Math 3:10 - JAM DE NHIALIC 2011

¹⁰ Ku ënɔɔnë yiëp ë guɔ tääu të nu mei ke tiim, tim ëbɛ̈n tim reec luɔk në mïth piɛth aye yiɛp piny, ku cuɛtë mɛɛc.

Math 3:10 Iomraidhean Croise

2 Tham 23:7

Abïï raan ke jok në wai ku nɔn ee wëëth, ku abï keek nyop ë mac taitai.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 140:10

Tɔ cool ke atiam ë many thith lööny në ke kɔ̈ɔ̈th, tɔ ke cuɛtë pulic ku cïkï be bɛ̈n bei.

Diɛt 92:12

Kɔc piɛthpiɔ̈ɔ̈th abïk luɔk cï tiim ke akööt, abïk cil cï tiim ke thidar de Lebanɔn.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 17:8

Keek acïtkï tiim ee cil ë wɛ̈ɛ̈r yɔu, ku ye meiken ɣet ë pïïuwiic. Acïkï ee riɔ̈ɔ̈c të cï piny tuöc, në biäk ye yïthken tɔ̈u ke ke tɔ̈c, acïkï ee diɛɛr të cïn en deŋ, ayek ŋoot ke ke lok në mïth.

Danyel 4:14

Go cööt ë röldït an, “Yiɛpë tim piny, ku kiɛpë kërke wei, ku yiɛ̈ɛ̈rë yïthke wei ku wɛɛrë mïthke wei, cop läi në yethar ku tuur diɛt ë yenɔm.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 21:19

Na wën, ke tïŋ tim ë ŋaap ë kueer këc, go bɛ̈n të nu yen, go ciën kë yök ë yenɔm, ee yïth tei kapäc. Go tim yɔ̈ɔ̈k an, “Ë cïn mïth bï bɛ aa tɔ̈u ë yïnɔm athɛɛr!” Go ŋaap riɔu ënɔnthiinë.

Math 7:19

Tim ëbɛ̈n tim cie luɔk ë mïth piɛth, ke yepë piny, ku cuɛtë mɛɛc.

Luk 23:31

Ku na loikï kake ë tim tiɔpic, eeŋö bïk looi në tim cï riɛlic?”

Luk 3:9

Ku ënɔɔnë, yiëp ë guɔ tääu të nu mei ke tiim: tim ëbɛ̈n tim reec luɔk ë mïth piɛth abï jɔ yiɛp piny, ku cuɛtë mɛɛc.”

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Ɣeberuu 6:8

Ku na le luɔk në thil ku kuɔɔth, ka cïn këpiɛth nu thïn, atit riäŋdïït bï Nhialic ye cieen ku nyop në mac.