Math 21:19 - JAM DE NHIALIC 2011

¹⁹ Na wën, ke tïŋ tim ë ŋaap ë kueer këc, go bɛ̈n të nu yen, go ciën kë yök ë yenɔm, ee yïth tei kapäc. Go tim yɔ̈ɔ̈k an, “Ë cïn mïth bï bɛ aa tɔ̈u ë yïnɔm athɛɛr!” Go ŋaap riɔu ënɔnthiinë.

Math 21:19 Iomraidhean Croise

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Jeremia 8:13

“Yɛn kɔɔr bä kɔckï määt yiic, cït man ye raan de dom rap kut nïïm, ku acïk ciët tim de enap cïn nɔm mïth, ku cïtkï tim ë ŋaap cïn nɔm mïth, ayï yïthke acïk biɔɔr. Yeka cän kɔc lei tɔ nöm piny.”

Math 21:20

Na wën, aacï kɔcpiööcë e tïŋ, ke ke gäi, ku luelkï an, “Ŋaap ë go guɔ dap riɔu adï?”

Mak 11:14

Go bɛ̈ɛ̈r, yöök an, “Ë cïn raan bï mïthku bɛ ya cam aɣet athɛɛr!” Ku aa piŋ kɔckɛn ë piööcë.

Mak 11:20

Na ɣɔn amiäk, të tëëk kek, ke ke tïŋ tim de ŋaap wään acï riɔu ayï meeide.

Luk 3:9

Ku ënɔɔnë, yiëp ë guɔ tääu të nu mei ke tiim: tim ëbɛ̈n tim reec luɔk ë mïth piɛth abï jɔ yiɛp piny, ku cuɛtë mɛɛc.”

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

2Tim 3:5

kɔc ee röt tɔ cït ka cath në riëëu de Nhialic, ku yek riɛlde jai. Ye rɔt yal wei ë kɔckë lɔ̈m.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

Juda 1:12

Kɔckë ayek kuur cï thiaan këcamduön ë nhiëëric, të ye kek rɔm ë week ëtök ë këcam, ku yek këyäc thiɔ̈ɔ̈ŋ ke ke cïï riɔ̈c, ayek luäät cïn yiic pïïu, luäät ee yom kuaath. Acïtkï tiim ee mïthken dap yom, agokï cuö lok, tiim ruël cï thou raanrou, ago ke wöth bei në meiken.

Nyuuth 22:11

Raan racpiɔ̈u, ke tɔ̈u ke racpiɔ̈u: ku raan nhiany piɔ̈u, ke tɔ̈u ke nhiany piɔ̈u: raan piɛthpiɔ̈u, ke tɔ̈u ke piɛthpiɔ̈u, ku raan ɣeric, ke tɔ̈u ke ɣeric.”