Math 18:9 - JAM DE NHIALIC 2011

⁹ Ku yïnyin, të cï en yï tɔ loi kërac, ke ŋuöötë bei, ku cuatë wei, luɔi bï yïn lɔ të nu pïïr, ke yï cath we nyin tök, yen aŋuän tëde yïn, në luɔi bï yï cuat ë giɛna de yic mac, ke yï cath we nyïïn kaarou.

Math 18:9 Iomraidhean Croise

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Math 18:8

Ku na yïciin ku nɔn ee yen yïcök, na cï yï tɔ loi kërac, ke tëëmë bei, cuatë wei, luɔi bï yïn lɔ të nu pïïr, acakaa yïn ee ŋɔl ku yï cath we ciin tök, yen aŋuän tëde yïn, në luɔi bï yï cuat mɛɛc many bï dëp aɣet athɛɛr, ke yï cath we cin kaarou ku cök kaarou.

Math 19:17

Go yɔ̈ɔ̈k an, “Eeŋö tɔ yïn e piɛth? Acïn raan piɛth nu, ee tök tei, yen Nhialic. Ku na kɔɔr nɔn bï yïn lɔ të nu pïïr, ke yï döt cök ke lööŋ.”

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Math 5:29

Ku na nyin cuënydu, të tɔ yen yïn loi kërac, ke tukë bei, cuatë wei, apiɛth tëde yïn luɔi bï töŋ de ka ke yïnguöp riääk, ke guöpdu ëbɛ̈n ke cïï bï cuat ë giɛna yic.

Mak 9:47

Ayïk yïnyin, të tɔ en yï loi kërac, ke tukë bei: aduëër ŋuɛ̈ɛ̈n tëde yïn, të le yïn ë ciɛɛŋ de Nhialic yic wekë nyin tök, në luɔi bï yïn cath we nyïïn kaarou, ku bï yï cuat ë giɛnayic,

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Ɣeberuu 4:11

Riitku röt piny apiɛth ke wo bï lɔ në ee lɔ̈ŋë yic, ke bï ciën raan bï ee lɔ̈ŋë dääk në woyiic cït man ë kek.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.