Math 27:1 - JAM DE NHIALIC 2011

¹ Na ɣɔn amiäk aruu piny, ke bänydït ke kake Nhialic kedhie ku röördït ë kɔc yiic ke ke mɛ̈t kethook Yecu kapäc an, bïk tɔ näk.

Math 27:1 Iomraidhean Croise

Diɛt 2:2

Meliik ke piny acïk kenïïm mat, bäny acïk kethook mat, bïk ater wɛ̈l nɔm Bɛ̈nydït kekë raandɛn cï tɔc.

Diɛt 31:13

Yɛn cï lɛ̈t juëc piŋ, yɛn ye guääk alɔ të cän a nɔm wɛl thïn. Ayek kiɛɛr rac luöi yɛn, kiɛɛr bïï kek a nɔ̈k.

Diɛt 71:10

Kɔc ke aterdï akɔɔrkï bïk ya nɔ̈k, ayek jam ku kïïtkï luöi bïk kek a nyiɛɛn.

Maika 2:1

Amawoou në kɔc ee kërac cät, kɔc ee kërac kiëët ke ke tɔ̈u piny ë biökken yiic, na lë ruu piny, ke ke loi kërɛɛcden cïk kiëët, në luɔi ril kek.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Mak 15:1

Na ɣɔn amiäk, aa ruu piny, ke bänydït ke ka ke Nhialic ke ke cam löŋ në röördït ku kɔc ee löŋ gɔ̈ɔ̈r ku kɔc nu ë löŋic ëbɛ̈n, ku jɔkï Yecu duut, leerkï yïnkï Pilato.

Luk 13:1

Ku ade kɔc ë nu ëtɛ̈ɛ̈n ëköölë guöp kɔc ë lëk Yecu në këde kɔc ke Galili, kɔc wään cïï Pilato riɛmden liääp kekë kakɛn cïk lam ku näkkï ke.

Luk 22:66

Na wën, aacï piny guɔ ruu, ke amatnɔm ë röördït jɔ guëër, kekë bänydït ke ka ke Nhialic ayï kɔc ee löŋ gɔ̈ɔ̈r, gokï thel leerkï ë löŋdenic, ku luelkï an,

Jɔn 18:28

Na wën, ke ke jɔ Yecu thɛl ë Kayapath nɔm leerkï alooc de gɔny yic: ku piny ë ruu, ku kegup akënkï lɔ ë alooc de gɔny yic, ke ke cïï bï tɔ rac gup, ë luɔi duëër kek Winythok cam.

Luɔi 5:21

Na wën, aa cïk e piŋ, ke ke lɔ Luaŋdïtic ɣɔn amiäk të cï piny ruu, lek kɔc wɛ̈ɛ̈t. Go bɛ̈nydïït ë kake Nhialic bɛ̈n kekë kɔc ë tɔ̈u në yen, gokï kɔc ke löŋ caal tëtök, kekë röördït ke kɔc ke Yithriɛl kedhie, ku toockï kɔc aloocic bïk tuuc lɔ bɛ̈ɛ̈i.

Bäny 16:2

Go kɔc ke Gadha ŋic nɔn tɔ̈u ë Thamthon ëtɛ̈ɛ̈n, na wën ke ke took ëtɛ̈ɛ̈n, ku jɔkï tiit ë wut thok biic ë wɛ̈ɛ̈ric ëbɛ̈n. Aake cï lɔ lik, në baŋ cï kek e lɛ̈k röt an, “Abuk nɔ̈k miäk rial.”

1 Tham 19:11

Go Thaulo kɔc tooc, lek Debid tiɛɛt ɣöt ke bïk nɔ̈k adurduur të riëël en bei ɣönde. Ago Mical tiiŋde ye yɔ̈ɔ̈k an, “Të kën yïn kat ë nɔn wakɔ̈u, ke yïn bïï nɔ̈k në run ë piny.”