Math 24:3 - JAM DE NHIALIC 2011

³ Na wën, të rëër en ë kuur ë Olip nɔm, ke kɔcpiööcë ke ke bɔ̈ të nu yen kapäc, bïk ku luelkï an, “Lɛ̈kë wook, bï kake röt looi nɛn? Ku kë bï kɔc bɛ̈ndu ŋic ee käŋö, ayï thök de piny?”

Math 24:3 Iomraidhean Croise

Math 13:36

Na wën, acï Yecu kut ë kɔc tɔ jël, ke lɔ ɣöt, go kɔckɛn ë piööcë bɛ̈n të nu yen, bïk ku luelkï an, “Wɛ̈ɛ̈rë wook kääŋ thar, kääŋ ë wɛ̈ɛ̈l röör cï wɛɛr domic.”

Math 13:49

Yen abï ciët thök de piny. Tuucnhial abïk bɛ̈n, agokï kɔc racpiɔ̈ɔ̈th pɔ̈c bei në kɔc piɛthpiɔ̈ɔ̈th yiic,

Math 15:12

Go kɔckɛn ë piööcë bɛ̈n të nu yen, bïk ku yöökkï an, “Ŋic nɔn cï Parithai piɔ̈ɔ̈th diu, wën cï kek jamë piŋ?”

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Math 17:19

Na wën, ke kɔcpiööcë ë ke bɔ̈ tëde Yecu kapäc, bïk ku thiëckï an, “Eeŋö kën wok e lëu në ciëc ciëëc wok e bei?”

Math 21:1

Na wën, aa cïk thiɔ̈k ë Jeruthalem, ku acïk ɣet Bethpage, të lɔ kuurdïït cɔl Olip, ke Yecu toc kɔcpiööcë kaarou,

Math 24:27

Acït man de wilëdeŋ ee piny riaau ëbɛ̈n, gɔl të lɔ aköl amiäk ɣet të lɔ aköl athɛ̈i, yen abï ciët bɛ̈n ë Wën ë Raan aya.

Math 24:30

Na ëlë, ke gök bï Wën ë Raan ŋic abï jɔ tïc tënhial, ago dhiëën ke piny nɔm ëbɛ̈n, agokï keyöth biɔ̈ɔ̈k ke ke dhiau, ku abïk Wën ë Raan tïŋ abɔ̈ ë luäät yiic nhial ke cath ke riɛl dït ku dhuëëŋ dït.

Math 24:37

Ku acït man ë akööl ke Nowa ɣɔn thɛɛr, yen abï ciët bɛ̈n de Wën ë Raan aya.

Math 24:39

ku kuckï aɣët bɛ̈n cï amooldït bɛ̈n, bï ku jɔt keek wei kedhie, yen abï ciët bɛ̈n ë Wën ë Raan aya.

Math 24:43

Jakï kënë ŋic an, Të ë bɛ̈ny de baai ŋic thaar bï cuɛ̈ɛ̈r bɛ̈n thïn wakɔ̈u, adï cï yïn, ku adï kën ɣönde pɔ̈l abï thuur kɔ̈u.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luk 21:7

Gokï thiëëc an, “Bɛ̈ny ee wëët, bï kake jɔ tïc nɛn? Ku bï kɔc akööl ŋic në ŋö kööl kɔɔr ee kakë tuöl?

Luɔi 1:7

Go keek yɔ̈ɔ̈k an, “Ŋïny bä wek akööl ŋic ayï run, akööl ku run cïï Nhialic tääu ë yecin etök, acie këdun.

Ɣeberuu 9:26

Ku na ye rɔt gaam ë ruöön thok ëbɛ̈n Yen Kërtho adï cï gum raanjuëc gɔl të wään ciɛkë piny cït man ë bäny ke kake Nhialic ke Judai käŋ nɔ̈k ë ruöön thok ëbɛ̈n. Ku ë nɔn ciëënë në thök de luɔi de löŋ thɛɛr, ke jɔ rɔt nyuɔɔth raantök në luɔi cï yen riɛl ë kërac nyuän piny në gɛ̈m cï Yen rɔt gäm Nhialic näk nyiɛɛiyë karɛckuɔ.