Math 26:38 - JAM DE NHIALIC 2011

³⁸ Go keek yɔ̈ɔ̈k an, “Yɛn dhiau piɔ̈u arëët, aɣët të bän thou, rɛ̈ɛ̈rkï eenë, ku yiɛ̈nkï në yɛn ëtök.”

Math 26:38 Iomraidhean Croise

Diɛt 116:3

Wïïn ke thuɔɔu aake cï ya tuɔɔk cil, ku pɔ̈l ke paan ë thuɔɔu aake cï thiɔ̈k në yalɔ̈ɔ̈m, aguɔ thiäŋ wo riɔ̈ɔ̈c ku jiɛthëpiɔ̈u.

Diɛt 42:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt ke 5:3

Yɛn cï lupɔ guɔ bɛ̈ɛ̈i bei ë yakɔ̈u, eeŋö duëër ɛn lupɔ bɛ tääu? Yɛn cï ya cök waak, eeŋö duëër ɛn ke bɛ tɔ riääk?

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 53:12

Ka yen abä gäm riëëu, në adhuëëŋ yiic kɔc rilku. Acï wëike gam në piɔ̈nde ëbɛ̈n ku rɔm thon de kɔc ee karɛc looi. Acï të de kɔc juëc ee karɛc looi nööm, ku lɛ̈ŋ në biäk bïï ë keek päl karɛcken.”

Yith 53:3

Ayok dhɔɔt guöp ku reecku, go nuan ku guum arɛɛm. Acïn raan töŋ ee Ye lieec ayok dhɔɔt guöp, abï ciët kë cie këdäŋ.

Math 25:13

Yen tiɛɛt wek röt, wek kuc akööl ayï thaar bï Wën ë Raan bɛ̈n.

Mak 14:34

Go lɛ̈k keek an, “Yɛn ë piɔ̈u jiɛth arëët, abä duɛ̈ɛ̈r thou: rɛ̈ɛ̈rkï eenë, ke we yiɛ̈n.”

Jɔn 12:27

“Ku ënɔɔnë yɛn ë piɔ̈u jiɛth, ku bä ŋö lueel? Bä lueel an, Wäär kony ɛn ee köölë? Ku në biäk de ee kënë, en aa bä yɛn, aguɔ tëëk në nuan ee köölë yic.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.