth thok, ke cïï juöör bï bɛ aa math, të ŋoot agum de run ë ke kën kɔn thök: ku të cï runke thök, ka bï dhil lony tëthiinakäŋ.