Math 4:4 - JAM DE NHIALIC 2011

⁴ Go bɛ̈ɛ̈r an, “Acï gɔ̈ɔ̈r an, “Raan acïï bï pïïr në kuïn etök, abï pïïr në jam ëbɛ̈n jam bɔ̈ bei a Nhialic thok.”

Math 4:4 Iomraidhean Croise

Bɛ̈n 16:15

Na wën, aa tïŋ ë kɔc ke Yithriɛl en ke cïkï ŋic, agokï röt aa luɔp kapäc an, “Eeŋö ë kënë?” Go Mothe lɛ̈k keek an, “Ee yen kuïn cïï Bɛ̈nydït gäm week ka an bäk aa cam.

Bɛ̈n 16:35

Go kɔc ke Yithriɛl mana cam në runiic kathiërŋuan man abïk ɣet piny ë Kanaan tëdɛn wään cï kek bɛ̈n lɔ piɔ̈ɔ̈t thïn.

Bɛ̈n 16:8

Ku lueel ë Mothe an, “Ee Bɛ̈nydït Yen abï we aa miɔɔc në rïŋ thëën, ku miɔɔc we në kuïn cït man ë kë kaarkï, në biäk cï Yen piŋ. Ku ë yic të duɔk wek në wook, ka wek dok në Bɛ̈nydït.”

Bɛ̈n 23:15

Ku yak Dhuëëŋ de kuïn cïnic luɔu looi cït man cän e thɔ̈n week. Yak Dhuëëŋ de Kuïn Cïnic Luɔu looi cït man cän e thɔ̈n week në pɛɛi de Abib, pɛɛi wään jäl wek Rip. Yak kuïn cï pam cïnic luɔu cam në nïn ke dhuëëŋiic kadhorou. Ku raan ëbɛ̈n ë weyiic ë lam Ɛn në miɔ̈c.

Math 15:11

an, kë ye lɔ ë raan thok acie yen ee raan tɔ rac, ee kë ye bɛ̈n bei ë raan thok, yen aye raan tɔ rac.”

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Math 4:7

Go Yecu yɔ̈ɔ̈k an, “Acï bɛ gɔ̈ɔ̈r an, ‘Du Bɛ̈nydït Nhialicdu them.”’

Mak 7:20

Go lueel an, “Kë bɔ̈ bei ë raanic, yen aye raan tɔ rac.

Luk 4:12

Go Yecu puk nɔm, an, “Acï lueel an, ‘Yïn cïï Bɛ̈nydït Nhialicdu bï them.”’

Luk 4:4

Go Yecu puk nɔm an, “Acï gɔ̈ɔ̈r an, ‘Raan acïï bï pïïr në kuïn etök, ee wël ke Nhialic ëbɛ̈n, yen abï en ke pïïr.”’

Luk 4:8

Go Yecu puk nɔm an, “Waanë ë yakɔ̈u ciëën, Catan: acï gɔ̈ɔ̈r an, ‘Yïn bï Bɛ̈nydït Nhialicdu aa lam, ku yen etök yen abä ya luööi!”’

Jɔn 15:26

Ku Raan ë kɔc riit piɔ̈ɔ̈th, Raan bä tuöc week në Wäär lɔ̈ɔ̈m, yen aye Wëi yic, Wëi ë bɔ̈ bei ë Wäär lɔ̈ɔ̈m, të cï en bɛ̈n, ka bï aa cäätɔdï.

Jɔn 6:63

Ee wëi kek ee käŋ tɔ pïïr, guöp acïn kën ee lëu: wël cä lɛ̈k week, kek aye wëi, ku yek pïïr.

Romai 15:4

Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r.

Epethiei 6:17

Ku nämkï akup de kunydewëi aya, kekë abätäu de Wëidït, yen aye jam de Nhialic.

Nyöŋ 8:3

Ee week tɔ nɛ̈k cɔk ku gëm week mana bäk cam, kë cam kën ë kuarkun kɔn cam. Aa wëët week an raan acie pïïr ë këcam yetök raan ee pïïr ë jam cïï Bɛ̈nydït lueel.