Math 5:45 - JAM DE NHIALIC 2011

⁴⁵ Yen abä wek aa wɛ̈ɛ̈t ke wuöörduön nu paannhial, yen aye akölde tɔ bɔ̈ bei ë kɔc nïïm kɔc rac ayï kɔc piɛth, ku ye deŋde tɔ tueny të nu kɔc piɛthpiɔ̈ɔ̈th ayï kɔc racpiɔ̈ɔ̈th.

Math 5:45 Iomraidhean Croise

Jop 25:3

Acïn raan duëër remdɛn ë tɔŋ lëu në kuɛ̈n, ku acïn raan cïï akölde ee riaau.

Diɛt 145:9

Apiɛth kekë raan ëbɛ̈n ku ee piɔ̈u kok kekë ka cï cak kedhie.

Jeremia 5:24

Akënkï tak bäk ya riëëu, cakaa nɔn yan we tuöc deŋ yaak ku tuöc we deŋ ruël, ku gäm week rɛɛp yak tem ë ruöön thok ëbɛ̈n.

Math 5:9

Thieithieei ë kɔc ë kɔc määt, abï ke tɔ ye wɛ̈ɛ̈t ke Nhialic.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Jɔn 13:35

Yen abï kɔc e ŋic kedhie nɔn aa wek kɔckiën ë piööcë, të nhiaar wek röt wapäc.”

Luɔi 14:17

Ku akën rɔt pɔ̈l të cïn cäätɔde tei, aaye cool ë loi luɔi piɛth, ee wo miɔɔc në deŋ bɔ̈ nhial ayï pɛɛi ee käŋ luɔk, go wo tɔ kueth ë këcam abuk piɔ̈ɔ̈th miɛt.”

Epethiei 5:1

Yen dam wek täu de Nhialicic, cït mïthkɛn nhiɛɛr.

Pilipoi 2:15

ke we bï ciën gääk ku ciënkï gup akɔ̈ɔ̈k, mïth ke Nhialic mïth cïï duëërë gɔ̈k ë remic cil rem ee cath ëdɔkdɔk ku cïï rɔt yal ë kërac, rem aa wek tïc ë keyiic cït man ë kuɛl ë piny riaau,

1 Jɔn 3:9

Raan cï dhiëëth ë Nhialic acïï kërac ee looi, luɔi tɔ̈uwë käu de wun ë yeyic: ku acïï kërac duëër aa looi, në dhiënh cï Nhialic e dhiëëth.