Math 3:6 - JAM DE NHIALIC 2011

⁶ ago ke baptith në yen ë wɛ̈ɛ̈r cɔl Jordan, agamkï karɛc cïk wööc.

Math 3:6 Iomraidhean Croise

Edhr 10:1

Të ɣɔn ŋoot Edhera ke ye rɔt cuat piny ke dhiau ku lɛ̈ŋ ke gam awɛ̈ɛ̈cken në ɣön ë Nhialic thok, go amatnɔm dïït ë kɔc ke Yithriɛl guëër ë yelɔ̈ɔ̈m, röör ku diäär ku mïth, ke ke dhiau arëët në dhiën ë kɛc ë piɔ̈u.

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Danyel 9:4

Yɛn cï Bɛ̈nydït Nhialicdï lɔ̈ŋ, ku gam karɛc ke kɔckï. Guɔ lueel an, “Bɛ̈nydït Nhialic, Yïn dït, ku yïn yok riëëu, yïn ee raan adöt të lɔ löŋduön cï mac ku ye nhiëërduön agɔk nyuöth kɔc ee yïn nhiaar ku loikï lööŋku.

Lebai 16:21

Ku abï yeciin thany në nyɔk nɔm, ku gɛm awɛ̈ɛ̈c ku karɛc ku luɔi, ku karɛc de kɔc ke Yithriɛl ëbɛ̈n. Ku jɔ keek pɔ̈k në nyɔk nɔm, ku ëtɛ̈ɛ̈n, nyɔk abï jɔ kuaath ë jɔ̈ɔ̈ric në raan cï lɔc an bï yen looi.

Lebai 26:40

“Ku na lek karɛcken gam ku gɛmkï karɛc ke wärken, ku gɛmkï awɛ̈ɛ̈c cïk luöi Ɛn ku aterdɛn cïk looi në Yɛn.

Kuɛ̈n 5:7

ka abï kërɛɛcde dhiɛl gam, ku tɛ̈ɛ̈u kuën awäc piny ëbɛ̈n, ku ŋuɛk thok në kë ye käŋ dhïc ku gëm keek raan cï wäc awäc.

Math 3:11

Yɛn dï, wek a baptith ë pïïu tei në këde puŋëpiɔ̈u, ku raan bɔ̈ ë yacök ee raan ril ë yɛn, yɛn cïï röŋ luɔi bän wɛɛr ke yencök muk, yen abï we baptith në Wëidït ɣer ku në mac,

Mak 1:5

Na wën, ke kɔc ke piny ë Juda kedhie, ku kɔc ke Jeruthalem, ke ke lɔ biic të nu yen, go ke baptith në yen kedhie ë wɛ̈ɛ̈r de Jordan yic, ku gamkï karɛcken.

Luk 1:16

Ku abï mïth juëc ke Yithriɛl wɛ̈l piɔ̈ɔ̈th Bɛ̈nydït Nhialicden.

Luk 3:16

Go Jɔn bɛ̈ɛ̈r, yöök keek kedhie an, “Ya kï, wek aa baptith ë pïïu, ku ade raan bɔ̈ raan ril ë yɛn, raan cä yɛn röŋ në luɔi bän thiönh ë wɛɛrke dɔ̈k, yen abï week baptith në Wëidït ɣer ku në mac.

Luɔi 1:5

Jɔn ee kɔc baptith ë pïïu në yic, ku week, we bï baptith ë Wëidït ɣer acïn nin juëc bï lɛɛr.”

Luɔi 11:16

Guɔ a nɔm tak ë wël ke Bɛ̈nydït, wël wään cï lueel an, ‘Jɔn ee kɔc baptith në pïïu, ku week, we bï baptith në Wëidït ɣer.’

Luɔi 19:18

Na wën, ke kɔc cï gam ke ke bɔ̈, ku gamkï cä wööc, luelkï karɛc cïk looi.

Luɔi 22:16

Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’

1 Kor 10:2

Ku acï ke baptith kedhie në këde Mothe ë luätic ku wɛ̈ɛ̈ric,

Kolothai 2:12

We cï tɔ̈ɔ̈u në yen ëtök në baptith, ku we cï bɛ jɔt thïn aya, në gäm cä wek luɔi de Nhialic gam, Raan ë jɔt en ë kɔc cï thou yiic.

Ɣeberuu 6:2

Cït nɔn e yï wëët ke jool kithiic ku thɛ̈ny de cin ë kɔc nïïm, ku wëët në kë de jön bï kɔc cï thou röt jɔt ë thuɔɔuwic, ku guiëër ë löŋ ee tɔ̈u athɛɛr.

Ɣeberuu 9:10

Cït man ɣɔn thɛɛr ye kuïïn bɛ̈ɛ̈i ku ka ye dek miɔɔcë ke, acïtkï lööŋ wɛɛk ë kɔc kegup biic.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

Jocua 7:19

Go Jocua lɛ̈k en an, “Mɛnhdï luel yic në Bɛ̈nydït Nhialic de Yithriɛl nɔm, tɔ leec, ku gam awäc.”

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.