Math 3:4 - JAM DE NHIALIC 2011

⁴ Ku Jɔn guöp ee lupɔ cï cuëëc ë nhiëm ë thɔ̈rɔ̈l cieŋ, ku ye yeyic duut ë thiööth, ku kën ee cam ee kɔyɔm kekë kiëc nu roor.

Math 3:4 Iomraidhean Croise

2 Mel 1:8

Gokï bɛ̈ɛ̈r an, “Yen aa ceŋ lupɔɔ cï looi në biök ke läi, ku acï yeyic duut në thiööth.” Go melik mɛɛk nɔm, an “Elija raan ë Ticibe!”

Yith 20:2

Na wën cï run kadiäk wan, go Bɛ̈nydït Yithaya wën Amoth yɔ̈ɔ̈k an, “Bɛ̈ɛ̈iyë lupɔɔku bei ëbɛ̈n, ayï wɛɛrku. Go Yithaya looi cït man cïï ye lɛ̈k en, ago piny aa kuany ke cïn kɔ̈u lupɔɔ ku cïn cök war në run kadiäk.

Lebai 11:22

Wek duëër kɔyɔm aa cam ayï gɔt, ayï gɔn dïït ee kac.

Dhek 13:4

Në ee köölë, tït abïk gup aa riɔ̈ɔ̈c në nyuuthden të cɔ̈ɔ̈r kek. Acïkï lupɔɔ ke tït bï bɛ aa cieŋ be kek kɔc math.

Malakai 4:5

Të ŋoot ë kööldïït ë Bɛ̈nydït wei, kööl tuc thok, wek bä tuöc tiët Elija.

Math 11:18

Jɔn ë bɛ̈n ke ye cäm rɛɛc ku reec dëk, go kɔc lueel an, “Ade guöp jɔŋ rac.”

Math 11:8

Ku ë we lɔ biic lak ŋö tïŋ? Ee raan ceŋ lupɔ lɔ nip? Tiëŋkï, kɔc ceŋ lupɔ lɔ nip atɔ̈ukï ë ɣööt ke meliik yiic

Mak 1:6

Ku ye Jɔn lupɔ cieŋ lupɔ cï cuëëc ë nhïm ke thɔ̈rɔ̈l, ku ye thiönh ë dɛ̈l cieŋ ë yethar, ku ye kɔyɔm cam ku ciɛm miök de kiëc nu röör.

Luk 1:17

Ku abï kɔn lɔ ë yenɔm tueŋ, ke cath ke Wëi ke Elija ku riɛlde, le wärken ë mïth wɛ̈l piɔ̈ɔ̈th mïthken, ku puk kɔc piɔ̈ɔ̈th kɔc reec gäm, bïk pɛlënɔm yök pɛlënɔm ë kɔc piɛthpiɔ̈ɔ̈th, ago kɔc tɔ guik röt kɔc cï röt coc në këde Bɛ̈nydït.”

Nyöŋ 32:13

Acï keek tɔ ceŋ ɣään thöny ke pinynɔm, ku camkï kak ee luɔk ë duumiic. Ku yökkï miök de kiëc ë kuriic, ku lok tiimkɛn ke olip piny de kuur.

Nyuuth 11:3

Ku yɛn bï cäätɔɔkï kaarou gäm riɛl, ku abïk këden aa guiir agum töŋ de nïn ku bot kaarou ku thiërdhetem, ke ke ceŋ lupɔɔ ke cual.”