Math 6:13 - JAM DE NHIALIC 2011

¹³ Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Math 6:13 Iomraidhean Croise

Cäk 22:1

Na wën, alɔ aköölkë thök, ke Nhialic ë them Abraɣam, cɔɔl an, “Abraɣam!” Ago Abraɣam gam, lueel an, “Yakï.”

1 Mel 1:36

Go Benaya bɛ̈ɛ̈r an, “Amiin. Ku abï Bɛ̈nydït Nhialicdu tɔ loi rɔt!

1 Lëk 16:36

Pianykï Bɛ̈nydït, Nhialic de Yithriɛl! Lɛckï nɔm ënɔɔnë ku aɣet thɛɛr! Ku abïï kɔc kedhie lueel an, “Amiin”, ku piɔnykï Bɛ̈nydït.

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

1 Lëk 4:10

Go Jabedh Nhialic de Yithriɛl lɔ̈ŋ an, “Thieei ɛn Nhialic, ku miɔc ɛn ë piny lääu, ku bä tɔ̈u wek ë yɛn, ago yɛn aa gël ë karɛc bï ya tɔ yök arɛɛm.” Go Nhialic yen gäm këdɛn cï thiëëc ë lɔ̈ŋde yic.

Diɛt 10:16

Bɛ̈nydït ee melik aɣet athɛɛr. Juöör ee yiëth kɔ̈k lam abïk määr pinyde.

Diɛt 106:48

Pianykï Bɛ̈nydït, Nhialiny de Yithriɛl, pianykï ënɔɔnë ku aɣet athɛɛr! Në lueel ë raan ëbɛ̈n, “Amiin!” Lɛckï Bɛ̈nydït!

Diɛt 22:28

Bɛ̈nydït ee melik, ka ee yen ee bɛ̈ny de juöör.

Diɛt 41:13

Pianykï Bɛ̈nydït, Nhialic de Yithriɛl! Pianykï ënɔɔnë aɣet athɛɛr! Amiin! Amiin!

Diɛt 47:2

Bɛ̈nydït, Awärjäŋ Yen abï ë riɔ̈ɔ̈c, Yen ee melik dït, bɛ̈ny mac pinynɔm ëbɛ̈n.

Diɛt 47:7

Nhialic ee Melik de pinynɔm ëbɛ̈n, pianykï në Diɛt!

Diɛt 72:19

Pianykï rinkɛn ke dhuëëŋ aɣet athɛɛr! Në dhuëëŋde thiɔ̈ŋ pinynɔm ëbɛ̈n. Amiin! Amiin!

Diɛt 89:52

Pianykï Bɛ̈nydït aɣet athɛɛr! Amiin! Amiin!

Bɛ̈n 15:18

Bɛ̈nydït, Yïn aye melik ë caaŋdu.”

Kɛ̈ŋ 30:8

Nyaaiyë kë cɔl tör ë wël ë yathok, ku du ya tɔ kuanynyin ku nɔn bä kueth aläl, gämë yɛn kuïndiën aköölnyïïn tei,

Jeremia 15:21

Yïn bä gël aril në riɛl de kɔc rac ku kɔc ke akuöörkuöör. Acä lueel, Yɛn Bɛ̈nydït.”

Jeremia 28:6

Ago ë tiët Jeremia lɛ̈k en an, “Ee këdïït ë gäi! Amiin! Anhiaar duëër Bɛ̈nydït ee kënë looi! Anhiaar nɔn duëër en cäärdu tɔ ee yic, ku tɔ wëu bïïyë ciëën, wëu wään ke Luaŋdït cï lɛɛr Babilonia ku tɔ kɔc wään cï jɔt ke ke mac bɔ̈ ciëën.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 7:18

Ku kɔc ke Nhialic dït abïk riɛl de ciɛɛŋ yök, ku abïk ciɛɛŋ muk aɣet athɛɛr.

Kuɛ̈n 5:22

pïïukë abïk yï tɔ thum ka cïn kë bï bɛ̈n bei në yïɣöi. Ku ëtɛ̈ɛ̈n, abï tik puk nɔm an, Amiin, Amiin, yɛn ë gam, tɔ looi ë Bɛ̈nydït cït ee manë.

