Math 6:10 - JAM DE NHIALIC 2011

¹⁰ Tɔ ciɛɛŋdu bɔ̈, Tɔ këdu piɔ̈ndu ee looi ë piny nɔm, Acït man ë ye looi paannhial.

Math 6:10 Iomraidhean Croise

Neɣe 9:6

Ku ëtɛ̈ɛ̈n kɔc ke Yithriɛl acïk bɛ̈n lɔ̈ŋ në ee lɔ̈ŋë an, “Yïn Bɛ̈nydït, Yïn Yïtök, Yïn ee Bɛ̈nydït, Yïn cï të nhial looi ku kuɛl nhial. Yïn cï të ril looi ku loi wɛ̈ɛ̈r ku këriëëc ëbɛ̈n tɔ̈u ë keyiic. Yïn ee këriëëc ëbɛ̈n gäm wëi. Ka ril ke paannhial ayek kenïïm guöt piny ku läŋkï Yïn

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 40:8

Aa nhiaar bä këde yïn piɔ̈u looi Nhialicdï, wëëtdu aya muk në yapiɔ̈u thïn.”

Yith 2:2

Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Danyel 7:13

Ku në ee nyuuthë yic wakɔ̈u, yɛn cï kë cït mɛnh ë raan tïŋ. Abɔ̈ të nu yɛn thïn ke cï geeu në luäät, ago lɔ të de raan pïïr aɣet athɛɛr, go lɔ gäm en.

Danyel 7:27

Bääny ku riɛldït de ciɛɛŋ ë pinynɔm ëbɛ̈n abïï gäm kɔc ke Nhialic dït. Ku riɛl de bäänyden acïï kɔ̈u bï tɛɛm ku bäny ke pinynɔm ëbɛ̈n abïk keek aa luööi ku rïïukï keek.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 12:50

Raan ëbɛ̈n raan bï këde Wäär piɔ̈u aa looi, Wäär nu paannhial, yen aye mɛnhkäi, ku ye nyankäi, ku ye maar.”

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Math 26:42

Go bɛ jäl raanrou, le lɔ̈ŋ an, “Wäär, na cïï ee bïnyë dhal ë luɔi bï en a waan, të kɛ̈n ɛn kɔn dek ë ye, ke yï tɔ këde piɔ̈ndu loi.”

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Math 4:17

Kek ë aköölkë kek aa ciɛkë Yecu guiëër ë wël, aaye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.”

Math 7:21

Acie raan ëbɛ̈n raan ee ye lueel, an, Bɛ̈nydït, Bɛ̈nydït, yen bï lɔ ë ciɛɛŋ de Nhialic, ee raan ë këde piɔ̈u ë wäär looi, wäär nu paannhial yen abï lɔ.

Mak 11:10

Thieithieei në ciɛɛŋ bɔ̈, ciɛɛŋ de wääda Debid! Ɣothana tënhial ya!”

Mak 3:35

Raan ëbɛ̈n raan bï këde Nhialic piɔ̈u aa looi, raanë yen aye Mɛnhkäi, ku ye nyankäi, ku ye maar.”

Luk 19:11

Na wën, aa piŋkï wëlkë, ke jɔ jam ŋuak lëk keek kääŋ, luɔi cï en thiɔ̈k ke Jeruthalem, agokï lueel, ë kepiɔ̈ɔ̈th an, bï ciɛɛŋ de Nhialic dap tuöl.

Luk 19:38

luelkï an, “Thieithieei Melik bɔ̈ në rin ke Bɛ̈nydït! Ë mät tɔ̈u paannhial, ku tɔ̈u dhuëëŋ tënhial ya!”

Luk 22:42

An, “Wäär na nu ë yïpiɔ̈u, ke yï nöm bïnyë tëde yɛn, ku acie këde piɔ̈ndï tei, tɔ loi ee këde piɔ̈ndu.”

