Math 6:2 - JAM DE NHIALIC 2011

² “Yen ka, të miɔɔc yïn kɔc ë dhuëëŋdu, ke yï du kaaŋ tɔ koth ë yïnɔm tueŋ, cït man ë luɔi de kɔc de yic aguk, ë ɣööt ke Nhialic yiic ku kuɛɛr yiic, ke ke bï leec ë kɔc. Wek yɔ̈ɔ̈k ëyic an, “Acïk ariöpden guɔ yök.

Math 6:2 Iomraidhean Croise

Diɛt 112:9

Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

Diɛt 37:21

Raan rac ee dhëën ku acie col, ku raan piɛthpiɔ̈u ee amiööc ee käŋ gam baaŋ.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Kɛ̈ŋ 20:6

Cakaa nɔn ye kɔc e lueel an, yɛn piɛth piɔ̈u, yɛn aa döt, eeŋa duëër raan cït ee kënë yök?

Wɛ̈ɛ̈t 11:2

Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 58:7

Yak kacamkï rɔm në kɔc nɛ̈k cɔk, yak ɣöötkun liep thook kɔc cïn bɛ̈i, kɔc kuanynyïïn. Yak kɔc cïn lupɔɔ miɔɔc në lupɔɔ, ku duökï kɔc raan ë week ee pɛ̈n kuɔɔny.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Ɣodh 8:1

Aye Bɛ̈nydït lueel an, “Kuɔthkï kɛŋ, cuɔɔr agör Yithriɛl, në baŋ cïï kɔckï löŋdï dhoŋ kɔ̈u, ku dhäŋkï wëëtdï yic.

Math 15:7

Wek kɔc de yäc aguk, ee yic ee kë lueel Yithaya në këdun an,

Math 16:3

Na miäk, ka yak lueel an, ‘Deŋ ajöt ëköölë, tënhial acï thiɛth ku ariëël anu.’ Wek kɔc de yäc aguk, we ŋic nhial woi yic aguɔkï piny ŋic täu bï en tɔ̈u, ku ŋïny bä wek täu de run ŋic adhal week!

Math 22:18

Go Yecu rac de kepiɔ̈ɔ̈th ŋic, go lueel an, “Eeŋö thɛm wek ɛn, wek kɔc de yäc aguk?

Math 23:5

Ayek luɔiden looi ëbɛ̈n ke ke bï tïŋ ë kɔc, ayek wɛlkɛn yek cieŋ tɔ lääu yiic, ku tɔkï lupɔɔken dït thook.

Math 23:6

Ku anhiaarkï tëpiɛth ee kɔc rëër ëkööl ë këcamdït, ayï tëpiɛth ye kɔc rëër ë ɣööt ke Nhialic yiic,

Math 24:51

ago nyaai ë käŋ yiic, ku tɔ yök këdɛn tuc kekë kɔc de yäc aguk ëtök, dhiëëu abï nu ëtɛ̈ɛ̈n kekë ŋëny de lec.

Math 5:18

Wek yɔ̈ɔ̈k ë yic, Të ŋootë tënhial ayï piny ke ke kën guɔ nyai, ka cïn gut tök ku acïn të thiin cï ɣɔ̈ɔ̈t bï nyaai në löŋic, të ŋootë käŋ ke ke kënë thöl kedhie.

Math 6:16

“Ku cöök däŋ, të ya wek cäm rɛɛc, duökï wenyïïn ë kuaany cït man ë kɔc deyiic aguk, ayek kenyïïn tɔ rac, ë luɔi bï kek aa tïc ë kɔc nïïm nɔn ee kek kɔc reec cäm. Wek yɔ̈ɔ̈k ëyic an, “Acïk ariöpden guɔ yök.

Math 6:3

Ku yïn, të miɔɔc yïn kɔc ë dhuëëŋdu, du ciin camdu ee tɔ ŋic këduön ë looi ë ciin cuënydu,

Math 6:5

Ku tën ee yïn lɔ̈ŋ, yïn cïï bï ciët kɔc deyiic aguk, anhiaarkï kɔ̈ɔ̈c kɛ̈ɛ̈c kek ë ɣööt ke Nhialic yiic ku aguuk ke kuɛɛr, të ye kek lɔ̈ŋ, ke ke bï tïŋ ë kɔc. Wek yɔ̈ɔ̈k ëyic an, “Acïk ariöpden guɔ yök.

