Math 2:4 - JAM DE NHIALIC 2011

⁴ Na wën, aacï bänydït ke kake Nhialic tɔ kut kenïïm kedhie kekë kɔc ë löŋ gɔ̈ɔ̈r në kɔc yiic, ke ke thiëëc an, “Ee tënou yen bï Kërtho dhiëëth thïn?”

Math 2:4 Iomraidhean Croise

2 Lëk 34:13

Ku kɔc kɔ̈k ke Lebai aa ke tɔ dhëth käŋ, ku tɔ kɔc kɔ̈k looi luɔi däŋ, ku lɔ kɔc kɔ̈k ke ke gär, ku kɔ̈k ayek bäny ku ye kɔ̈k kal tiit thok.

2 Lëk 34:15

Ago Ɣilikia lɛ̈k Capan an, “Yɛn cï awerek de löŋ yök ë Luaŋdïtic.” Ago Ɣilikia awerek gäm Capan.

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Edhr 10:5

Go Edhera rɔt jɔt ku tɔ bänydït ke kake Nhialic ku kɔc ke Lebai ku kɔc ke Yithriɛl kedhie loi gutguut bïk kë cï Cekania lueel dhil looi. Gokï gutguut jɔ looi.

Edhr 7:6

Yen Edhera aa bɔ̈ në Babilon. Ku ye raan cï wëët në lööŋ ke Mothe, wään cïï Bɛ̈nydït, Nhialic de Yithriɛl gam. Go Melik gäm këriëëcdɛn cï thiëëc ëbɛ̈n ë biäk ë tɔ̈u athiɛɛi de Bɛ̈nydït Nhialicde ke yen.

Diɛt 2:2

Meliik ke piny acïk kenïïm mat, bäny acïk kethook mat, bïk ater wɛ̈l nɔm Bɛ̈nydït kekë raandɛn cï tɔc.

Jeremia 8:8

Eeŋö ya wek e lueel an, pɛlkï nïïm, ku an ŋiɛckï lööŋkï? Tiëŋkï lööŋ acï ke waar yiic në kɔc ee gär cie adööt.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Math 13:52

Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”

Math 2:3

Na wën, aacï melik Ɣerod ee kënë piŋ, go piɔ̈u diɛɛr, ku diɛɛr Jeruthalem ëbɛ̈n në yen ëtök.

Math 2:5

Agokï bɛ̈ɛ̈r an, “Ee Betheleɣem de Juda, yen acï tiët gɔ̈ɔ̈r ɣɔn alë an,

Math 21:15

Na wën, aacï bänydït ke ka ke Nhialic ku kɔc ee löŋ gɔ̈ɔ̈r kadït cï looi tïŋ, ku tïŋkï mïth acötkï Luaŋdït yic, ke yek luel an, “Ɣothana ë tɔ̈u ke Wën ë Debid!” Agokï piɔ̈ɔ̈th diu arëët,

Math 21:23

Na wën, acï bɛ̈n Luaŋdït, ke bänydït ke ka ke Nhialic kekë röördït ke kɔc yiic ke ke bɔ̈ të nu yen, të wëët en kɔc, bïk ku thiëckï an, “Ë riɛlou looi yïn ee kakë? Ku eeŋa ë gëm yïn ee riɛlë?”

Math 26:3

Go bänydït ke ka ke Nhialic ku kɔc ë löŋ gɔ̈ɔ̈r ku röördït ë kɔc yiic, agokï guëër ë kalic kal ë bɛ̈nydïït ë kake Nhialic bɛ̈ny cɔl Kayapath,

Math 26:47

Na wën, të ŋoot en ke jam, dï, ke Judath bɔ̈, ee raan töŋ de kɔc kathiëër ku rou, ku bɔ̈ kut dïït ë kɔc në yen ëtök, amukkï abätɛ̈ɛ̈u ku thieec, abïkï tëde bänydït ke ka ke Nhialic ku röördït ë kɔc yiic.

Math 27:1

Na ɣɔn amiäk aruu piny, ke bänydït ke kake Nhialic kedhie ku röördït ë kɔc yiic ke ke mɛ̈t kethook Yecu kapäc an, bïk tɔ näk.

Math 7:29

aye keek wɛ̈ɛ̈t cït man ë raan cath ke riɛl ku cïï cït man ë kɔc ë löŋ gɔ̈ɔ̈r.

Mak 8:31

Na wën, ke ke jɔ gɔl ë wëët an, “Wën ë Raan abï kajuëc dhil guum, ku bï dhil rɛɛc ë röördït, ku bänydït ke ka ke Nhialic, ku kɔc ee löŋ gɔ̈ɔ̈r, ku bï dhil nɔ̈k, na miäk, acï nïn aa diäk, ka bï rɔt bɛ jɔt.”

Luk 20:19

Ku bänydït ke ka ke Nhialic ku kɔc ee löŋ gɔ̈ɔ̈r akɔɔrkï luɔi bï kek e dɔm ë thaar manë guöp, ee riɔ̈ɔ̈c riɔ̈ɔ̈c kek ë kɔc tei: aŋickï nɔn ë lueel en kääŋë në këden.

Luk 23:10

Ku kääc bänydït ke ka ke Nhialic ku kɔc ee löŋ gɔ̈ɔ̈r, ke gɔɔnykï arëët.

Jɔn 18:3

Na wën, aacï Judath rem ë alathkëër nööm kekë bänyken, tëde bänydït ke ka ke Nhialic ku Parithai, ke ke jɔ bɛ̈n ëtɛ̈ɛ̈n, ke ke muk kuthyuui ku mɛ̈ckealath ku ka ye ke biök.

Jɔn 3:10

Go Yecu puk nɔm, lueel an, “Ye raan ë Yithriɛl wɛ̈ɛ̈t, ku kuc kakë?”

Jɔn 7:32

Go Parithai piŋ nɔn ŋuunë kɔc aya në këde, go Parithai ku bäny dït ke kakë Nhialic gokï bäny ee kɔc mac tooc, lek dɔm.

Jɔn 8:3

Na wën, ke kɔc ee löŋ gɔ̈ɔ̈r kekë Parithai ke ke bïï tik të nu yen, tiiŋ cï dɔm ke cï lɔ kekë mony lei, agokï tääu ë ciɛɛlic.

Luɔi 23:9

Go awuɔɔu dït rɔt cak, kɔc ee löŋ gɔ̈ɔ̈r kɔc ë mat ë Parithai acïk röt jɔt, teerkï, luelkï an, “Acïn kërɛɛc cuk yök tëde raanë, ku na de jɔŋ cï jam kekë yen, ayï tunynhial, duku biɔ̈k ë Nhialic!”

Luɔi 4:5

Na wën, aruu piny, ke bäny ke Judai, ku röördït ku kɔc ee löŋ gɔ̈ɔ̈r ë ke guëër Jeruthalem.

Luɔi 6:12

Agokï kɔc riir aläl ayï röördït, ayï kɔc ee löŋ gɔ̈ɔ̈r, agokï bäk, dɔmkï, ku thelkï leerkï ë löŋ nɔm.