Math 13:47 - JAM DE NHIALIC 2011

⁴⁷ Kääŋ däŋ kï: Ciɛɛŋ de paannhial acït bɔi dïït cï tääu wïïr, go rec kith yiic dɔm ëbɛ̈n,

Math 13:47 Iomraidhean Croise

Edhekiɛl 47:10

Gɔl në nyin de Engedi, leer në nyin de Englaim ëbɛ̈n, abï dɛ kɔc ee rec deep në wɛ̈ɛ̈r yɔu, ku abïk boiken thieth ëtɛ̈ɛ̈n ke ke bï riɛl. Abï dɛk rec juëc yiic ëtɛ̈ɛ̈n, cït man de rec tɔ̈u në Wɛ̈ɛ̈rdïït ɣer yic.

Math 13:44

Kääŋ däŋ, kï: Ciɛɛŋ de paannhial acït wëu piɛth cï thiaan domic, na wën, acï raan ke yök, ke ke thiɛɛn, ku jël, jɔ ka cath në yen lɔ ɣaac kedhie në miɛt mit en piɔ̈u ke keek, go domë ɣɔɔc.

Math 13:46

Na wën, aacï awaŋgur tuc ë ɣööcde arëët yök, ke jël, ku le ka cath në yen ɣaac kedhie, ago awaŋgur ɣɔɔc.

Math 13:48

Na wën, acï thiäŋ, ke thelkï biic ë wɛ̈ɛ̈r yɔu, ku jɔkï nyuc, gokï kapiɛth kuöt ë diööny yiic, ku cuɛtkï karɛc wei.

Math 4:19

Go keek yɔ̈ɔ̈k an, “Bäkï ë yacök, ku we bä tɔ ye kɔc ë kɔc deep.”

Mak 1:17

Go Yecu keek yɔ̈ɔ̈k an, “Bäkï ë yacök, ke we bä tɔ ye kɔc ë kɔc deep.”

Luk 5:10

Ayï Jakop ku Jɔn, wɛ̈ɛ̈t ke Dhebedayo, kɔc rööm käŋ në Thimon, acïk piɔ̈ɔ̈th päu aya. Go Yecu Thimon yɔ̈ɔ̈k an, “Du riɔ̈c, yïn bï kɔc aa dɔm, gɔl ëköölë aɣët rial.”

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Luɔi 20:30

Akööl abïk bɛ̈n, akööl bïï kɔc kɔ̈k röt jɔt ë weyiic gup, kɔc bï jam rac lueel, le kek kɔcpiööcë thɛl ë kecök.

1 Kor 11:19

Tëŋ ee kɔc ke yiic tek abï dhil nu ë weyiic, ke kɔc cï tɔ ye kɔc piɛth ke ke bï tïc ëgɔk ë we yiic.

2 Kor 11:26

Awäär ke në keny aa yɛn cool ë keny, ku riɔ̈ɔ̈c wïïr, ku riɔ̈ɔ̈c de kɔc ee kɔc luc, riɔ̈ɔ̈c ë jurda, riɔ̈ɔ̈c ë juöör, riɔ̈ɔ̈c nu ë pänydïtic, riɔ̈ɔ̈c nu ë jɔ̈ɔ̈ric, riɔ̈ɔ̈c nu ë wɛ̈ɛ̈ric, riɔ̈ɔ̈c nu ë mïthëkɔckuɔ cuɛ̈ɛ̈r yiic.

Galatai 2:4

ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Nyuuth 3:1

Ku gäär tunynhial de ɣön ë Nhialic nu Thardith alë: Kakë aluel raan keek, raan de Wëi ke Nhialic kadhorou, ku kuɛl kadhorou: Yɛn ŋic luɔidu, yïn cath we rin cït man ë kë pïïr, ku yïn cï thou.