Math 7:5

Yïn ee raan deyic aguk, kɔn tim dït nu ë yïnyin bɛ̈ɛ̈i bei, na ëlë, ke yïn bï daai ëgɔk ku yïn duëër wɛ̈ɛ̈lthiin nu ë mɛnhkui nyin dap bɛ̈ɛ̈i bei.

Mak 12:39

ku nhiaarkï tëpiɛth ee rëër ë ɣööt ke Nhialic yiic, ayï tëpiɛth ee rëër ë akööl ke këcamdït:

Mak 7:6

Go ke yɔ̈ɔ̈k an, “Ee yic en kë wään lueel tiët Yithaya në këdun, wek kɔc de yäc aguk, cït man cï ë gɔ̈ɔ̈r an, ‘Kɔckë ayek a riëëu ë kethook, Ku ameckï piɔ̈ɔ̈th në yɛn.

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Luk 11:43

“Amawoou në week, wek Parithai! Wek nhiaar rëër aa wek rëër ë thöny piɛth nïïm ë ɣööt ke Nhialic yiic, ku nhiaarkï thiëc ee kɔc week thiëëc ë thuk yiic.

Luk 12:33

Ɣaackï ka cath në week, ku miackï kɔc kuanynyïïn, yak röt luɔi anyɔŋɔɔ cïï bï dhiap, yak wëu kueet paannhial wëu cïï bï thök, të cïn cuɛ̈ɛ̈r bï ɣëët tëthiɔ̈k, ku të cïn kɔ̈m bï ke riɔ̈ɔ̈k.

Luk 12:56

Wek kɔc de yäc aguk, wek ee tënhial ŋic ayï piny täu bï kek tɔ̈u, ku eeŋö kuöc wek ee köölë täu bï en tɔ̈u?

Luk 13:15

Go Bɛ̈nydït puk nɔm, yöök an, “Yïn raan de yäc aguk, raan ëbɛ̈n ë weyiic cïï thɔnde ë lony ayï mulde tën ee yen rem thïn ëkööl ë Thabath, ku jɔ thɛl wïïr le dek?

Luk 20:46

“Yak röt tiit ë kɔc ee löŋ gɔ̈ɔ̈r, kɔc kɔɔr cath ke ke ceŋ lupɔɔ bär, ku nhiaarkï thiëc ee kɔc röt thiëc ë thuk yiic, ku nhiaarkï ɣään piɛth ë ɣööt ke Nhialic yiic ayï ɣööt ke këcam yiic,

Luk 6:24

“Ku amawoou në week wek kɔc cï bäny, adutdun acäk guɔ nööm!

Luk 6:42

Ku duɛ̈ɛ̈rë mɛnhkui yɔ̈ɔ̈k adï an, ‘Mɛnhkäi, tɔ ya mïït ee wɛ̈ɛ̈l thiin nu ë yïnyin bei, ku yïn guöp yïn cïï timdïït nu ë yïnyinë woi? Yïn ee raan de yic aguk, kɔnë tim dïït nu ë yïnyinë bɛ̈ɛ̈i bei, na ëlë, ke yïn bï daai ëgɔk, ke yïn duëër wɛ̈ɛ̈l thiin nu ë mɛnhkui nyin dap bɛ̈ɛ̈i bei.

Jɔn 13:29

Ku në luɔi ciɛthë Judath ke athep ë wëu, aye kɔc kɔ̈k lueel an, cï Yecu yiɛ̈n lɛ̈k en an, ɣɔc ka kɔɔrku tëde Dhuëëŋ, ku nɔn bï en kɔc kuanynyïïn yiɛ̈n miɔɔc ë käŋ.

Jɔn 5:41

“Yɛn cïï lɛc ee gam tëde kɔc.

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Jɔn 7:18

Raan ë jam ëkëde yenhde ee lɛc de yenguöp en kɔɔr: ku raan kɔɔr lɛc de raan ë toc en, yen aye raan yic, ku cïnic kërac.

