Math 15:22 - JAM DE NHIALIC 2011

²² Na wën, ke tik bɔ̈ ë piny biäkë, tiiŋ de Kanaan, bï ku cööt an, “Tɔ yïpiɔ̈u kok we yɛn, Bɛ̈nydït, Yïn Wën ë Debid, nyandï acïï jɔŋ rac dɔmë döm rac.”

Math 15:22 Iomraidhean Croise

Diɛt 4:1

Ye ya piŋ thok të läŋ ɛn, Yïn Nhialic konydï! Ɣɔn täu ɛn ë nuanic, Yïn cï ya bɛ̈n kony. Kokëpiɔ̈u we yɛn, ku piŋ lɔ̈ŋdï.

Diɛt 45:12

Kɔc ke Tayer abïk bɛ̈n tëde Yïn në miɔ̈c, kɔc kueth aläl abïk yïn gäm miɔ̈c.

Diɛt 6:2

Kokëpiɔ̈u we yɛn Bɛ̈nydït, yɛn cï dak! Miɔc ɛn në riɛl, yɛn cï bäp taitai

Edhekiɛl 3:6

Na tuöc yïn juöör juëc ee jam ë thoŋ mɛɛn cïï bï yökkic, ka abïk yï piŋ.

Math 1:1

AWEREK de kuën ë dhiënh cï Yecu Kërtho dhiëëth, ee Wën ë Debid, wën ë Abraɣam.

Math 15:23

Ku acïn kë cï bɛ̈ɛ̈r, acakaa jam tök aliu. Go kɔckɛn ë piööcë bɛ̈n ku läŋkï an, “Ciec, akuany wocök ke cöt!”

Math 17:15

“Bɛ̈nydït, tɔ yïpiɔ̈u kok we wëndï, ade guöp nok, ku acï kiët guöp arac, ee cool ë wïïk mɛɛc, ku cool ë wïïk ë pïïu yiic.

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Math 9:27

Na wën, acï Yecu jäl ëtɛ̈ɛ̈n, ke cöör kaarou ke ke biɔth ecök, ke ke cöt, luelkï an, “Wën ë Debid, tɔ yïpiɔ̈u kok wekë wook.”

Luk 17:13

Ku cötkï ë röl dït an, “Yecu, Bɛ̈nydït, kok piɔ̈u we wook!”

Luk 18:13

Go raan ë athölbö tɔ kut kɔ̈ɔ̈c tëmec, ku reec e nyin jat nhial, ku jɔ yepiɔ̈u biɔ̈ɔ̈k, ku lueel an, ‘Nhialic kok piɔ̈u we yɛn, yɛn ee raan ee kërac looi!’

Luk 6:18

ayï kɔc cïï jɔɔk rac dɔm, agokï gup waar.