Math 20:24 - JAM DE NHIALIC 2011

²⁴ Na wën, acï kɔc kathiëër e piŋ, ke ke diu piɔ̈ɔ̈th ë wɛ̈ɛ̈tkë kaarou.

Math 20:24 Iomraidhean Croise

Kɛ̈ŋ 13:10

Dït ë nɔm ë agööth bɛ̈ɛ̈i, ku yök pɛlënɔm tëde raan ee jiëëm piŋ.

Math 20:23

Go ke yɔ̈ɔ̈k an, “We bï dek ë bïnydï në yic, ku we bï baptith ë baptinh cï a baptith, ku rëër ë baŋ cuënydï ku baŋ camdï acie këdiën bä yiɛ̈n kɔc, ee këde kɔc cïï wäär kɔn lueel an, bï aa këden.”

Math 20:25

Go Yecu ke cɔɔl të nu yen kedhie, ku lueel an, “We ŋic bänydït ke Juöör, ayek kɔckɛn cieŋ ë ciɛɛŋ ril, ayï kɔckɛn dït, ayek keek cieŋ.

Mak 10:14

na wën, aacï Yecu ye tïŋ, ke diu piɔ̈u arëët, ku yöök keek, pälkï mïththiaakäŋ ë ke bɔ̈ të nuö yɛn, duökï ke pën: ciɛɛŋ de Nhialic ee këde kɔc cït keek.

Mak 10:41

Na wën, acï kɔc kathiëër ye piŋ, ke ke jɔ piɔ̈ɔ̈th diu në Jakop ku Jɔn.

Luk 13:14

Go bɛ̈ny de ɣön ë Nhialic gɔ̈th, luɔi cï Yecu raan tɔ dem ëkööl ë Thabath, ku jɔ bɛ̈ɛ̈r, yöök, an, “Akööl kadhetem anukï kööl duëërë kɔc ke luui thïn: yak bɛ̈n ë aköölkë yiic bï we bɛ̈n tɔ dem, ku duökï ë bɛ̈n ëkööl ë Thabath!”

1 Kor 13:4

Nhiëër ee käŋ guum anande, ku apiɛth piɔ̈u, nhiëër acïnic tiɛɛl, nhiëër acïï rɔt ee leec, acïï rɔt ee tɔ dït,

Pilipoi 2:3

Duökï käŋ ee looi në ater ayï lɛ̈cderɔt, yak röt kuɔɔr piny, ë ŋɛk ë ye ŋɛk riëëu awär riëëu riëëu en rɔt.

Jakop 3:14

Ku na yak yiic dɛ tiɛɛl kec ku dɛkï piɔ̈ɔ̈th ater, ke we duökï röt ee leec, ku duökï yic ee cäk thok.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.