Math 26:13 - JAM DE NHIALIC 2011

¹³ Wek yɔ̈ɔ̈k ëyic an, “Baai ëbɛ̈n të bï wëlpiɛthkë aa guiir thïn ë piny nɔm ëbɛ̈n, ayï kënë aya kë cïï tiiŋë looi abï lueel në täŋ bï kɔc këde aa tak.”

Math 26:13 Iomraidhean Croise

Diɛt 112:6

Raan piɛthpiɔ̈u acïï bï wïïk taitai, abïï aa tak anande.

Yith 52:9

Luɔikï awuɔɔu de miɛt ë piɔ̈u, we kak cï riääk ke Jeruthalem! Bɛ̈nydït abï pänydïïtde luök, ku riit kɔcke piɔ̈ɔ̈th.

Math 24:14

Ku wëlpiɛthkë wël ke Ciɛɛŋ abï ke guiëër kɔc ke piny nɔm ëbɛ̈n, agokï aa cäätɔɔ ë juöör nïïm kedhie, ku jɔ thök de käŋ bɛ̈n.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Mak 13:10

Ku wëlpiɛth abïï ke dhil kɔn guiëër juöör ëbɛ̈n.

Mak 14:9

Ku wek yɔ̈ɔ̈k ëyic an, të bï wëlpiɛthkë aa guiir ë piny nɔm ëbɛ̈n, ayï kë cïï tiiŋë looi abï aa lueel aya, në täŋ bï kɔc këde aa tak.”

Mak 16:15

Go ke yɔ̈ɔ̈k an, “Lakï ë piny nɔm ëbɛ̈n, bäk wëlpiɛth aa lɔ guiëër kɔc cï cak ëbɛ̈n.

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Luɔi 10:4

Na wën, aacï woi guöp, ke päu piɔ̈u, ku lueel an, “Ee käŋö Bɛ̈nydït?” Go ë tunynhial yɔ̈ɔ̈k an, “Lɔ̈ŋdu ku miɔ̈cduön ë kɔc kuanynyïïn acïk ɣet nhial ë Nhialic nɔm an, bïk aa ka bï Nhialic aa tak.

Romai 10:18

Ku wek thiëëc an, Kɛ̈nkï piŋ? Go an, Ɣɛɛ, ee yic, “Rölden acï thiëi ë piny nɔm ëbɛ̈n, 2 Ku lɔ wëlken guut ë piny thar.”

Romai 15:19

ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër.

2 Kor 10:18

Acie raan lec rɔt etök yen piɛth ëgɔk, ee raan leec Nhialic yen apiɛth.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:6

wëlpiɛth cï ɣëët tëde week, acït man cï kek thiëi ë piny nɔm ëbɛ̈n aya, ku lokkï abïk juëc. Ku acïk luɔk ë weyiic ayadäŋ, gɔl ëkööl ɣɔn piɛŋ wek dhuëëŋ de Nhialic piɔ̈u ku jakï yökic ëgɔk.

1 Tim 2:6

raan cï rɔt gaam bï aa kë ye kɔc wɛ̈ɛ̈r bei kedhie, raan cïï këde lueel në cäätɔɔ ëkööldɛn piɛth,

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Nyuuth 14:6

Na wën, ke ya tïŋ tunynhial däŋ, ke riŋ ë paannhialic cil, ke cath ke wëlpiɛth thɛɛr bï ke guiëër kɔc rɛ̈ɛ̈r ë piny nɔm, ku guïïr juöör ëbɛ̈n ku dhiën ku liëp ku kɔc ëbɛ̈n,

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.