Math 6:24 - JAM DE NHIALIC 2011

²⁴ Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Math 6:24 Iomraidhean Croise

Cäk 47:17

Agokï ke lɔ bɛ̈ɛ̈i. Go Jothep ke gäm agamɔ ku nööm ɣɔ̈k, ku thök, ku jöŋgöör, ku mul. Go Jothep ɣɔ̈kken nööm kedhie, ku tɔ keek cäm në ee ruöönë yic ëbɛ̈n.

1 Mel 18:21

Go Elija bɛ̈n ë kɔc lɔ̈m tëthiɔ̈k, ku lueel, an, “Bäk tök jɔ dɔm nɛn? Na ee Bɛ̈nydït yen ee Nhialic, ke kuanykï cök, ku na ee Baal yen ee Nhialic, ke kuanykï cök!” Go kɔc ciën kë cïk puk nɔm.

2 Mel 17:41

Go juöörkë Bɛ̈nydït aa lam, ku ayek yiëthken lam aya, agut cï ee köölë, kuatden aŋootkï ke ke loi ee kë wäänë.

Edhekiɛl 20:39

Acïï Bɛ̈nydït Awärjäŋ lueel an, “Ku ënɔɔnë, wek baai de Yithriɛl, takï we piɔ̈ɔ̈th mit! Luööikï yiëthkun! Ku wek jääny, në ee kake cök, wek bï ya dhil riëëu, ku pälkï luɔi ya wek rinkiën ɣeriic yɔ̈ɔ̈r, në gɛm ya wek miɔ̈c gäm yiëthkun.

Dhep 1:5

Yɛn bï kɔc riɔ̈ɔ̈k, kɔc ee kenïïm guöt piny në ɣööt nïïm nhial, ke ke lam akɔ̈l ku pɛɛi ku kuɛl, ku kɔc ee röt tɔ ye kɔc ee kuëëŋ në Yɛn ku ayek lɔ kuëëŋ në Molek yanhden,

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Luk 16:11

Ku na kɛ̈nkï wëu ke piny nɔm ŋiëc aa döt kek wëu rac, ke eeŋa bï we kuɛ̈i wëu yith?

Luk 16:13

Acïn raan duëër bäny luööi kaarou: nɔn bï en tök maan, ku nhiɛɛr tök, ku nɔn bï en lɔ kuäkkuäk kekë tök, ku tɔ tök cïn naamde. Wek cïï Nhialic duëër luööi ku luööikï wëu ayadäŋ.”

Luk 16:9

Ku wek yɔ̈ɔ̈k an, “Yak röt kɔ̈ɔ̈r määthkun në wëu rac ke piny nɔm, na rial, acï kakun dak, ka bïk week nyuööc ë ɣööt bï tɔ̈u athɛɛr yiic.

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

2Tim 4:10

Demath acï a päl wei, në nhiëër cï en pinyë ënɔɔnë nhiaar, ago jäl le Thethalonika, ku lɔ Kerethke Galatia, ku lɔ Tito Dalmatia.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”