Math 5:3 - JAM DE NHIALIC 2011

³ “Thieithieei ë kɔc kuanynyïïn në wëiken, ciɛɛŋ de paannhial ee këden.

Math 5:3 Iomraidhean Croise

2 Lëk 33:12

Na wën aa cï gum arëët, go rɔt kuɔɔr piny ku puk rɔt Bɛ̈nydït Nhialicde, ku lim bïï yen kony.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

2 Lëk 33:23

Ku akën ciët wun, akën rɔt kuɔɔr piny ku puk yepiɔ̈u Bɛ̈nydït, acï awɛ̈ɛ̈c wär ka ɣɔn looi ë wun wöör.

2 Lëk 34:27

ka yïn cï yïpiɔ̈u puk ku kuɔɔrë rɔt piny ë yanɔm, ku rɛtë lupɔɔ ke yïnkɔ̈u yiic ku dhiau, të wën piŋ yïn luɔi cän ye lueel, nɔn bän Jeruthalem luöi këtuc kekë kɔcke. Yɛn cï lɔ̈ŋdu piŋ,

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Diɛt 1:1

Thieithieei në kɔc ee jiɛɛm ke kɔc rac rɛɛc piŋ, kɔc cïï kɔc ee karɛc looi ee kuany cök. Ku cïkï ee mat në kɔc ee Nhialic dɔl guöp.

Diɛt 112:1

Lɛckï Bɛ̈nydït! Thieithieei ë raan ë Bɛ̈nydït riëëu, raan ee miɛtëpiɔ̈u yök në riëëu de lööŋke.

Diɛt 128:1

Thieithieei në kɔc ee Bɛ̈nydït riëëu, kɔc ee cath ë lööŋke yiic.

Diɛt 146:5

Thieithieei në kɔc ye konyden Nhialic de Jakop, kɔc tɔ̈u ë aŋäthden në Bɛ̈nydït Nhialinyden yic,

Diɛt 2:12

ku guötkï wenïïm piny në yenɔm. Ku na cie yen, ke agönhde abï rɔt dap looi, ka wek bï dap thou ëthiäu. Thieithieei në kɔc ee lɔ tëde Yen le ke gël.

Diɛt 34:18

Bɛ̈nydït ee tɔ̈u tëthiɔ̈k kekë kɔc cï piɔ̈ɔ̈th dhuɔɔŋ, ee kɔc cï ciɛ̈n aŋäth kony.

Diɛt 41:1

Thieithieei në kɔc ee piɔ̈ɔ̈th kok në kɔc kuany nyïïn, abïï Bɛ̈nydït ke kuɔny të le kek lööny në nuanic.

Diɛt 51:17

Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

Diɛt 84:12

Thieithieei në kɔc ee Bɛ̈nydït de rɛm ŋɔ̈ɔ̈th!

Kɛ̈ŋ 16:19

Rëër de raan kekë kɔc kuanynyïïn, yen aŋuän në luɔi bï yïn aa tek në kake rum wekë kɔc ee röt leec.

Kɛ̈ŋ 29:23

Na ye rɔt tɔ dït ke yïn bï kuɔɔr piny, ku na kuɔɔrë rɔt piny ke yïn bï riëëu yök.

Kɛ̈ŋ 8:32

“Ënɔɔnë, piɛŋkï këdï dhuök, athiɛɛi atɔ̈u ke kɔc ee kuɛɛrkï kuanyiic.

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Math 11:25

Ë aköölkë go Yecu bɛ̈ɛ̈r ku lueel an, “Yïn lɛc nɔm, yïn Wäär, Bɛ̈nydït ë paannhial ku piny, ë luɔi cï yïn kakë mɔ̈ny kɔc pelnïïm, ku kɔc de nïïm, ku nyuöthë ke mïththii thuët.

Math 11:6

Ku thieithieei ë raan cïï bï tɔ diu piɔ̈u në këdï.”

Math 13:16

Ku thieithieei ë wenyïïn, luɔi dɛɛi kek, ku thieithieei ë weyïth luɔi pïŋ kek.

Math 19:14

Go Yecu lueel an, “Pälkï mïththiaakäŋ, duökï ke pën bɛ̈n të nuö yɛn, ciɛɛŋ de paannhial ee këde kɔc cït keek.”

Math 24:46

Thieithieei ë lïmë, lïm bïï bɛ̈nyde yök ke lui aya, të cï en bɛ̈n.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Math 8:11

Ku alɛ̈k week an, “Kɔc juëc abïk bɛ̈n të lɔ aköl amiäk, ku të lɔ aköl athɛ̈i, bïk ku nyuckï piny në Abraɣam ëtök, ku Yithaak, ku Jakop, ë ciɛɛŋ de paannhialic.

Mak 10:14

na wën, aacï Yecu ye tïŋ, ke diu piɔ̈u arëët, ku yöök keek, pälkï mïththiaakäŋ ë ke bɔ̈ të nuö yɛn, duökï ke pën: ciɛɛŋ de Nhialic ee këde kɔc cït keek.

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Luk 18:14

Wek yɔ̈ɔ̈k an, “Raanë acï yenɔm dhuöny paande, ke cï tɔ piɛthpiɔ̈u awär raan wën. Raan ëbɛ̈n raan ee rɔt tɔ dït abï tɔ koor: ku raan ee rɔt tɔ kɔɔr piny abï tɔ dït.”

Luk 22:29

ku wek yiɛ̈n ciɛɛŋ, cït manë cï e yiɛ̈n ɛn ë wäär,

Luk 22:30

bäk aa cam ku dɛ̈kkï ë pamdï nɔm ë ciɛɛŋdï yic, ku we bï aa rëër ë thöny nïïm ku guiɛɛrkï löŋ de dhiëën ke Yithriɛl kathiëër ku rou.

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Jɔn 20:29

Go Yecu yɔ̈ɔ̈k an, “Tïŋ cï yïn a tïŋ, Thoma, yen aa gɛ̈m yïn? Thieithieei ë kɔc cï gam, acakaa kek ë ke kën a tïŋ!”

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.

Jakop 1:10

ku raan juëc ë kake ë mit piɔ̈u, të cï e tääu ciëën, në kuël bï en rɔt dap kual cït man ë gaak de wal.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

Nyuuth 19:9

Ku yöök tunynhial ɛn, an, “Gäär, an: Thieithieei kɔc cï cɔɔl ë këcam de thiëŋ de Nyɔŋamääl.” Go lɛ̈k ɛn, an, “Wël ke Nhialic ka, wël yith.”

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.

Nyuuth 3:17

Në luɛl ee yïn e lueel, Yɛn cï bäny ë käŋ, yɛn cï rɔt kuɛ̈t wëu juëc, ku acïn kë dak ɛn, ku kuc nɔn ŋɔ̈ɔ̈ŋ yïn guöp, ku ye raan rac, ku kuany nyin ku ye cɔɔr ku cïnë kɔ̈u lupɔ.