Math 19:5 - JAM DE NHIALIC 2011

⁵ ago lueel an, ‘Yen abï raan wun pɔ̈l ku pɛ̈l man, ago jɔ mat kekë tiiŋde, agokï aa guöp tök keek kaarou?’

Math 19:5 Iomraidhean Croise

Cäk 34:3

Cekem acïï Dina nyan ë Jakop diir, go nhiaar guöp ku thut.

2 Tham 1:26

“Yɛn dhiëëu wänmääth Jɔnathan, yïn läk aläl ë yapiɔ̈u! Ku nhiëërduön nhiɛɛr yïn ɛn adït, awär nhiëër nhiɛɛr ë raan tik.

1 Mel 11:2

Aake thiɛɛk ke Bɛ̈nydït ë cï jaai, ɣɔn cï Yen ke yɔ̈ɔ̈k an duökï thiëk në duet ke juöör kɔ̈k, kënë abï Yithriɛl tɔ lam yiëth kɔ̈k.

Diɛt 45:10

Piɛŋkï kë luɛɛl wek duet, määrkï nïïm në kɔckun ayï kɔc baai de wuur.

Diɛt 63:8

Yɛn cï rɔt nöök ë Yïn, ku ciindu ee yɛn muk aril.

Malakai 2:15

Kën Bɛ̈nydït ɣöndun deer nɔm në Yen? Ku eeŋö tɔ ë Nhialic keek ee tök? Aa tɔ keek ee tök agokï mïth ŋic Nhialic dhiëëth. Ka week tiɛtkï röt apiɛth, ku duökï diëërkuön riëëc wek pɛ̈l wei.

Math 19:6

Yen ka, acïkï be aa rou, ayek guöp tök. Ku ënɔɔnë, kë cïï Nhialic matic, ë cïï raan tekic.”

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

1 Kor 6:16

Kuöckï ee cöökë an, Raan ë mat kekë akɔɔrröör, ke ye guöp tök kekë yen ëtök? Aa lueel, an, “Keek kaarou abïk aa guöp tök.”

1 Kor 7:2

Ku në biäk de bal, ë moc ëbɛ̈n ë ye dɛ tiiŋ de yenguöp.

1 Kor 7:4

Tik acïn nɔm riɛl ë yenguöp, ee moc en ade nɔm riɛl: ayï moc aya, acïn nɔm riɛl ë yeguöp, ee tik en ade nɔm riɛl.

Epethiei 5:31

“Yen abï moc wun pɔ̈l ku pɛ̈l man, ago rɔt mat ke tiiŋde, agokï aa rïïŋ tök keek kaarou.”

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 11:22

Riëëukï lööŋ cä gäm week kedhie në piɔ̈n adöt, nhiaarkï Bɛ̈nydït Nhialicdun, luɔikï këriëëcdun cï lueel ëbɛ̈n, ku yak röt tɔ ye adööt tëde Yen.

Nyöŋ 4:4

ku wek kɔc adööt ee jam de Bɛ̈nydït Nhialicdun gam, wek ŋoot ke we pïïr aɣët cï ëköölë.

1 Tham 18:1

Na wën, aacï Thaulo thök në jam kekë Debid, ke Jɔnathan, wën ë Thaulo ë mit piɔ̈u kekë Debid. Go Debid nhiaar guöp aläl cït man nhiɛɛr en guöpde.

1 Tham 25:43

Debid aacï Aɣinowam nyan de Jedhreel thiaak, agokï jɔ aa diäärke kaarou.