Math 24:5 - JAM DE NHIALIC 2011

⁵ Kɔc juëc abïk bɛ̈n ë rinkï, bïk ku luelkï an, ‘Yɛn Kërtho kï, agokï kɔc juëc math.

Math 24:5 Iomraidhean Croise

Jeremia 14:14

Go ë Bɛ̈nydï bɛ̈ɛ̈r an, “Tït aluelkï lueth në rinkï, akɛ̈n keek tooc, ku akɛ̈n keek yɔ̈ɔ̈k, ku acïn jam töŋ cä lɛ̈k keek. Yen nyuuth jiɛɛm kek ee këden, aacïï bɔ̈ tëde Yɛn, ka caarkï ayek lueth, kakɛn ë thööŋkï keek ë kenïïm.

Jeremia 23:21

Go Bɛ̈nydït lueel an, “Yen kën ee tïtkë tooc, ku acïk dhil ŋoot ke ke lɔ. Acïn jam cä gäm keek, ku acïk ŋoot ke ke jam në rinkï.

Jeremia 23:25

Yɛn ŋic kë cï tïtkë lueel, kɔc wään luel lueth në rinkï, ku luelkï an cä ke gäm jam në nyuöthden yic.

Jeremia 37:9

Ku Yɛn Bɛ̈nydït, wek jääny, duökï röt mɛth, në täŋdunic an cïï kɔc ke Babilonia bï bɛ bɛ̈n ciëën, abïk bɛ̈n.

Math 24:11

Ku tït aluɛth abïk röt jɔt ke ke juëc, agokï kɔc juëc math.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Jɔn 5:43

Yɛn ë bɔ̈ në rin ke Wäär, ku we kën a gam: të bï raan däŋ në rin ke yenguöp, yen abäk gam.

Jɔn 8:24

Yen aa lɛ̈k ɛn e week, an, we bï thou në karɛckun yiic: ku të kɛ̈n wek a gam, ‘nɔn aa Yɛn En,’ ke we bï thou ë karɛckun yiic.”

Jɔn 8:28

Go Yecu ke yɔ̈ɔ̈k an, “Të cä wek Wën ë Raan tääu nhial, yen abä wek e ŋic nɔn aa Yɛn En, ku nɔn cïn en kë cä looi në këde yenhdï, ku wëët cïï Wäär a wɛ̈ɛ̈t, yen aa luɛɛl ɛn kakë.

1 Jɔn 2:18

Wek mïththiaakäŋ, thaar ë thök de piny kï: ku acït man cä wek e kɔn piŋ nɔn bï raan man Kërtho bɛ̈n, en a cï kɔc juëc man Kërtho röt guɔ yök ënɔɔnë, ku yen a ŋicku ye nɔn ee yen thaar ë thök de piny.

1 Jɔn 2:22

Eeŋa ye alueeth? Cie raan ee jai, an, cïï Yecu ee Kërtho? Raan man Kërtho ka, raan ee jai ë Wääda kekë Wënde.

1 Jɔn 4:3

Ku wëi ëbɛ̈n wëi cïï Yecu Kërtho gam, ka ye kë cïï bɔ̈ tëde Nhialic: wëi ke raan man Kërtho ka, raan cä we këde piŋ nɔn bï en bɛ̈n, ku ye kï ë guɔ nu ë piny nɔm.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.