Math 26:53 - JAM DE NHIALIC 2011

⁵³ Ë ye lueel ë yïpiɔ̈u nɔn cän Wäär duëër lëu ë lɔ̈ŋ ënɔɔnë, ku bï ɛn gäm rɛm ke tuucnhial wär thiëër ku rou?

Math 26:53 Iomraidhean Croise

2 Mel 6:17

Na wën ke Elica ë läŋ an, “Bɛ̈nydït liep nyïïnke bïk daai!” Go Bɛ̈nydït lïm de Elica liep nyin, go daai ku tïŋ kuur ke cï nɔm thiäŋ, në jöŋgöör, ku abëël ke mac acïk Elica tuɔɔk cil.

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,

Math 4:11

Go jɔŋdït rac pɔ̈l, ku jɔ tuucnhial bɛ̈n bïk bɛ̈n kony.

Mak 5:15

Gokï bɛ̈n të nu Yecu, ku tïŋkï raan wën de guöp jɔɔk, ke rɛ̈ɛ̈r, ku ceŋ lupɔ, ke cï nɔm piath, yen raan wën cath ke rem dïït ë jɔɔk rac, gokï riɔ̈ɔ̈c.

Mak 5:9

Go thiëëc an, “Cɔl yï ŋa?” Go bɛ̈ɛ̈r an, “Yɛn cɔl ‘Remdït’ luɔi juëc wok!”

Luk 8:30

Go Yecu thiëëc an, “Cɔl yïn ŋa?” Go lueel an, “Remdït,” në luɔi cï jɔɔk juëc lɔ ë yeguöp.

Jɔn 10:18

Acïn raan cï ke nööm tëde yɛn, ee yɛn ë gɛm keek yatök. Yɛn cath wo riɛl bän ke gaam, ku dɛ riɛl bän ke kuany nïïm aya. Thönë aa yɔ̈k tëde wäär.”

Jɔn 18:36

Go Yecu bɛ̈ɛ̈r an, “Ciɛɛŋdï acie kë de pinyë nɔm, tëë ciɛɛŋdï ye kë de pinyë nɔm, ke remdï adï biök tɔŋ, ke ya cïï bï yiɛ̈n Judai, ku ënɔɔnë ciɛɛŋdï acïï bɔ̈ ee tënë!”

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,