Luɔi 10:2

Ee raan rïïu Nhialic, ku ye ka ke Nhialic kɔɔr, yen kekë dhiënde ëbɛ̈n, ku ye adhuɛ̈ŋ ee kɔc miɔɔc aya, ku ye cool ë läŋ Nhialic ë aköölnyïïn kedhie.

Luɔi 10:31

ku lueel, an, ‘Korunelio, lɔ̈ŋdu acï piŋ, ku miɔ̈cduön ë kɔc kuanynyïïn amuk ë Nhialic ë yepiɔ̈u.

Luɔi 10:4

Na wën, aacï woi guöp, ke päu piɔ̈u, ku lueel an, “Ee käŋö Bɛ̈nydït?” Go ë tunynhial yɔ̈ɔ̈k an, “Lɔ̈ŋdu ku miɔ̈cduön ë kɔc kuanynyïïn acïk ɣet nhial ë Nhialic nɔm an, bïk aa ka bï Nhialic aa tak.

Luɔi 11:29

Go kɔcpiööcë gokï löŋ lueel ë kepiɔ̈ɔ̈th an, bïk käŋ tɔ yïnë mïthëkɔckɛn rɛ̈ɛ̈r ë Juda, lek keek kony, raan ëbɛ̈n abï miööc në këdɛn cï yök.

Luɔi 24:17

“Ku ënɔɔnë, të cän run juëc lɛɛr, ke ya jɔ bɛ̈n bä ka cï gam në dhuëëŋ bɛ̈n yiɛ̈n jurda, ayï ka cï yiɛ̈n Nhialic.

Luɔi 9:36

Ku ade raanpiööcë ë Jopa, tiiŋ cɔl Tabitha, yen aye Doruka ë thoŋ ë Girikii (ku cɔl ŋɛɛr në thoŋda): tiiŋë ee tiiŋ piɛth cin, ee cool ë loi luɔi piɛth, ku ye kɔc kuanynyïïn miɔɔc.

Romai 12:8

ku raan ë kɔc guiëër wël, ë ye kɔc guiëër apiɛth, raan ë miööc, ë ye miööc ë piɔ̈n tök, raan nu ë kɔc nïïm, ë ye këde looi ke lëth guöp, raan ë piɔ̈u kok, ë ye luui ë piɔ̈n mit.

1 Kor 13:3

Ku na ya cak kɔc miɔɔc ë kakï kedhie, bï kek këcam yök, ku na ya cak guöpdï gam an, bï nyop ë mac, ku ciën nhiëër, acïn piath bä yök tëde ye.

Galatai 2:10

Ee cöökë etök tei an, täŋ bï wok kɔc kuanynyïïn aa tak, ku yen ee cöök manë guöp aa ya yɛn cool ë lëthic ë ye.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

1 Theth 2:6

ku acïn lɛc cuk kɔɔr tëde kɔc, ayï tëde week, ayï tëde kɔc kɔ̈k, acakaa wek ë cuk duɛ̈ɛ̈r miɛn, luɔi ee wok tuuc ke Kërtho.

1 Tim 6:18

Ku yɔ̈ɔ̈k ë keek, bïk këpiɛth aa looi, ku bïk aa kɔc juëc ë luɔidɛn piɛth, ku yek adhuɛ̈ŋ ee kɔc dap miɔɔc, ku yek kaken dap tɛ̈k kɔc.

Pile 1:7

Wok mit piɔ̈ɔ̈th aläl ku cï wo riit piɔ̈ɔ̈th në nhiëërduön ee yïn kɔc nhiaar, luɔi cï kɔc ɣerpiɔ̈ɔ̈th tɔ lɔ piɔ̈ɔ̈th guïk piny në yïn, mɛwäär.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.

1 Tham 15:30

Go Thaulo bɛ̈ɛ̈r an, “Yɛn cï kërac looi, yïn läŋ bä ya riëëu guöp në kɔcdïtkuɔ nïïm ku kɔc ke Yithriɛl nïïm. Bäär ciëën wokë yɛn, aguɔ Bɛ̈nydït Nhialicdu lɔ lam.”