Math 2:2 - JAM DE NHIALIC 2011

² bïk ku thiëckï an, “Nu ënou en ë mɛnh wën cï dhiëëth an, ee melik de Judai? Wok ë ciëërde tïŋ të lɔ aköl amiäk, ku wok ë bɔ̈ buk bɛ̈n lam.

Math 2:2 Iomraidhean Croise

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 45:11

Läkdun abï we tɔ kɔɔr ë melik, në luöi yen bɛ̈nydun, yak riëëu.

Yith 60:3

Juöör abï ke bɛ̈ɛ̈i në manydu nɔm, ayï meliik abïk bɛ̈n adurduur de köölduön ë piac ruu.

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Jeremia 30:9

Ku abïk Yɛn aa luööi, Yɛn Bɛ̈nydït Nhialicden, ku luuikï kuat de Debid, raan bä tɔ ee melik.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Kuɛ̈n 24:17

Yɛn ë ke bɔ̈ tueŋ tïŋ, aguɔ Yithriɛl tïŋ. Melik riäu cït man ë kuel abï tïc paan ë Jakop, Ku tiëc thieny ë baai de Yithriɛl. Abï bäny ke Mowap riɔ̈ɔ̈k, ku nɛ̈k kɔc ke Theth kedhie.

Math 2:3

Na wën, aacï melik Ɣerod ee kënë piŋ, go piɔ̈u diɛɛr, ku diɛɛr Jeruthalem ëbɛ̈n në yen ëtök.

Math 21:5

“Yɔ̈ɔ̈kkï nyan de Dhiɔn an, “Tïŋ, melikdu abɔ̈ të nu yïn! Ë rɔt kuɔɔr piny, ku acath ë mul kɔ̈u, ku ciɛth ë dau kɔ̈u dan ë mul.”

Math 27:11

Na wën, ke Yecu ë kääc ë bɛ̈ny nɔm, go bɛ̈ny thiëëc an, “Ye melik de Judai?” Go Yecu lueel an, “Yen ka kë cï lueelë.”

Luk 19:38

luelkï an, “Thieithieei Melik bɔ̈ në rin ke Bɛ̈nydït! Ë mät tɔ̈u paannhial, ku tɔ̈u dhuëëŋ tënhial ya!”

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Luk 23:3

Go Pilato thiëëc an, “Ye melik de Judai?” Go bɛ̈ɛ̈r an, “Yeka, kë cï lueelë.”

Luk 23:38

Ku ade jam cï gɔ̈ɔ̈r ë yenɔm nhial, në gäär de Girikii ku Roma ku Ɣeberuu an, “Kënë ee Melik de Judai.”

Jɔn 1:49

Go Nathanyel bɛ̈ɛ̈r, lueel an, “Rabi, yïn ee Wën ë Nhialic! Ku yïn ee Melik de Yithriɛl!”

Jɔn 12:13

Ke ke jɔ kër ke akööt nööm, ku lek biic lek loor, ke ke cöt an, “Ɣothana! Thieithieei në raan bɔ̈ në rin ke Bɛ̈nydït, yen Melik de Yithriɛl!”

Jɔn 18:37

Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 19:19

Go Pilato rinke gɔ̈ɔ̈r, tɛ̈ɛ̈u keek ë tim nɔm tim cï rïïu nɔm. Ku acï gɔ̈ɔ̈r an, “Yecu de Nadhareth, Melik de Judai.”

Jɔn 20:28

Go Thoma bɛ̈ɛ̈r, lueel an, “Bɛ̈nydiëndït, ku Nhialicdï.”

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 9:38

Go lueel an, “Acä gam, Bɛ̈nydït.” Go lam.

Ɣeberuu 1:6

Ɣɔn tuuc ë Nhialic wën kɛ̈ide ë piny nɔm, ke jɔ lueel an, “Ë lɛm ë tuucnhial kedhie.”

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.