Math 16:8 - JAM DE NHIALIC 2011

⁸ Na wën, aacï Yecu ye ŋic ke ke yöök an, “Wek kɔc dɛk ë gäm, eeŋö tɛɛrkï wapäc, ë luɔi cïn en kuïn cäk bɛ̈ɛ̈i?

Math 16:8 Iomraidhean Croise

Math 14:31

Go Yecu ecin riny ënɔnthiinë, dɔm, ku yöök an, “Yïn ee raan dɛk ë gäm, eeŋö ë yïn piɔ̈u wïl ë kaamic?”

Math 16:7

Gokï teer kapäc, ku luelkï an, “Ee luɔi kën wok kuïn bɛ̈ɛ̈i, en aa lueel en en.”

Math 6:30

Ku na ye Nhialic wɛ̈ɛ̈l roor piɔ̈th ale, wɛ̈ɛ̈l nu ëköölë, ku miäk ke cuɛtë mɛɛc, cïï we bï piɔ̈th ë piöth wär piöthden arëët, wek kɔc dɛk ë gam?

Math 8:26

Go keek yɔ̈ɔ̈k an, “Eeŋö riääc wek, wek kɔc dɛk ë gam?” Na wën, ke jɔt rɔt, go yom dït jɔ̈ɔ̈ny ku jiëëny wɛɛr, gokï lɔ dui arëët.

Mak 16:14

Na wën, ke nyuth rɔt kɔc gup kɔc kathiëër ku tök, të rëër kek tën ee cam, ago keek jɔ̈ɔ̈ny ë rɛɛc reec kek gäm ku riɛl ril kek piɔ̈ɔ̈th, luɔi reec kek këde kɔc gam kɔc wën tïŋ en acï rɔt jɔt.

Jɔn 16:30

Ënɔɔnë aŋicku ëgɔk nɔn ŋic yïn käŋ kedhie, ku acïn kë bï raan bɛ thiëc yïn: kënë yen a gɛm wok yïn nɔn ë bï yïn tëde Nhialic.”

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.