Math 26:41

Yiɛ̈nkï ku läŋkï, ke we cïï bï lɔ ë thëmic, wëi aye lɔ thïn ëyic, ku ye guöp en akɔ̈c.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Math 5:37

Yak jamdun tɔ ye “ɣɛɛ, ɣɛɛ, tei”, ku, “Ei, Ei,” jam wär ee jamë ee kërac yen ë bïï en.

Math 6:10

Tɔ ciɛɛŋdu bɔ̈, Tɔ këdu piɔ̈ndu ee looi ë piny nɔm, Acït man ë ye looi paannhial.

Jɔn 17:15

Acie luɔi bï yïn ke bɛ̈ɛ̈i bei ë piny nɔm en läŋ, ee luɔi bï yïn ke gël ë kërac.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

1 Kor 14:16

Be an, cie looi wuya, ku jɔ Nhialic thieei wekë wëiku kapäc, ke raan rɛ̈ɛ̈r ëtɛ̈ɛ̈n ke ye raan kënë wɛ̈ɛ̈t, bï “Amiin” lueel adï, nɔn kën en kë luel piŋ?

2 Kor 1:20

Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook.

Galatai 1:4

Raan cï rɔt gaam në biäk de karɛc cuk looi, luɔi bï en wo luök në pinyë nɔm ënɔɔnë, piny rɛɛcë, në këde piɔ̈n ë Nhialic Wäärda.

Nyöŋ 8:16

Acï week gäm mana ë jɔ̈ɔ̈ric bäk cam, këcam kën kuarkun kɔn cam. Acï we tuöc ka tuc thook them En ke week, aguɔkï athiɛɛi kekë kapiɛth jɔ yök në ke cök.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.

1 Theth 1:10

ku bäk Wënde aa tiɛɛt paannhial, Wëndɛn cï jɔ jɔt ë kɔc cï thou yiic, yen Yecu raan cïï wo luök ë agönh bï bɛ̈n.

2 Theth 3:3

Ku Bɛ̈nydït en aye piɔ̈u adöt, raan bï we tɔ kääc aril, ku gël week ë kërac.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

Ɣeberuu 11:36

Kɔc kɔ̈k aake ye dɔl gup ku duike në wɛt, ku ye kɔ̈k duöt në ɣööt ke dömiic.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,

1 Jɔn 3:8

Raan ee kërac looi, ka ye këde jɔŋdït rac, jɔŋdït rac yen aa gɔl luɔi ë kërac ɣɔn ciɛkë käŋ. Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.

Nyuuth 19:1

Na wën, aacï kakë thök, ke ya piŋ röl dïït ë kut dïït ë kɔc paannhial, ke luelkï an, “Aleluya! Kunydewëi, ku dhuëëŋ, ku riëëu, ku riɛldït, ayek kake Bɛ̈nydït Nhialicda!

Nyuuth 19:4

Go röördït kathiërrou ku ŋuan ku läi kaŋuan gokï röt cuat piny lamkï Nhialic Raan rɛ̈ɛ̈r ë thöönydït nɔm, ku luelkï an, “Aleluya, Amiin!”

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 21:4

ku abï pïïu ke kenyïïn weec ë kenyïïn kedhie, ku thuɔɔu acïï bï be nu, ayï jiɛthëpiɔ̈u, ku dhiëëu, ku arɛɛm, acïkï bï bɛ nu: ka tueŋ acïk jäl ëliŋliŋ.”

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.

Nyuuth 3:14

Ku gäär tunynhial de ɣööt ke Nhialic nu Laodikia alë: Kakë aluel Amiin keek, en aye cäätɔ adöt ku ye yic, gɔl ë cäŋ ë ciɛkë Nhialic käŋ:

Nyuuth 5:13

Ku këriëëc cï cak ëbɛ̈n, ayï ka nu paannhial, ayï ka nu ë piny nɔm, ayï ka nu ë piny thar, ayï ka nu ë wɛ̈ɛ̈ric, ku ka nu ë keyiic kedhie, acä ke piŋ, ke luelkï an: “Athiɛɛi, ku riëëu, ku dhuëëŋ, ku riɛldït, ë ke tɔ̈u në Raan rɛ̈ɛ̈r e thöönydït nɔm, ku në Nyɔŋamääl, aɣet wadäŋ thɛɛr ya.”