Math 16:21 - JAM DE NHIALIC 2011

²¹ Ëköölë acï Yecu kɔckɛn ë piööcë gɔl ë nyuuth luɔi bï en dhil jäl le Jeruthalem, ku luɔi bï en kajuëc guum tëde röördït ku bänydït ke ka ke Nhialic, ku kɔc ë löŋ gɔ̈ɔ̈r, ku bï nɔ̈k abï thou, ku bï rɔt bɛ jɔt ëkööl ee kek diäk.

Math 16:21 Iomraidhean Croise

Math 12:40

Acït man ë tɔ̈uwë Jona ë rɛ̈c dït yäc ë cool yiic kadiäk ku wɛ̈ɛ̈rwakɔ̈u yiic kadiäk an, “Acït täu bï Wën ë Raan tɔ̈u ë pinyic ë cool yiic kadiäk ku wɛ̈ɛ̈rwakɔ̈u yiic kadiäk.

Math 16:22

Na wën, ke Petero dɔm Bɛ̈ny cin, go jɔ jɔ̈ɔ̈ny an, “Acie yen, Bɛ̈nydït, yïn cïï kënë bï yök anandu.”

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Math 17:12

Ku wek yɔ̈ɔ̈k an, “Elija acï guɔ bɛ̈n, ku akuckï, agokï luöi këde piɔ̈nden ëbɛ̈n. Yen acït guöm bï Wën ë Raan käŋ guum ka bïk luöi yen aya.”

Math 17:9

Na wën, aa bïk piny ë kuurdït nɔm, ë ke lom Yecu thook an, “Duökï de raan lɛ̈kkï kë cäk tïŋ, aɣët të bïï ë Wën ë Raan rɔt jɔt ë kɔc cï thou yiic.”

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Math 26:2

“Aŋiɛckï nɔn bï Dhuëëŋ looi të cï nïn thök kaarou, Dhuëëŋ cɔl Winythok, ku Wën ë Raan abï nyiɛɛn, go piäät ë tim cï rïïu nɔm kɔ̈u.”

Math 26:47

Na wën, të ŋoot en ke jam, dï, ke Judath bɔ̈, ee raan töŋ de kɔc kathiëër ku rou, ku bɔ̈ kut dïït ë kɔc në yen ëtök, amukkï abätɛ̈ɛ̈u ku thieec, abïkï tëde bänydït ke ka ke Nhialic ku röördït ë kɔc yiic.

Math 27:12

Ku të cï e gaany ë bänydït ke ka ke Nhialic ku röördït, go ciën kë cï bɛ̈ɛ̈r.

Math 27:63

luelkï an, “Bɛ̈ny, acuk tak nɔn cï aluenhë ye lueel wään ŋoot en ke pïïr an, ‘Ee nïn kadiäk, ke yɛn bï rɔt bɛ jɔt.’

Math 28:6

Aliu ee tënë, ë rɔt jɔt cït man wään cï en e lueel. Bäkï, tiëŋkï të wään tɔ̈ɔ̈cë Bɛ̈nydït thïn.

Mak 8:31

Na wën, ke ke jɔ gɔl ë wëët an, “Wën ë Raan abï kajuëc dhil guum, ku bï dhil rɛɛc ë röördït, ku bänydït ke ka ke Nhialic, ku kɔc ee löŋ gɔ̈ɔ̈r, ku bï dhil nɔ̈k, na miäk, acï nïn aa diäk, ka bï rɔt bɛ jɔt.”

Mak 9:12

Go ke yɔ̈ɔ̈k an, “Elija abï kɔn bɛ̈n ëyic, go käŋ bɛ puk tɔ ke piɛth kedhie: ku cï gɔ̈ɔ̈r adï në këde Wën ë Raan, nɔn bï en kajuëc dhil guum, ku dhäl guöp?

Luk 17:25

Ku abï kajuëc dhil kɔn guum, ku abïï rem de ënɔɔnë rɛɛc.

Luk 24:46

ku yöök keek an, acï gɔ̈ɔ̈r alë an: “Kërtho abï käŋ dhil guum, ku be rɔt jɔt ë kɔc cï thou yiic ëkööl ee kek diäk,

Luk 9:31

acïk tuöl në dhuëëŋ ke ke jam në këde jäl bï en jäl në piny nɔm ë Jeruthalem.