Math 13:52 - JAM DE NHIALIC 2011

⁵² Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”

Math 13:52 Iomraidhean Croise

Edhr 7:10

në biäk cïï Edhera lööŋ ke Bɛ̈nydït dhel ë yepiɔ̈u, ago keek aa cätiic ku döt keek, ku wëët kɔc ke Yithriɛl në lööŋ.

Edhr 7:21

“Ku ënɔɔnë ee yɛn Melik Ateradath, yɛn cï löŋ tääu piny në biäk de kɔc ee wëu muk kedhie kɔc tɔ̈u në wuöt ke wɛ̈ɛ̈r ë Yuparat lɔŋ tui, bïk këriëëc kɔɔr ë Edhera bɛ̈ny de kake Nhialic ku ye raan cï wëët ë lööŋ ke Nhialic de paannhial, abï dhil luöi yen apiɛth,

Edhr 7:6

Yen Edhera aa bɔ̈ në Babilon. Ku ye raan cï wëët në lööŋ ke Mothe, wään cïï Bɛ̈nydït, Nhialic de Yithriɛl gam. Go Melik gäm këriëëcdɛn cï thiëëc ëbɛ̈n ë biäk ë tɔ̈u athiɛɛi de Bɛ̈nydït Nhialicde ke yen.

Kɛ̈ŋ 11:30

Luɔi de piathëpiɔ̈u ee pïïr bɛ̈ɛ̈i, ku akuöörkuöör ee näk.

Kɛ̈ŋ 15:7

Ŋïny de käŋ aye thiäi piny në kɔc pel nïïm, ku aliu tëde kɔc piɔl piɔ̈ɔ̈th.

Kɛ̈ŋ 18:4

Jam de raan acït pïïu nu yiith, ku awaŋ de pɛlënɔm acït kuëër de pïïu piɛth wïïr.

Diɛt ke 7:13

Yïn duëër awäu de tim de manderek ŋöör, ku mïthke tiim piɛth ëbɛ̈n athiëëkkï në ɣönda thok. Raandiën nhiaar, yïn cä muɔ̈k miɛtëpiɔ̈u, miɛtëpiɔ̈n thɛɛr kekë miɛtëpiɔ̈u de ënɔɔnë.

Math 12:35

Raan piɛth piɔ̈u ee kapiɛth bɛ̈ɛ̈i bei në kakɛn piɛth nu ë yepiɔ̈u, ku bïï raan rac piɔ̈u karɛc bei në kakɛn rac nu ë yepiɔ̈u.”

Math 13:51

Go Yecu ke thiëëc an, “Cäk kakë yök yiic kedhie?” Gokï lueel an, “Ɣɛɛ, Bɛ̈nydït.”

Math 13:53

Na wën, acï Yecu kɛ̈ŋkë thöl, ke jël ëtɛ̈ɛ̈n,

Math 23:34

Yen tëde ka, tiëŋkï, yɛn, tuc tït week, ku röör pelnïïm, ku kɔc ë löŋ gɔ̈ɔ̈r, ku we bï kɔ̈k ë keek nɔ̈k abäk ke piäät ë tiim cï rïïu nïïm kɔ̈ɔ̈th, ku we bï kɔ̈k ë keek dui ë wɛt ë ɣöötkuön ë Nhialic yiic, ku yaŋkï keek në pänydït tök ku lakï ë pänydït däŋë.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Luk 11:49

Yen a lueelë Nhialic En në pɛl ë yenɔm an, ‘Yɛn bï tït tuöc keek ayï tuuc, ku abïk kɔc kɔ̈k ë keek nɔ̈k abïk thou, ku yɔŋkï kɔ̈k.’

Jɔn 13:34

Wek thɔ̈n cöök cï piac lueel an, Nhiaarkï röt, acït man cän week nhiaar, ke we bï röt nhiaar wapäc ayadäŋ.

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

Epethiei 3:4

Ku të kuɛɛn wek wëlkï yiic, ke we duëër ŋïnydï yökic, ŋïny ŋiɛc ɛn jam de këcïmoony de Kërtho.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Kolothai 1:7

Acït man cä wek e piŋ tëde Epapara raan ë wok luui ëtök raan nhiaar. Ee raan adöt raan ë ka ke Kërtho looi ë biäkdun,

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

1 Tim 3:6

Acïï bï aa raan ë piac gam, ke cïï rɔt bï tɔ dït, ago wïïk në këracic kërɛɛc ee jɔŋdït rac wïïk thïn.

Tito 1:9

Raan ee wël yith ŋiëc döt cït man cï e wɛ̈ɛ̈t, luɔi duëër en kɔc riit piɔ̈ɔ̈th në wëët piɛth, ku ŋic kɔc jäny en guut ë löŋ.