Math 23:8 - JAM DE NHIALIC 2011

⁸ Ku week, duökï röt ë tɔ cɔl an, ‘Rabi,’ në biäk dɛ wek nïïm Bɛ̈nyduön tök ee wëët, yen aye Kërtho, ku wek ee mïth ke raan tök wedhie.

Math 23:8 Iomraidhean Croise

Math 10:25

Ë loi tëde raanpiööcë të thoŋ en kekë raan ë wëët en, ku ë loi tëde lïm të thoŋ en kekë bɛ̈nyde. Të cï kek bɛ̈ny de dhiën lat tɔkï ye Beeldhebub, cïkï kɔc ke dhiënde bï aa lat arëët awär luɔi ee kek bɛ̈nyden lat?”

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Math 23:10

Ku duökï röt ë tɔ cɔl, an, ‘Bɛ̈nydït,’ në biäk dɛ wenïïm Bɛ̈nyduön dït tök, yen aye Kërtho.

Math 23:7

ku nhiaarkï thiëc ee kɔc röt thiëëc ë thuk yiic, ku kɔɔrkï luɔi bï keek aa cɔɔl ë kɔc, an ‘Rabi, Rabi.’

Math 26:25

Na wën, ke Judath, raan ë nyiin en, ke thiëëc an, “Ee yɛn, Rabi?” Go Yecu bɛ̈ɛ̈r an, “Ye ka, cï lueelë.”

Math 26:49

Go bɛ̈n tëde Yecu ënɔnthiinë, bï ku lueel an, “Thieithieei ë yïn, Rabi,” go ciim arëët.

Mak 10:51

Go Yecu bɛ̈ɛ̈r, thiëëc an, “Eeŋö kɔɔr kë bä luöi yïn?” Go cɔɔr lueel an, “Raboni, ee luɔi bän yïn, yen akaar.”

Mak 11:21

Go Petero enɔm tak ku lueel an, “Rabi, tïŋ, ŋaap wään bä cieen, acï guɔ riɔu!”

Mak 14:45

Na wën aa cï bɛ̈n, ke jɔ lɔ tëde yen ënɔnthiinë, le ku lueel an, “Rabi, Rabi!” Go ciim aläl.

Mak 9:5

Go Petero bɛ̈ɛ̈r, ku lëk Yecu an, “Bɛ̈ny, apiɛth nɔn tɔ̈u wok eenë: jɔku kɛ̈ɛ̈t yïk kadiäk, ye tök këdu, ku tök këde Mothe, ku tök këde Elija.”

Luk 22:32

ku yɛn cï lɔ̈ŋ në biäkdu, ke gämdu cïï bï dak: ku yïn, të cï yïn yïpiɔ̈u guɔ puk, ke yï rit mïthëkɔckun piɔ̈ɔ̈th.”

Jɔn 1:38

Go Yecu liec, ago ke tïŋ akuanykï e cök, ku jɔ ke thiëëc an, “Eeŋö kaarkï?” Gokï lueel an, “Rabi (yen aye Bɛ̈ny ë wëët, në thoŋda) an, “Rɛ̈ɛ̈rë tënou?”

Jɔn 1:49

Go Nathanyel bɛ̈ɛ̈r, lueel an, “Rabi, yïn ee Wën ë Nhialic! Ku yïn ee Melik de Yithriɛl!”

Jɔn 11:8

Go yɔ̈ɔ̈k ë kɔcpiööcë an, “Rabi, Judai aake kɔɔr yïn wään thiɔ̈kë an, bïk yïn biɔ̈ɔ̈k ë kur, ku bɛyë lɔ ëtɛ̈ɛ̈n?”

Jɔn 20:16

Go Yecu lueel an, “Meri!” Go rɔt puk, ku lueel an, “Raboni!” (Yen aye “Bɛ̈nydiën ee wëët.”)

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Jɔn 3:26

Agokï bɛ̈n tëde Jɔn, bïk ku luelkï an, “Rabi, raan ë rɛ̈ɛ̈r wek ëtök ë Jordan nɔm lɔŋtui, raan cï yïn këde lueel, tïŋ, ee kɔc baptith, go kɔc aa lɔ tëde yen kedhie!”

Jɔn 4:31

Na wën, aŋootkï wei, ke lɛ̈ŋ kɔcpiööcë an, “Bɛ̈ny, cämë!”

Jɔn 6:25

Na wën, acïk e yök lɔŋtui, ke jɔkï thiëëc an, “Rabi, ë yï bɔ̈ eenë nɛn?”

Jɔn 9:2

Go kɔckɛn ë piööcë thiëëc an, “Rabi, eeŋa ë loi kërac, në yï raanë, kekë wun ku man, ënɔɔn ë dhiëthë ye ke ye cɔɔr?”

2 Kor 1:24

Ku acie luɔi ee wok week cieŋ, wok ee kɔc ee week kony në miɛt bä we piɔ̈ɔ̈th miɛt: ee gämdun en a kääc wek.

2 Kor 4:5

Ku wo cie guïïr ë këda, ee këde Kërtho Yecu Bɛ̈nydït en ë yok guiir, ku wook, wok ee lïïmkun në biäk de Yecu.

Epethiei 3:15

Raan ë ciëk dhiën rin kedhie, dhiën nu paannhial ku dhiën nu ë piny nɔm,

Pile 1:16

Ku cïï bï bɛ ciët man ë lïm tei, abï lïm wöör, ee mɛnhkui nhiaar, arëk ɛn a nhiaar aläl, ku yïn, cïï nhiaar ë nhiëër wär nhiëër nhiaar ɛn en, ë yeguöp ku në Bɛ̈nydïtic aya!

Jakop 3:1

Duökï röt tɔ ye bäny juëc bäny ee kɔc wɛ̈ɛ̈t, wek mïthëkɔckuɔ, aŋiɛckï nɔn bï löŋda tuöc ë guiëër, wok kɔc ee kɔc wɛ̈ɛ̈t.

1 Pet 5:3

Ku duökï ee ya bäny ee kɔc cieŋ, kɔc cï we tääu ë kenïïm, takï röt ee kɔc bï lunydun täudun aa dɔmic.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.

Nyuuth 22:9

Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë tït mïthëkɔckun, ku kɔc ee wël ke awerekë döt: ye Nhialic lam!”