Math 5:6 - JAM DE NHIALIC 2011

⁶ Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Math 5:6 Iomraidhean Croise

Diɛt 107:9

Bɛ̈nydït ee kɔc cï yal miɔɔc ë pïïu, ku tɔ kɔc nɛ̈k cɔk tɔ kueth ë kacaam ku kapiɛth ëbɛ̈n.

Diɛt 145:19

Ee kɔc ee yen riëëu gäm ka kɔɔrkï, ee dhiënden piŋ ku kony keek.

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Diɛt 63:5

Piɔ̈ndï ë kuɛth cït man ë kë cam miök ë yuɔɔmic, yɛn bï diɛt ke miɛtëpiɔ̈u kɛ̈t Yïn.

Diɛt 65:4

Thieithieei në kɔc cï keek lɔc, kɔc cï keek bɛ̈ɛ̈i bïk rɛ̈ɛ̈r ɣöndu. Wo bï kuɛth në kapiɛth tɔ̈u ɣöndu, athiɛɛi de ka nu luaŋduön ɣeric.

Diɛt 84:2

Anhiaar adï ja tɔ̈u ëtɛ̈ɛ̈n! Akaar bä rëër në ɣön de Bɛ̈nydït. Në piɔ̈ndï ëbɛ̈n yɛn bï Nhialic pïïr, piɔɔny në diɛt ke miɛtëpiɔ̈u.

Kɛ̈ŋ 10:24

Kë ye raan ee karɛc looi riɔ̈ɔ̈c ee ye cuööp, ku yök raan piɛth piɔ̈u kë ye kɔɔr.

Kɛ̈ŋ 21:21

Raan ee piathëpiɔ̈u ku kokdepiɔ̈u cop cök, ee pïïr kekë athiɛɛi ku riëëu yök.

Diɛt ke 5:1

Yɛn cï lɔ domdï, nyan mit ë yapiɔ̈u, nyandiën thiaak. Yɛn mɛ̈ɛ̈t walkiën ŋïr yiic kekë mer. Yɛn cam miökdiën ë kiëc, kekë athïn de kiëc. Yɛn dek mɔ̈ndï kekë ca. Cämë, monydiën nhiaar, ku dɛ̈kkë arëk abä wiɛɛt ë nhiëër!

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Yith 41:17

“Të le kɔckï pïïu lɔ kɔɔr, të cïï kek röt ril wei në rou, ke Yɛn Bɛ̈nydït, Yɛn bï lɔ̈ŋden piŋ, Yɛn Nhialic de Yithriɛl, Yɛn cïï kɔckï bï kɔn päl wei.

Yith 44:3

“Yɛn bï piny nɛ̈k rou miɔɔc në pïïu, ku ta pïïu tɔ wat piny ril. Yɛn bï wëikï wäl në mïthkun gup, ku athiɛɛidï në kuatdun gup.

Yith 65:13

Ku ëtɛ̈ɛ̈n acä lɛ̈k week an kɔc bï a lam, ku yek wëlkï piŋ, abïk dɛk kacaam juëc ku kadekkï, ku wek bïï cɔk nɔ̈k ku rou. Abïk piɔ̈ɔ̈th miɛt, ku we bï gup yäär.

Yith 66:11

Wek bï kuɛthde cam, cït mɛnh thuat thin ke man.

Jeremia 31:25

Yɛn bï kɔc cï bäp bɛ tɔ ril, ku yɛn bï raan ëbɛ̈n raan cï cɔk tɔ kɔ̈c tɔ kueth ë kuïn.

Luk 1:53

Acï kɔc nɛ̈k cɔk tɔ kueth ë kamit, Ku jɔ kɔc cuai tɔ jël ke ke dak.

Luk 6:21

“Thieithieei wek kɔc nɛ̈k cɔk ënɔɔnë, we bï tɔ kueth! “Thieithieei wek kɔc dhiau ënɔɔnë, we bï dɔl!

Luk 6:25

“Amawoou në week wek kɔc cï kuɛth, we bïï cɔk nɔ̈k! “Amawoou në week, wek kɔc dɔl ënɔɔnë, we bï dhuöör ë dhiëëu!

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 6:27

Duökï ee luui në këcam ee riääk, yak luui në këcam ee tɔ̈u aɣet pïïr athɛɛr, pïïr bïï Wën ë Raan gäm week: yen acïï Nhialic Wääda gäär guöp rinke.”

Jɔn 7:37

Na wën, ëkööl thöökë dhuëëŋ, yen aye kööl dït, ke Yecu kääc ku cööt an, “Të de yen raan cï yal, në bɔ̈ tëde yɛn, bï bɛ̈n dek.

Nyuuth 7:16

Acïï cɔk ke bï bɛ nɔ̈k ananden, ku cïkï bï bɛ yal ananden, ayï akɔ̈l acïï keek bï aa nɔ̈k, acakaa atuöc ŋö, acïï ke bï aa nɔ̈k.