Math 4:2 - JAM DE NHIALIC 2011

² Na wën, acï cäm rɛɛc ë cool yiic kathiërŋuan ku wɛ̈ɛ̈r yiic kathiërŋuan, ke jɔ cɔk nɔ̈k.

Math 4:2 Iomraidhean Croise

1 Mel 19:8

Go Elija rɔt jɔt, ku ciëm ku dëk, na wën, ke jɔ cath ë riɛl ë kuïnë akööl yiic kathiërŋuan ku wɛ̈ɛ̈r yiic kathiërŋuan le Thinai, kuur ë Nhialic.

Bɛ̈n 24:18

Ago Mothe baaric nhial në kuur nɔm ke cath ë luätic. Ku le rëër ëtɛ̈ɛ̈n në wɛ̈ɛ̈riic kathiërŋuan ku cooliic kathiërŋuan.

Bɛ̈n 34:28

Ago Mothe rëër ëtɛ̈ɛ̈n në cooliic kathiërŋuan, ku wɛ̈ɛ̈riic kathiërŋuan, ke cïn kë ciɛm ku cïn kë dek. Ku gɛ̈ɛ̈r lööŋ ke mät kathiëër në kur pätiic kɔ̈ɔ̈th.

Math 21:18

Na ɣɔn amiäk ëtɛ̈ɛ̈n, ke dhuny enɔm pänydït, ke cï cɔk nɔ̈k.

Math 25:35

yɛn aa cïï cɔk nɔ̈k, aguɔkï a miɔɔc ë këcam, yɛn aa cï yal, aguɔkï ya tɔ dëk, yɛn aaye kaman, aguɔkï ya tääu ɣöt,

Math 25:42

Yɛn aa cïï cɔk nɔ̈k, ku acïn këcam cäk yiɛ̈n ɛn, yɛn aa cï yal, ku wek ë kën ɛn tɔ dëk,

Mak 11:12

Na ɣɔn amiäk, të cï kek bɛ̈n bei ë Bethani, ke nɛ̈k cɔk.

Luk 4:2

ku jɔ tɔ̈u ë nïn kathiërŋuan ë jɔ̈ɔ̈ric, ke ye them ë jɔŋdït rac. Ku acïn kë cï cam ee köölë, na wën, aacï nïnkë thök, ke jɔ cɔk nɔ̈k.

Jɔn 4:6

Ku yinh ë Jakop aa nu ëtɛ̈ɛ̈n. Go Yecu nyuc ë yith nɔm aya, ke cï dak ke cäth. Ee të cït nɔn ë thaar kadhetem.

Nyöŋ 18:18

Abä keek tuöc tiët de Nhialic cït yïn raan de kɔcken yiic, abä lëk kë bïï lueel, ku abï kɔc lëk këriëëc cä lɛ̈k en ëbɛ̈n.

Nyöŋ 9:18

Na wën, ke ya be yanɔm guöt piny ë Bɛ̈nydït nɔm në lɔ̈ŋ, në nïniic kathiërŋuan ku wɛ̈ɛ̈riic kathiërŋuan ke cïn këcam ku cïn këdek. Yɛn aa loi ee kënë në baŋ cä wek Bɛ̈nydït luöi kërac ku acäk tɔ gɔ̈th.

Nyöŋ 9:25

Aguɔ yanɔm jɔ guöt piny ë Bɛ̈nydït nɔm në ë nïniic kathiërŋuan ku wɛ̈ɛ̈riic kathiërŋuan, në luöi ŋiɛc ɛn en nɔn cï Bɛ̈nydït Ye lueel an bïï we riëër nyïïn.

Nyöŋ 9:9

Yɛn ë lɔ nhial ë kuur nɔm, bä kuur cïï Bɛ̈nydït lööŋ gäär ë yekɔ̈u lɔ bɛ̈ɛ̈i, löŋ cï mac ke week, yɛn cï rëër ëtɛ̈ɛ̈n në nïn kathiërŋuan ku wɛ̈ɛ̈riic kathiërŋuan, ke cïn kë cam ku këdek.