Math 5:12 - JAM DE NHIALIC 2011

¹² Yak piɔ̈ɔ̈th miɛt abäk dɔl ë dɔl rac, ariöpdun adït paannhial, acïk tït aa yɔŋ yikya tït ɣɔn kɔn bɛ̈n ke we liu.

Math 5:12 Iomraidhean Croise

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

1 Mel 18:13

Kɛ̈në piŋ luɔi ë cän bot ë tït lɔ thiaan në kɔ̈kiic, thiërdhïc ë köŋë yic ku thiërdhïc ë köŋë yic wään nɛ̈k ë Jedhebel tït ke Bɛ̈nydït, ku miaac ke në kacaam ku pïïu?

1 Mel 18:4

ka wään nɛ̈k ë Jedhebel tït ke Bɛ̈nydït. Obadaya acï bɔt ë tït ke Nhialic bɛ̈n jɔt le ke thiaan ë kɔ̈kiic ë kuriic, köŋë ke thiërdhïc ku köŋë ke thiërdhïc pei, ku ye ke miɔɔc në kacaam ku pïïu).

1 Mel 19:2

Go Jedhebel tuc tuöc Elija, lueel an, “Yɛn cï kuëëŋ në rin ke yiëth, na kɛ̈n wëiku tɔ cït wëi ke raan töŋ ee kɔckë yiic miäk wälë.”

1 Mel 21:20

Go Aɣap Elija thiëëc, an, “Cï ya yök, yïn raandiën de ater?” Go bɛ̈ɛ̈r, an, “Yïn cä yök, në luɔi cï yïn rɔt gam bä kërac looi ë Bɛ̈nydït nyin.

1 Mel 22:8

Go Aɣap jam de Jeɣocapat bɛ̈ɛ̈r an, “Ade raan däŋ nu duëër wok Bɛ̈nydït luɔp në yen, Mikaya wën ë Yimla, ku amaan guöp, acïn këpiɛth cï kɔn caar në biäkdï, ee kërac ëbɛ̈n.” Go Jeɣocapat bɛ̈ɛ̈r an, “Yïn cïï ee kënë duëër lueel!”

2 Mel 1:9

Go bɛ̈ny ë rem de tɔŋ tuɔɔc kekë kɔc kathiërdhïc bïk Elija lɔ bɛ̈ɛ̈i, go bɛ̈ny ë rem de tɔŋ ye lɔ yök ke rɛ̈ɛ̈r në kuur nɔm, ku lëk en an, “Raan de Nhialic, yïn cï melik yɔ̈ɔ̈k an, bä piny.”

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Diɛt 19:11

Ayek ɛn tɔ ŋic käŋ, yɛn awundu, yɛn ye thieei në biäk cän keek döt.

Diɛt 58:11

Abïï kɔc aa lueel an, “Ee yic ade athiɛɛi tëde kɔc piɛthpiɔ̈ɔ̈th, ee yic ade Nhialic nu Nhialic ee pinynɔm luöi këtuc.”

Kɛ̈ŋ 11:18

Acïn kë ye raan ee karɛc looi yök në luɔide yic, ku kɔc ee piathëpiɔ̈u com kek ade ariöp yic.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 26:8

ku të thiin wën cän käŋ thöl kedhie, ka cï Bɛ̈nydït lɛ̈k yɛn bä ke lueel, gokï ya dɔm ku cötkï an, “Yïn bïï dhil nɔ̈k në biäk ee kënë!

Jeremia 37:14

Guɔ bɛ̈ɛ̈r an, “Acie yen! Yɛn cïï rɔt lɔ gam.” Ku Yirija akën jamdï piŋ. Go yɛn dɔm ku yïn yɛn bäny.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 6:16

“Ku cöök däŋ, të ya wek cäm rɛɛc, duökï wenyïïn ë kuaany cït man ë kɔc deyiic aguk, ayek kenyïïn tɔ rac, ë luɔi bï kek aa tïc ë kɔc nïïm nɔn ee kek kɔc reec cäm. Wek yɔ̈ɔ̈k ëyic an, “Acïk ariöpden guɔ yök.

Luk 13:34

Jeruthalem oou, Jeruthalem oou, paan ë tït nɔ̈k, ku biöök kɔc në kur kɔc cï tuöc yïn, ee nïn kadï cän piɔ̈u dɛ kum kuöm ɛn mïthku, cït man ee ajïth mïthke kum ë yewuök, ku acäk rɛɛc!

