Math 19:21 - JAM DE NHIALIC 2011

²¹ Go Yecu yɔ̈ɔ̈k an, “Na kɔɔr nɔn bï yïn piɔ̈u dikëdik, ke yï lɔ, ɣaacë wëuku, ku miɔc kɔc kuanynyïïn, ku yïn bï dɛ wëu cï kueet paannhial, ku bä kuany a cök.”

Math 19:21 Iomraidhean Croise

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 6:9

Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth.

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Diɛt 37:37

Tak raan cïn guöp awäc, ku tïŋ raan piɛthpiɔ̈u, kɔc ee rëër ë mät abïk nïïm dɛk mïth bï lɔ̈ɔ̈k tɔ̈u në kecök,

Math 16:24

Na wën, ke Yecu yöök kɔckɛn ë piööcë an, “Na de raan de piɔ̈u luɔi bï en a kuany cök, ke nyäŋ rɔt, ku jɔt timdɛn cï rïïu nɔm, ku biɔɔth a cök.

Math 19:20

Go dhuŋë lueel an, “Kake kedhie aa ya ke muk ɣɔn aa yɛn meth aɣët cï ënɔɔnë, eeŋö ŋoot ke dak tëde yɛn?”

Math 19:22

Na wën, aacï ee dhuŋë jamë piŋ, ke jël, ke cï piɔ̈u diu, në luɔi ee yen raan juëc ë kake.

Math 19:28

Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou.

Math 4:19

Go keek yɔ̈ɔ̈k an, “Bäkï ë yacök, ku we bä tɔ ye kɔc ë kɔc deep.”

Math 5:48

Yak aa kɔc cï piɔ̈ɔ̈th dikëdik, acït man ë wuöörduön nu paannhial, cï piɔ̈u dikëdik.

Math 8:22

Go Yecu yöök an, “kuany a cök, päl kɔc cï thou ë ke thiäk kɔckɛn cï thou.”

Math 9:9

Na wën, acï Yecu jäl ëtɛ̈ɛ̈n, ke tïŋ raan cɔl Mathayo, arɛ̈ɛ̈r ë maktap de athölbö yic, ago Yecu yɔ̈ɔ̈k an, “Kuany a cök.” Go rɔt jɔt, ku kuɛny cök.

Mak 10:21

Na wën, ke woi Yecu guöp, ku nhiɛɛr, go yɔ̈ɔ̈k an, “Ee tök en a dak yïn: lɔ, ɣaacë kaku kedhie, ku miɔc kɔc kuanynyïïn, ke yïn bï dɛ wëu piɛth paannhial: ku bä, jɔt timduön cï rïïu nɔm, ku kuany a cök.”

Mak 2:14

Ku të tëëk en kueer, ke tïŋ Lebi wën ë Alapayo, arɛ̈ɛ̈r tën ee miriic guaaric nööm thïn, go yɔ̈ɔ̈k an, “Kuany a cök.” Go rɔt jɔt, ku kuɛny cök.

Mak 8:34

Go kut ë kɔc cɔɔl kekë kɔckɛn ë piööcë, ku yöök keek an, “Na de raan kɔɔr luɔi bï en a biɔɔth cök, ë ye rɔt nyɔ̈ŋ, ku jɔt timdɛn cï rïïu nɔm, ku jɔ a kuany cök.

Luk 12:33

Ɣaackï ka cath në week, ku miackï kɔc kuanynyïïn, yak röt luɔi anyɔŋɔɔ cïï bï dhiap, yak wëu kueet paannhial wëu cïï bï thök, të cïn cuɛ̈ɛ̈r bï ɣëët tëthiɔ̈k, ku të cïn kɔ̈m bï ke riɔ̈ɔ̈k.

Luk 14:33

Yen acït week aya, raan ëbɛ̈n ë weyiic raan cïï kake päl kedhie, ka cïï duëër a raandiën ë piööcë.”

Luk 16:9

Ku wek yɔ̈ɔ̈k an, “Yak röt kɔ̈ɔ̈r määthkun në wëu rac ke piny nɔm, na rial, acï kakun dak, ka bïk week nyuööc ë ɣööt bï tɔ̈u athɛɛr yiic.

Luk 18:22

Na wën, aacï Yecu kakë piŋ, ke jɔ yɔ̈ɔ̈k an, “Ee tök tei yen ŋoot ke dak yïn. Jɔ kaku ɣaac kedhie, ku tɛ̈kë ke kɔc kuanynyïïn, ke yïn bï dɛ wëu paannhial: ku jɔ bɛ̈n, kuany a cök.”

Luk 5:27

Na wën, aacï kakë thök, ke jɔ lɔ biic, ku tïŋ raan ë athölbö tɔ kut, raan cɔl Lebi, ke rɛ̈ɛ̈r tëdɛn ë luɔi de athölbö yic: go yɔ̈ɔ̈k an, “Kuany a cök.”

Luk 6:40

Raan ŋoot ke piööcë acïï raan wëët en ee wöör: ku raan ëbɛ̈n raan cï thök ë wëët abï thöŋ ke raan ë wëët en.

Luk 9:23

Go keek yɔ̈ɔ̈k kedhie an, “Na de raan de piɔ̈u luɔi bï en a kuany cök, ë ye rɔt nyɔ̈ŋ, ku ye timdɛn cï rïïu nɔm jɔt ë aköölnyïïn, ku kuɛny a cök.

Jɔn 10:27

Thökkï ayek röldï piŋ, ku aŋiɛc keek, ku yek a kuany cök:

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Luɔi 2:45

Go kɔc duumken ɣaac ayï kaken, gokï ke tɛ̈k kɔc kedhie, të de yen raan dɛkë käŋ.

Ɣeberuu 10:34

Wek aye kɔc cï mac kuɔny ku wek cïï piɔ̈ɔ̈th ee jiɛth të cïï kakun jɔt, në ŋïny ŋiɛc wek en të le wek lɔ paannhial, wek de nïïm kajuëc cïn kë bï ke jɔt ëtɛ̈ɛ̈n.