Jɔn 4:34

Go Yecu ke yɔ̈ɔ̈k an, “Luɔi luɔi ɛn këde piɔ̈n ë raan ë toc ɛn, ayï thöl bän luɔide thöl, yen aye këcamdï.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Luɔi 13:22

Ku të cï en e nyaai, ke jɔt Debid nhial abï aa melikden, go lueel në këde, an, ‘Yɛn cï Debid wën ë Jethe yök, raan nu ë yapiɔ̈u, raan bï këde yɛnpiɔ̈u looi ëbɛ̈n.’

Luɔi 21:14

Na wën, aa reec këda gam, ke wo jɔ jam pɔ̈l, ku luelku an, “Abï looi tei në këde piɔ̈n ë Bɛ̈nydït.”

Luɔi 22:14

Go lueel an, ‘Nhialic de wärkuɔ acï yï lɔc, bä këde piɔ̈nde bɛ̈n ŋic, ago Raan piɛthpiɔ̈uwë tïŋ, ku jɔ jam ë yenthok piŋ.

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Epethiei 6:6

Duökï ee luui ë kë woi kɔc, cït man ë kɔc ee kɔc math nyïïn, yak luui cït man ë lïïm ke Kërtho, abäk këde piɔ̈n ë Nhialic aa looi ë wepiɔ̈ɔ̈th thïn.

Kolothai 1:13

Acï wo luäk bei në riɛl ë cuɔlëpiny, ku tɛ̈ɛ̈u wook ë ciɛɛŋ de Wëndɛn nhiɛɛric,

Kolothai 1:9

Yen aye wok cool ë läŋ Nhialic në biäkdun acïn pëk, gɔl ëkööl ɣɔn kɔn wok e piŋ, ke we bï kuɛth ë ŋïny ŋiɛc wek këde piɔ̈nde në pɛlënɔm ëbɛ̈n ku në yöŋ aa wek ka ke wëi yök yiic,

1 Theth 4:3

Këde piɔ̈n ë Nhialic kï an, Ɣɛɛr bä wek piɔ̈ɔ̈th ɣɛɛr, ku päl bä wek kɔ̈ɔ̈rëdiäär pɔ̈l.

1 Theth 5:18

Yak thieithieei lueel në këriëëc ëbɛ̈n. Kënë ee këde piɔ̈n ë Nhialic në këdun ë Kërtho Yecuyic.

Ɣeberuu 1:14

Tuucnhial cïkï ee wëi cï tuööc, bïk kɔc bï kuny de wëi lɔ̈ɔ̈k lak aa luööi?

Ɣeberuu 10:36

Yak wepiɔ̈ɔ̈th muk, aguɔkï këde piɔ̈n ë Nhialic aa looi ku bäk ka cï kɔn lɛ̈k week yök.

Ɣeberuu 10:7

Go Kërtho lueel, an, “Ku ënɔɔnë Yïn Nhialinydï, Yɛn aa bɔ̈ bä kë de piɔ̈ndu bɛ̈n looi, cït man cï Awerek ë Nhialic e lueel.”

1 Pet 2:15

Yen aye këde Nhialic piɔ̈u, yen luɔi aa wek këpiɛth looi, aguɔkï kɔc cïn nïïm miɛɛm ë kuny kuc kek käŋ.

1 Pet 4:2

Ago täu täu wek ë guöpic ë aköölkuön ë pïïr cï döŋ tëde week, ke cïï bï aa këde ŋɔ̈ɔ̈ŋ ë kɔc dɔm, abï aa këde piɔ̈n ë Nhialic.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 12:10

Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.

Nyuuth 19:6

Guɔ röl piŋ röl cït röl ë kut dïït ë kɔc, ku cït awuööu de piëëu, ku cït röl dïït ë deŋ të mɛ̈ɛ̈r en arëët, ke luelkï, an, “Aleluya! Bɛ̈nydït Nhialicda Awärjäŋ, ee Melik!

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.