Math 4:25 - JAM DE NHIALIC 2011

²⁵ Go kuany cök ë kut dïït ë kɔc bɔ̈ Galili, ku Dekapoli, ku Jeruthalem, ku Juda, ku Jordan nɔm lɔŋtui.

Math 4:25 Iomraidhean Croise

Math 12:15

Na wën, acï Yecu e ŋic, ke ric rɔt ëtɛ̈ɛ̈n, ago kuany cök ë kuut dïït ke kɔc, go ke tɔ dem kedhie,

Math 19:2

Ku aa kuany cök ë kuut dït ke kɔc, go ke tɔ dem ëtɛ̈ɛ̈n.

Math 4:15

“Pinyë Dhebulun kekë piny ë Naptali, Të lɔ wɛ̈ɛ̈r de Jordan nɔm lɔŋtui, Galili de Juöör, Kɔc wään ë rëër tëcol Acïk ɣɛɛr dïït ë piny tïŋ!

Math 5:1

Na wën, acï kut ë kɔc tïŋ, ke lɔ nhial ë kuur dït nɔm, na wën acï nyuc piny, ke kɔckɛn ë piööcë ke ke bɔ̈ të nu yen thïn,

Math 8:1

Na wën, acï bɛ̈n piny ë kuur nɔm, ke kuut dït ke kɔc ke ke biɔth yecök.

Mak 5:20

Go jäl, ku jɔ kɔc guiëër ë Dekapoli luɔi dïït cïï Yecu luöi yen, go kɔc gäi kedhie.

Mak 6:2

Ku të cï kööl ë Thabath bɛ̈n, ke jɔ wëët ɣön ë Nhialic: go kɔc juëc, të cï kek e piŋ, gokï gäi, ku luelkï an, “Raanë ë yök kake tënou?” Ku an, “Pɛlënɔm cï yiɛ̈n en ee pɛlënɔm cït ŋö? Ku luɔi dïït cït ee kënë, luɔi ee looi ë yeciin ë bɔ̈ tënou?

Mak 7:31

Na wën, ke be jäl piny de Tayer, ku jɔ Thidon reetic, bïï Baar ë Galili, tëëk piny de Dekapoli.

Luk 6:17

Go bɛ̈n piny kekë keek ëtök, bï ku kɛ̈ɛ̈c të cï rai kekë kut ë kɔckɛn ë piööcë ayï kut dït ë kɔc wën bɔ̈ bei ë Juda yic ëbɛ̈n ku Jeruthalem, ku wɛ̈ɛ̈r de Tayer thok kekë Thidon, kɔc wën cï bɛ̈n bïk bɛ̈n piŋ, ku bïk bɛ̈n dem në ka nu ë kegup,

Luk 6:19

Ku kɔɔr kut ë kɔc ëbɛ̈n luɔi bï kek e jak, riɛl aaye bɛ̈n bei ë yeguöp, ku tɔ ke dem kedhie.