Math 6:25 - JAM DE NHIALIC 2011

²⁵ Yen a yɔ̈ɔ̈k ɛn week an, Duökï ë diɛɛr ë wëikun në ke bäk aa cam, ku në ka bäk aa dek, ku duökï ë diɛɛr ë wegup, në ke bäk aa cieŋ, wëi cïkï piɛth awärkï këcam, ku raan guöp cïï piɛth awär lupɔ?

Math 6:25 Iomraidhean Croise

Diɛt 55:22

Tääuwë nuandu ë Bɛ̈nydït kɔ̈u, ku abï yïn gël, acïï kɔc piɛthpiɔ̈ɔ̈th bï tɔ tiam.

Jeremia 45:5

Ee luɔi mɛɛn yen kɔɔr bïï luöi yïn pei? Du ee kënë loi. Yɛn bï riääk bɛ̈ɛ̈i në kɔc ke piny nɔm gup ëbɛ̈n, ku yïn bï aa ban we wëiku, të bïï yïn aa lɔ thïn ëbɛ̈n. Acä lueel, Yɛn Bɛ̈nydït.”

Math 10:19

Ku të cï we yiɛ̈n kɔc, duökï ë diɛɛr në jam bä wek jam ku në wël bäk lueel, kë bäk lueel abï gäm week ë thaar manë guöp.

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Math 6:31

Yen duö wek ë diɛɛr an, “Buk ŋö cam? Ku an, “Buk ŋö dek? Ku an, “Buk ŋö cieŋ?

Math 6:34

Yen duö wek ë diɛɛr në këde miäk, miäk abï diɛɛr ë ka ke yenguöp. Kööl tök abï kuɛth ë jam rɛɛcde yetök.

Mak 13:11

Ku të ye kek week thel, leerkï week ë löŋ nɔm, ke we duökï diɛɛr ë kë bäk lueel: ku jam ëbɛ̈n jam bï gäm week ë thaarë yen abäk lueel: acie wek bï jam, ee Wëidït ɣer kek bï jam.

Mak 4:19

na wën, ke diɛɛr ee kek diɛɛr ë ka ke piny nɔm, ayï mɛth ee juëc de wëu keek math, ayï ŋɔ̈ɔ̈ŋ de ka kɔ̈k, ke ke lɔ thïn, ku nyiickï jam, agokï cuö lok.

Luk 12:11

“Ku të ye kek week bɛ̈ɛ̈i ë ɣööt ke Nhialic yiic ku bäny nïïm bäny ee löŋ guiir, ku bäny ee kɔc cieŋ, ke we duökï ë diɛɛr në wël bäk bɛ̈ɛ̈r, ku në kë bäk lueel.

Luk 8:14

Ku ka cï lööny ë kuɔɔth yiic ayek kɔc ee jam piŋ, ku jɔkï lɔ, ago ke nyiɛɛc në diɛɛr ee kek diɛɛr ë käŋ ku bäny cï kek bäny ku kamit yek kɔɔr ka ke pïïrë, ku cïkï ee luɔk apiɛth.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

1 Kor 7:32

Ku yɛn de piɔ̈u nɔn bä wek tɔ̈u ke we cie diɛɛr. Raan kën thiëëk ee diɛɛr ë ka ke Bɛ̈nydït, luɔi bï en Bɛ̈nydït tɔ mit piɔ̈u:

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.

2Tim 2:4

Acïn raan ee luui ke ye raan de tɔŋ ee rɔt nääi ë ka ke pïïrë, luɔi bï en raan ë tɛ̈ɛ̈u en ë luɔi de tɔŋic tɔ mit piɔ̈u kekë yen.

1 Pet 5:7

Yak diɛɛrduön aa wek diɛɛr ëbɛ̈n cuat ë yekɔ̈u, luɔi ee yen diɛɛr në këdun.