Math 18:8 - JAM DE NHIALIC 2011

⁸ Ku na yïciin ku nɔn ee yen yïcök, na cï yï tɔ loi kërac, ke tëëmë bei, cuatë wei, luɔi bï yïn lɔ të nu pïïr, acakaa yïn ee ŋɔl ku yï cath we ciin tök, yen aŋuän tëde yïn, në luɔi bï yï cuat mɛɛc many bï dëp aɣet athɛɛr, ke yï cath we cin kaarou ku cök kaarou.

Math 18:8 Iomraidhean Croise

Yith 30:22

Wek bï yiëthkuön ke ateek ku yiëth ke adhääp cuat wei, cït man aa cool ke we kïïu an, “Lakkï ya në wolɔ̈m!”

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Math 17:27

Ku ënɔɔnë, ke ke cuku bï tɔ diu piɔ̈ɔ̈th, lɔ wïïr, dɛɛnyë alabithɔ, ku nöm rɛ̈c cï kɔn dɔm, ku të cï yïn e liep thok, ke yïn bï rialdït yök. Nöm, ku gämë keek, abï aa këdï yɛn ku këdu yïn aya.”

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 25:46

Ku kɔckë abïk lɔ lek këdɛn tuc yök kë bï ceŋ athɛɛr, ku lɔ kɔc piɛthpiɔ̈ɔ̈th të nu pïïr athɛɛr.”

Luk 14:33

Yen acït week aya, raan ëbɛ̈n ë weyiic raan cïï kake päl kedhie, ka cïï duëër a raandiën ë piööcë.”

Luk 16:24

Go cööt, lueel an, “Wääda Abraɣam, kok piɔ̈u we yɛn, ku jɔ Ladharo tooc, bï ciin nɔm bɛ̈n juɔɔl ë pïïu yiic, bï liemdï tɔ lir, yɛn ë leeŋ wëi ë manyë yic.

Romai 13:12

Piny ë dït, ku a kɔɔr ruu, jɔku luɔi de cuɔlëpiny cuat wei, ku jɔku ka ke ɣɛɛrëpiny dɔm, ka ke tɔŋ.

Nyuuth 14:10

ka yenguöp abï dek ë mɔ̈n ë agönh ë Nhialic, mɔ̈n cï dhiim ë abïny ë agönhdɛn cï tïc, ke cïn kë cï liääp ke ye, ku abï leeŋ wëi në mac ku thulpur ë tuucnhial ɣeriic nïïm, ku Nyɔŋamääl nɔm:

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”