Math 2:11 - JAM DE NHIALIC 2011

¹¹ Na wën, acïk bɛ̈n ɣöt, ke ke tïŋ mɛnhthiinë kekë Meri man, agokï röt cuat piny, ku lamkï, ku të cï kek wëuken liep nïïm, ke miɔckï ë käŋ, adhääp ayï wal ŋïr, ayï mer.

Math 2:11 Iomraidhean Croise

Cäk 43:11

Ago wuönden lɛ̈k keek an, “Na ee täude ka, ke we nöm kapiɛth cï luɔk pinydanë, ku yiɛ̈nkï keek bɛ̈ny ë Rip ke ye miɔ̈cde. Nɔ̈mkï këthiin ë baam, ku nɔ̈mkï kiëc thiinakäŋ, ku lɔ adök, ku mer, ku mïth miit ke tim cɔl pithaaciyo, ku almon.

1 Mel 10:10

Go melik Tholomon gäm miɔ̈c cï bɛ̈ɛ̈i: ka wär aguum kaŋuan 4000 ke kilɔɔ gram ke adhääp, ku wal ŋïr juëc aläl, ku kuur läk. Ku acïn wal ŋïr kɔ̈k juëc cït wal ŋïr cï tiiŋ melik de Ceba gäm melik Tholomon.

1 Mel 10:2

Bïï Jeruthalem ke kɔckɛn cath ë yecök, ku thɔ̈rɔ̈ɔ̈l ɣɛ̈ɛ̈c wal ŋïr, ku adhɛ̈p juëc arëët, ku kur kuur läk. Na wën aacï yök kekë Tholomon, go luɔp në këriëëc nu ë yepiɔ̈u ëbɛ̈n.

Diɛt 2:12

ku guötkï wenïïm piny në yenɔm. Ku na cie yen, ke agönhde abï rɔt dap looi, ka wek bï dap thou ëthiäu. Thieithieei në kɔc ee lɔ tëde Yen le ke gël.

Diɛt 45:8

Lupɔɔku acïk kɔ̈ɔ̈th thiäŋ në aŋiëër de mer ku aloyeth, ku kathiya, kɔc ee ket aleckï yïnɔm, ɣönduön de bääny cï jämic në tuŋ ke akɔ̈ɔ̈n.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Diɛt 72:15

Yïn bï pïïr athɛɛr melik! Tɔ gëmë adhäm de Ceba, abï ya gäm lɔ̈ŋ aköölnyïïn ëbɛ̈n, ku athiɛɛi de Nhialic abï ya täu kekë yen aɣet athɛɛr!

Diɛt 95:6

Bäkkï, gutku wonïïm piny ku lɛmku, tukku wo miɔl në Bɛ̈nydït nɔm Aciëŋda!

Bɛ̈n 30:23

“Nöm wal ŋïr lɔ mot. Ku nöm mer lɔ laulau në bot kadhïc ke wëëth. Ku nöm wɛ̈ɛ̈l ŋïïr cɔl kinamon në bot kaarou ke wëëth. Ku bot kaarou ke bëël ŋïr.

Bɛ̈n 30:34

Go Bɛ̈nydït lɛ̈k Mothe an, “Nöm wal ŋïr në kuën kït, nöm yethek, ku anika, ku galbanum, parankinthe piɛth.

Diɛt ke 3:6

Eeŋö ë kë bɔ̈ në jɔ̈ɔ̈ric, ke cït luän de tol, acï looi në ŋiëër de mer kekë wal ŋïr, wal ye ɣaac ë kɔc ee käŋ ɣaac?

Yith 60:6

Thɔ̈rɔ̈ɔ̈l juëc abïk bɛ̈n, piny de Midian ku Eepa. Ku abïk bɛ̈n në Ceba abïk bɛ̈n, ke ke muk adhɛ̈p ke ke bïï adhääp ku wal ŋïr. Kɔc abïk Bɛ̈nydït leec në biäk de kë cïï looi!

Lebai 6:15

Ku bɛ̈ny de kake Nhialic abï aɣaar nem në yeciin ë miɔ̈c ë rap, kekë miök ku wal ŋïr tɔ̈u ë miɔ̈c ë rap nɔm, ku nyop ee kënë ë yïk nɔm, ke ye miɔ̈c de këcam, miɔ̈c ee looi në mac, miɔ̈c tum mit në Bɛ̈nydït piɔ̈u.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 1:18

Dhiënh ë dhiëëthë Yecu Kërtho kï: Thiëŋ de Meri man acï kɔn lueel kekë Jothep, na wën, aŋootkï ke ke kën guɔ rëër ëtök, ke yök ade yic meth në këde Wëidït ɣer.

Math 12:46

Na wën, të ŋoot en ke jam kekë kut ë kɔc, ke man ku mïthëkɔcken ke ke kääc biic, akɔɔrkï jam bï kek jam ë yen.

Math 14:33

Go kɔc nu ë abëlic bɛ̈n bïk ku lamkï, luelkï an, “Ee yic, yïn ee Wën ë Nhialic.”

Math 2:10

Të cï kek ciëër tïŋ, ke ke jɔ piɔ̈ɔ̈th miɛt arëët diitë.

Math 2:2

bïk ku thiëckï an, “Nu ënou en ë mɛnh wën cï dhiëëth an, ee melik de Judai? Wok ë ciëërde tïŋ të lɔ aköl amiäk, ku wok ë bɔ̈ buk bɛ̈n lam.

Luk 2:16

Gokï dap lɔ, ku yökkï Meri ku Jothep, ku mɛnhthiinë ke cï tääc ë kën ee mul rem thïn.

Luk 2:38

Na wën, ke ɣet ëtɛ̈ɛ̈n ë thaar manë guöp, ke jɔ Nhialic leec, ku jiɛɛm ke kɔc kedhie kɔc ŋäth wëër bï Jeruthalem wɛ̈ɛ̈r bei, jiɛɛm në këde meth.

Jɔn 19:39

Nikodemo acï bɛ̈n aya, raan ë kɔn bɛ̈n wään thɛɛr tëde Yecu wakɔ̈u, bï ke muk wɛl ŋïr kaarou ke ke cï liääp, wɛ̈ɛ̈l cɔl mer ku aloyeth, acït rotool kabɔt.

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.

Nyuuth 5:8

Na wën, aacï awerek nööm, ke läi kaŋuan ku röördït kathiërrou ku ŋuan ke ke cuɛt röt piny ë Nyɔŋamääl nɔm, ke ke muk thoom raan ëbɛ̈n, ku mukkï guöl ë adhääp de yiic wal ŋïr ee nyop agokï tumëtum, kek aye lɔ̈ŋ ee kɔc ɣerpiɔ̈ɔ̈th Nhialic lɔ̈ŋ.

1 Tham 10:27

Ago kɔc kɔ̈k de gup wël melik rɛɛc ku luelkï an, “Acïn këpiɛth bïï ee raanë luöi wook.” Agokï jaai ke cïkï yïn miɔ̈c.