Math 18:31 - JAM DE NHIALIC 2011

³¹ Na wën, ke wɛ̈ɛ̈t kɔ̈k ee kek lïïm, të cï kek kë cï looi tïŋ, ke ke diu piɔ̈ɔ̈th, gokï bɛ̈n ku lëkkï bɛ̈nyden ka cï looi ëbɛ̈n.

Math 18:31 Iomraidhean Croise

Cäk 37:2

Ku kënë alɛɛŋ ë baai de Jakop. Na ɣɔn, aacï run ke Jothep aa thiëër ku dhorou, ke ye lɔ tïït ë thök kekë mïth ke wun. Wɛ̈ɛ̈t ke Bila kekë Dhilpa, diäär lïïm ke wun. Ago Jothep karɛc ye mïthëkɔcken looi roor lɔ guiëër wun.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 119:158

Të yan kɔc cïn gäm tïŋ, yɛn ee piɔ̈u jiɛth, në biäk cïï kek lööŋku ee döt.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Math 14:9

Na wën, ke melik dhiau piɔ̈u, ku në baŋ de gutguut wën cï lueel, ku në baŋ de kɔc rɛ̈ɛ̈r ë yen ëtök tëde cäm, ke yöök, an, bï gam en.

Math 18:28

Na wën, ke lɔ biic, yen ee lïmë guöp, le ku yök raan töŋ ë wɛ̈ɛ̈tkɛn ee kek lïïm, raan cath ke känyde, käny baŋ, cït jini tök tei, go dɔm, ku min röl, lueel an, “Cuölë yɛn känydiën cath ke yïn.”

Math 18:30

Go cuö gam, go lɔ ku tɛ̈ɛ̈u ë aloocic, aɣët të bï yen käny cool.

Math 18:32

Na wën, aacï bɛ̈ny e cɔɔl, ke yöök an, “Yïn ee lïm racpiɔ̈u, yïn cä päl ee känydïïtë ëbɛ̈n, në biäk cï yïn a lɔ̈ŋ.

Mak 3:5

Na wën, aacï keek lieec ke cï ŋeeny, ë piɔ̈u diu në riɛl ril kek piɔ̈ɔ̈th, ke jɔ raan yɔ̈ɔ̈k an, “Riny yïciin.” Go riny: go ciin bɛ piath cït man ë ciin däŋ.

Luk 14:21

Go lïm lɔ bɛ̈n ku jɔ bɛ̈nyde lɛ̈k kakë. Go bɛ̈ny de ɣöt gɔ̈th, ku yöök lïmde an, ‘Dap lɔ biic lɔ kuɛɛr ke pänydït kuɛɛr dït yiic ku kuɛɛr kor yiic, lɔ bɛ̈ɛ̈iyë kɔc kuanynyïïn ee tënë, ku ŋöl, ku kɔc ë kɔm, ku cöör.’

Luk 19:41

Na wën, aacï guɔ thiɔ̈k, ke woi pänydït, ke jɔ dhiau,

Romai 12:15

Yak piɔ̈ɔ̈th miɛt ëtök në kɔc mit piɔ̈ɔ̈th, yak dhiau ëtök në kɔc dhiau.

2 Kor 11:21

Yɛn jam ee jam ë raan cïn naamde, acït man kɔ̈c wok. Ku na de kë bï raan e nyin riil, (yɛn jam ë jam ë mumënɔm), ke yɛn cï a nyin riil aya.

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

Ɣeberuu 13:3

Yak diɛɛr anandun në kɔc mac cït man ë ka mac në keek ëtök.