Luk 6:23

Jakï piɔ̈ɔ̈th miɛt ëköölë abäk kɛɛc nhial ë piɔ̈nmit: tiëŋkï, ariöpdun adït paannhial. Wärken aake ye tït luööi yikya.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Luɔi 16:25

Na wën, ë wɛ̈ɛ̈ric cil, ke Paulo ku Thila ke ke läŋ ku kitkï diɛt leec kek ke Nhialic, ku piŋ kɔc kɔ̈k cï mac ë keek ëtök.

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

Romai 5:3

Ku acie yen etök, wok lec röt në karil dhal wook ayadäŋ, në ŋïny ŋic wok en an, karil dhal wook, yen aye guömdekäŋ bɛ̈ɛ̈i,

1 Kor 3:8

Ku raan ë com kekë raan ë piöök ayek tök, ku raan ëbɛ̈n abï ariöpde yök, ariöp bï röŋ ke luɔide yenguöp.

2 Kor 4:17

Këpiɔɔldan dhal wook, ke bï dap lɔ wïth wei, aye wo luöi dhuëëŋ thiek dhuëëŋ wär kë dhal wook aläldïïtë, ku ye tɔ̈u athɛɛr.

Pilipoi 1:29

Acï aa këdun ë biäk aa wek Kërthiaan, acie luɔi bä wek këde Kërtho gam tei, ee luɔi bä wek kërac aa guum aya në biäkde.

Pilipoi 2:17

Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

Kolothai 3:24

Në ŋïny ŋiɛc wek cöökë an, ee tëde Bɛ̈nydït, yen bä wek käŋ lɔ̈ɔ̈k lak ka bï aa ariöpdun, ee Bɛ̈nydït Kërtho yen aluööikï.

1 Theth 2:15

Kek kɔc cï Bɛ̈nydït Yecu nɔ̈k ayï tït ayadäŋ, ku acïk wo yɔŋ, ku acïkï Nhialic ee tɔ mit piɔ̈u, ku yek ater lueel ë kɔc kedhie!

Ɣeberuu 10:34

Wek aye kɔc cï mac kuɔny ku wek cïï piɔ̈ɔ̈th ee jiɛth të cïï kakun jɔt, në ŋïny ŋiɛc wek en të le wek lɔ paannhial, wek de nïïm kajuëc cïn kë bï ke jɔt ëtɛ̈ɛ̈n.

Ɣeberuu 11:26

Aa ŋic ë Mothe an wëu juëc kuöt nïïm paan ë Rip, acïkï piath de ka buk yök në guöm gum wok në kɔc ke Nhialic ëtök bï wöör, në biäk de Kërtho, aa ŋäth ariöp ŋuän nu tëde Nhialic.

Ɣeberuu 11:33

Gämdɛn de yic aŋäth yen aa tɔ kɔc kɔ̈k në keyiic thäär ë wuöt, abïk tɔɔŋ ke meliik tiaam, ku loikï löŋ lɔ wai ee löŋ ŋiëc tiiŋic. Gokï ka cï Nhialic kɔn lɛ̈k keek yök, në biäk de gäm de yic aŋäth acïk kɔ̈ɔ̈r bɛ̈n dɔm thook.

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Jakop 1:2

Yak tɔ ye kë bä wek piɔ̈ɔ̈th miɛt aläl, wek mïthëkɔckuɔ, të ya wek lööny ë thëmic, thëm kith yiic,

Jakop 5:10

Na tït ɣɔn ee jam në rin ke Bɛ̈nydït, wek mïthëkɔckuɔ, yak ke tɔ ye kɔc bä wek täuden aa dɔmic në guöm de kërac ku në liɛɛrëpiɔ̈u.

1 Pet 4:13

Yak piɔ̈ɔ̈th miɛt, në röm ram wek ka cï Kërtho guum në yen ëtök, na miäk, të cï dhuëëŋde rɔt nyuɔɔth aya, ke we bï piɔ̈ɔ̈th miɛt abäk piɔ̈ɔ̈th a yum.

Ruuth 2:12

Bɛ̈nydït abï yï cuööt në kë piɛɛthduön cï looi. Bɛ̈nydït, Nhialic de Yithriɛl, raan cïï yïn bɛ̈n tëde Yen bï yï bɛ̈n gël, abï yï puɔ̈k nɔm këriëëcduön piɛɛth cï looi ëbɛ̈n!”