Math 23:15 - JAM DE NHIALIC 2011

¹⁵ “Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye Wɛ̈ɛ̈r caathic ku caathkï piny nɔm luɔi bä wek raan tök tɔ puk epiɔ̈u ë wëëtdun, ku të cï en epiɔ̈u puk, ke yak tɔ ye wën ë giɛna awär week arëët!

Math 23:15 Iomraidhean Croise

Ethta 8:17

Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Math 3:7

Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Math 5:29

Ku na nyin cuënydu, të tɔ yen yïn loi kërac, ke tukë bei, cuatë wei, apiɛth tëde yïn luɔi bï töŋ de ka ke yïnguöp riääk, ke guöpdu ëbɛ̈n ke cïï bï cuat ë giɛna yic.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Luɔi 13:10

ku yöök an, “Yïn, raan cï yic thiäŋ ke ruëëny ku de yïguöp aciɛɛn, yïn wën ë jɔŋdït rac, raan man piathëpiɔ̈u ëbɛ̈n, cïï bï pɔ̈l anandu në yal ee yïn kuɛɛr ke Bɛ̈nydït tɔ yal röt, kuɛɛr lɔ cit?

Luɔi 13:43

Na wën, aacï kɔc pɔ̈k kɔc wën ë guëër, ke Judai juëc kekë Juöör cï röt tɔ ye Judai, kɔc riëëu Nhialic, ke ke kuany Paulo cök kekë Baranaba. Gokï jam në keek, yöökkï keek aläl an, bïk a cool ë tɔ̈u në dhuëëŋ de Nhialic yic.

Luɔi 14:19

Na wën, ke Judai bɔ̈ ë Antiokia kekë Yikoniom ke ke ɣet ëtɛ̈ɛ̈n: agokï kut ë kɔc wëŋ, ku biöökkï Paulo në kur, ku thelkï biic ë pänydït këc, aluelkï, an, cï yiɛ̈n thou.

Luɔi 14:2

Go Judai reec gäm gokï Juöör kɛ̈ɛ̈k, ku tɔkï ke nhiany piɔ̈ɔ̈th në wäthii.

Luɔi 17:13

Na wën, aacï Judai nu Thethalonike e piŋ nɔn cï jam ë Nhialic guiir në Paulo ë Beroya, ke ke lɔ ëtɛ̈ɛ̈n aya, lek kɔc noon.

Luɔi 2:10

ku Purugia, ku Pampulia, ku Rip, ku bɛ̈i ke Libya thiɔ̈k ke Kurene, ku kamaan ë bɔ̈ Roma, ayï Judai ayï kɔc ë cï röt tɔ ye Judai,

Luɔi 6:5

Ku löŋë acï kut ë kɔc tɔ mit piɔ̈ɔ̈th kedhie, agokï Thepano lɔc, raan ë gam arëët, ku cï thiäŋ ke Wëidït ɣer, ku Pilip, ku Porokoro, ku Nikanor, ku Thimon, ku Parmena, ku Nikola raan ë bɔ̈ Antiokia ku cï rɔt tɔ ye Judai.

Galatai 4:17

Kɔ̈ɔ̈r ee kek cök ë kɔɔr kek week acïï piɛth, ee luɔi bï kek we guöör biic, en anu ë kepiɔ̈ɔ̈th, ke ke bäk cök ë kaar wek keek.

Galatai 6:12

Kɔc ëbɛ̈n kɔc kɔɔr luɔi bï ë ke ŋic an yek kɔc piɛth ë guöpic, kek adhil week tɔ cuel, ee luɔi cïï ë ke bï yɔŋ tei në biäk de tim cï rïïu nɔm tim de Kërtho.

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.