Math 5:7 - JAM DE NHIALIC 2011

⁷ Thieithieei ë kɔc ë piɔ̈ɔ̈th dap kok, abïk kokdepiɔ̈u yök.

Math 5:7 Iomraidhean Croise

2 Tham 17:28

Keek acïk ageen bɛ̈ɛ̈i, ku aduuk, ku töny ke tiɔp, ku agamɔ, ku barli, ku kuïn, ku rap cï nyiiny, ku akuem, ku tɔɔŋ piny,

2 Tham 22:26

Bɛ̈nydït Yïn adöt tëde kɔc adöt ë Yïn, ku Yïn piɛth arëët tëde kɔc piɛth.

Diɛt 112:4

Ɣɛɛr ee riau në mɔ̈ɔ̈thic në biäk de kɔc lɔ piɔ̈ɔ̈th wai, ku kɔc ee miööc, ku kɔc kok piɔ̈ɔ̈th, ku kɔc piɛthpiɔ̈ɔ̈th.

Diɛt 112:9

Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

Diɛt 18:25

Bɛ̈nydït Yïn aa adöt në biäk de kɔc adööt tëde Yïn, Yïn piɛth arëët wekë kɔc piɛth.

Diɛt 37:26

Ee kɔc miɔɔc baaŋ ku ee kɔc dhɛ̈ɛ̈n, ku mïthke ayek aa athiɛɛi.

Kɛ̈ŋ 11:17

Kokëpiɔ̈u ee raan yiɛ̈n këpiɛth, ku bïï akuöörkuöör bɔ̈ɔ̈t.

Kɛ̈ŋ 11:25

Amiööc abï kuɛth, në abïny lɔ ku abïny bɔ̈.

Kɛ̈ŋ 14:21

Awäc atɔ̈u kekë raan ee kɔc thiääk ë yen biɔɔn gup, ku raan ee kɔc kuanynyïïn kony aye thieei.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Yith 57:1

Kɔc piɛth ayek thou, ku acïn raan ee ye yökic, ku cïn raan diɛɛr në yen. Ku të cï kek thou acïn riäŋ ee ke yök.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Ɣodh 1:6

Go Gomer bɛ liac, ku dhiëëth duet. Go Bɛ̈nydït lɛ̈k Ɣodhiya an, “Cäkë an Nyaman, në baŋ cän piɔ̈u bï bɛ kok wokë baai de Yithriɛl, ku cä be päl awäc.

Ɣodh 2:1

“Wɛ̈ɛ̈tëkɔckuɔ ku nyïïrëkɔckuɔ wok ee kɔc ke Nhialic, wok cï kokëpiɔ̈u yök tëde Yen.”

Ɣodh 2:23

“Ku Yɛn bï kɔckï tɔ ye kɔc ke nɔmdï, ku nyuööc keek pinyden. Ku nhiaar raan ë cï cɔɔl ɣɔn an, “Yïn kɛ̈n nhiaar. Ku abä lɛ̈k kɔc ë cie cɔɔl ɣɔn an kɔckï an, ‘Wek ee kɔckï.’ Ku abïk puk nɔm an, “Ee Yïn aye Nhialic.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Mak 11:25

Ku të kääc wek, ke we läŋ, ku ade raan cï we wäc këdäŋ, ke pälkï, ke Wuöörduön nu paannhial abï we päl kë cäk wööc ayadäŋ.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Romai 11:30

Ku acït man wään cä wek Nhialic ee gam, ku we cï kokdepiɔ̈u yök ënɔɔnë në rɛɛc reec kek gäm.

1 Kor 7:25

Ku na këde dhueec, acïn liem cïï Bɛ̈nydït yiɛ̈n ɛn: ku löŋdï yen a luɛɛl tei, ke ya ye raan cï kokëpiɔ̈u yök tëde Bɛ̈nydït, bän aa raan adöt.

2 Kor 4:1

Yen ka, ënɔn de wo nïïm luɔiyë, acït man cï wo kokdepiɔ̈u yök, ke wo cie bäp.

Epethiei 4:32

ku yak röt theek wapäc, yak piɔ̈ɔ̈th kok ë röt, abäk röt aa pɔ̈l, ë ŋɛk ë ye ŋɛk päl kë cï wööc, cït man cï Nhialic we pɔ̈l në biäk de Kërtho.

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

1 Tim 1:13

Acakaa yɛn ë ye raan ee Nhialic läät ɣɔn, raan ee kɔc yɔŋ, ku ya ke kuur: ku yɛn ë kokdepiɔ̈u yök, luɔi cän e looi ke kuöc në ciën gäm.

1 Tim 1:16

ku yen aa yɔ̈k ɛn kokdepiɔ̈u, ee luɔi bï Yecu Kërtho guömdɛn cï dikëdik ëbɛ̈n tɔ tiëc ë yaguöp, yɛn ë raan nu tueŋë, ku luɔi bä yɛn aa raan bï kɔc woi ku dɔmkï täudï yic kek kɔc bï këde gam agokï pïïr athɛɛr yök.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

1 Pet 2:10

Ɣɔn wek ë cie kɔc, ku ënɔɔnë we cï aa kɔc ke Nhialic: wek aa kën kokdepiɔ̈u yök ɣɔn, ku ënɔɔnë acäk ja yök.