Math 3:7 - JAM DE NHIALIC 2011

⁷ Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Math 3:7 Iomraidhean Croise

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Kɛ̈ŋ 28:4

Kɔc ee karɛc looi aye ke lɛc nïïm në kɔc ee lööŋ dhoŋ kɔ̈ɔ̈th, ku acïï keek ee pɔ̈l në kɔc ee lööŋ riëëu.

Yith 59:5

Kiɛɛr rɛɛcduön yak tak ade awuɔɔk cït awuɔɔk ke toŋ ke kërac. Të cï ë tuɔŋ kuem kërac ee bɛ̈n bei thïn!

Jeremia 51:6

Katkï ë Babilonia! Bääkï wëikun! Duökï röt tɔ näk në biäk de awäny de Babilonia. Yɛn guur rɔt ënɔɔnë, ku aluöi keek këtuc rɔ̈ŋ ke keek.

Jeremia 6:10

Guɔ bɛ̈ɛ̈r luɛɛl an, “Eeŋa bï këdï piŋ na la jam wo keek ku jääny keek? Ayek kɔc ril nïïm ku acïk jaai bïk jamdï piŋ, ayek kë cï lëk ɛn bä lueel dɔl.

Math 12:24

Na wën, aacï Parithai e piŋ, ke luelkï, an, “Raanë ee jɔɔk rac ciëëc bei në riɛl ë Beeldhebub tei, yen bɛ̈nydïït ë jɔɔk rac.”

Math 12:34

Wek mïth ke karɛc, duɛ̈ɛ̈rkï kapiɛth aa lueel adï, ku yak kɔc rac piɔ̈ɔ̈th? Kë ye piɔ̈u thiɔ̈ɔ̈ŋ nɔm yen aye thok lueel.

Math 15:12

Go kɔckɛn ë piööcë bɛ̈n të nu yen, bïk ku yöökkï an, “Ŋic nɔn cï Parithai piɔ̈ɔ̈th diu, wën cï kek jamë piŋ?”

Math 16:1

Na wën, ke Parithai bɔ̈ kekë Thadokai, bïk bɛ̈n them, akɔɔrkï gök bï bɛ̈n nhial.

Math 16:6

Go Yecu ke yɔ̈ɔ̈k an, “Yak röt tiit ë luɔu de Parithai kekë Thadokai.

Math 22:15

Go Parithai jäl lek löŋ kiëët kapäc ë luɔi bï kek ë deep ë jamic.

Math 22:23

Ë kööl manë guöp, ke Thadokai ke ke bɔ̈ të nu yen, kɔc ë ye lueel an, acïn jön bï kɔc röt jɔt nu, gokï thiëëc,

Math 22:34

Na wën, aacï Parithai e piŋ nɔn cï en Thadokai tɔ mim, ke ke kut kenïïm.

Math 23:33

Wek karɛc, wek mïth ke deŋakook! Bäk poth wäkdï ë löŋduön cï guiir, ke we cïï bïï tääu ë giɛna yic?

Math 5:20

Wek yɔ̈ɔ̈k an, “të kën wok kɔc wöör në piathëpiɔ̈u kɔc ë löŋ gɔ̈ɔ̈r kekë Parithai, ke we cïï bï lɔ ë ciɛɛŋ de paannhialic anandun.

Mak 12:13

Na wën, ke ke jɔ kɔc kɔ̈k ke Parithai tuöc en, kekë kɔc ke Ɣerod, lek deep ë wël yiic.

Mak 12:18

Na wën, ke Thadokai ke ke bɔ̈ tëde yen, kɔc ë ye lueel an, cïn jön bï kɔc röt jɔt nu, bï ku thiëckï an,

Mak 8:15

Go ke yɔ̈ɔ̈k an, “Yak cath aŋiɛckï, yak röt tiit ë luɔu de Parithai, ayï luɔu de Ɣerod.”

Luk 16:14

Go Parithai, kɔc nhiaar wëu, gokï kakë piŋ kedhie, ku jɔkï geet guöp.

Luk 18:11

Go raan ë Parithai kɔ̈ɔ̈c nhial ku jɔ lɔ̈ŋ alë ë yepiɔ̈u an, ‘Nhialic, yïn lɛc nɔm, nɔn cän cït kɔc kɔ̈k, kɔc ee käŋ rum, kɔc ee kɔc cam, kɔc ee diëër lei kɔɔr, ku cä cït raanë aya, raan ë athölbö tɔ kutë.

Luk 7:30

Ku Parithai kekë bäny ee kɔc wɛ̈ɛ̈t ë löŋ, ke ke jɔ jam nu ë Nhialic piɔ̈u në këden rɛɛc, wën kënë ke baptith ë baptinh ë Jɔn.

Jɔn 1:24

Ku kɔc wään cï tooc aake ye kɔc ke Parithai.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Jɔn 9:40

Të cï Parithai kakë piŋ, Parithai nu ë yelɔ̈ɔ̈m, ke jɔkï thiëëc an, “Ayï wook, yok cöör?”

Luɔi 15:5

Ku jɔt kɔc röt, kɔc ke rem ë Parithai kɔc cï gam, ku jɔkï lueel an, “Juöör abï ke dhil cueel, ku abuk keek dhil yɔ̈ɔ̈k, bïk löŋ de Mothe dhil aa muk ëbɛ̈n.”

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

Luɔi 26:5

Aake ŋic ɛn wään thɛɛr, të de kek piɔ̈ɔ̈th luɔi bï kek e lueel, aŋickï täudï nɔn ë täu ɛn ke ya ye Parithai, yen aye rem ril ëtör në lämda.

Luɔi 5:17

Na wën, ke bɛ̈nydïït ë kake Nhialic ke jɔt rɔt, kekë kɔc ë tɔ̈u në yen kedhie (kek aye rem ë Thadokai), agokï piɔ̈ɔ̈th thiäŋ ë agɔ̈th,

Romai 1:18

Ku agönhdïït ë Nhialic agönh bɔ̈ nhial acï nyuɔɔth ë baŋ de reec reecë kɔc Nhialic gam ku baŋ de luɔi rɛɛc ee kɔc looi, kɔc ë yic waan ciëën në rac de kekpiɔ̈ɔ̈th.

Romai 5:9

Ku ënɔɔnë, nɔn cï wo guɔ tɔ piɛthpiɔ̈ɔ̈th në riɛmde, ke kuny bï en wo kony në agɔ̈th yen apiɔl awär ee kënë arëët.

1 Theth 1:10

ku bäk Wënde aa tiɛɛt paannhial, Wëndɛn cï jɔ jɔt ë kɔc cï thou yiic, yen Yecu raan cïï wo luök ë agönh bï bɛ̈n.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.