Math 26:15 - JAM DE NHIALIC 2011

¹⁵ le ku thiëëc keek an, “Bäk a gäm ŋö ke bä lɔ nyiën week?” Gokï wëu giim në yen ëtök, riët kathiërdiäk.

Math 26:15 Iomraidhean Croise

Cäk 38:16

Go Juda rɔt yäl en ë kueer këc, ku lëk en an, “Lokku, ke ya bï lɔ tɔ̈c wo yïn.” Akën ŋic nɔn yen tiiŋ ë wënde. Go tiiŋ ë wënde lɛ̈k en an, “Eeŋö bä gäm ɛn të le yïn tɔ̈c we yɛn?”

Bɛ̈n 21:32

Ku të cïï thɔn lïm gut ku nɛ̈k, lïm moc ku nɔn ee yen tik. Ke thɔn ë biöökë abï thou, ku raan de thɔn ë puk raan në atek kathiërdiäk gëmë keek bɛ̈ny de lïm ë näk.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Lebai 27:4

Ku na ee tik, tɔ kuënde ee wëu ke ateek kathiërdiäk.

Math 10:4

Ku Thimon raan ë Kanaan, ku Judath Yithkariɔt, raan ë nyiin en aya.

Math 26:16

Na wën, ëkööl manë guöp, ke jɔ kööl piɛth kɔɔr, kööl bï en e nyiɛɛn.

Luɔi 1:18

(Ku raanë ë dom ɣɔɔc në ariöp de kërɛɛcde, na wën, ke wiëëk, go yäc rɛɛt ë ciɛɛlic, abï cïïn wët bei kedhie.

1 Tim 3:3

raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Bäny 16:5

Go bäny kadhïc ke Pilithiin lɔ tëde yen ku luelkï, an, “Wëŋ, ku tïŋ të tɔ̈u ë riɛlde thïn, ke buk tiaam, ku dutku, ku näkku. Ku raan ëbɛ̈n ë woyiic abï yï gäm bot kathiëër ku tök ke atek.”

Bäny 17:10

Na wën, ke lueel Maika an, “Rɛ̈ɛ̈rë wekë yɛn, ku bä ya wää ku ye guuc, ku yïn bä aa gäm atek kathiëër ë ruöön thok ëbɛ̈n, kekë lupɔɔ ku këcamdu.”