Math 18:14 - JAM DE NHIALIC 2011

¹⁴ Yen acït Wuöörduön nu paannhial, aliu ë yepiɔ̈u luɔi bï mɛnh tök määr ë mïththiikë yiic.

Math 18:14 Iomraidhean Croise

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Math 18:13

Ku na të le yen e yök, wek yɔ̈ɔ̈k ëyic an, “Abï piɔ̈u miɛt në biäk de thɔ̈ɔ̈kë awär miɛt mit en piɔ̈u në biäk de thiërdhoŋuan ku dhoŋuan kën määr.

Math 18:15

Ku na mɛnhkui, të cï en yï wäc këdäŋ, ke yï lɔ, lɛ̈kë yen kë cï wööc tëdun waarou, të cï en yï piŋ thok, ke we ye wepiɔ̈ɔ̈th jɔ yök wekë mɛnhkui.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Math 6:32

Kake kedhie aye juöör ke kɔɔr, ku aŋic wuöörduön nu paannhial nɔn kaar wek kake kedhie.

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Jɔn 17:12

Të wään nuö yɛn wo keek ëtök ë piny nɔm, acä ke muk apiɛth ë rinku: kɔc cï gäm ɛn acä ke tiit, ku acïn raan tök ë keek cï määr, ee wën ë määr ë käŋ ëtök, ke këcïgɔ̈ɔ̈r bï aa yic.

Jɔn 21:15

Na wën, aa cïk thök ë cäm, ke Yecu thiëc Thimon Petero an, “Thimon, wën e Jona, nhiaar ɛn awär kɔckë?” Go gam an, “Ɣɛɛ, Bɛ̈nydït, aŋic nɔn nhiaar ɛn yïn.” Go yɔ̈ɔ̈k an, “Nyuääthë amithöökkiën amɛ̈l.”

2Tim 2:10

Yen a ya yɛn këriëëc guum ëbɛ̈n në biäk de kɔc cï lɔc, ke ke bï kunydewëi yök aya kuny nu ë Kërtho Yecuyic kekë dhuëëŋ bï tɔ̈u aɣet athɛɛr.

Ɣeberuu 12:13

Ku yak kueer lɔ loulou cak në wecök ke ŋɔl cï rɔt bï yal wei kueer, aŋuɛ̈ɛ̈n luɔi bï ŋɔl waar ku deem.

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.