Math 13:42 - JAM DE NHIALIC 2011

⁴² Agokï ke cuat ë pul dëpë mac thïn, tɛ̈ɛ̈n abï dhiëëu nu thïn kekë ŋëny de lec.

Math 13:42 Iomraidhean Croise

2 Tham 23:7

Abïï raan ke jok në wai ku nɔn ee wëëth, ku abï keek nyop ë mac taitai.

Diɛt 21:9

Abïï ke riɔ̈ɔ̈k cït man ë lɔ̈k de mac të cï en tïc. Abïï Bɛ̈nydït ke riɔ̈ɔ̈k në agönhde, ku abï mac ke cam.

Danyel 3:6

Raan cïï yenɔm bï guöt piny ku lɛ̈m, abï dɛɛny ë many dɛ̈pic raan tök.

Math 13:50

ku cuɛtkï keek ë pulic pul dëpë mac thïn, tɛ̈ɛ̈n abï dhiëëu nu thïn kekë ŋëny de lec.

Math 22:13

Na wën, ke melik yöök lïïmke an, “Duötkï cök ku yecin, ku jatkï, cuatkï tëcol biic ya, dhiëëu abï nu ëtɛ̈ɛ̈n kekë ŋëny de lec.”’

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 3:12

amuk kën ee yen rap kɔ̈l ë yeciin, ku abï yiɛɛude nap abï lipëlip, ago agamɔde kuöt ë adhaanic, ku nyop ayiɛl ë many cie lëu në näk.”

Math 8:12

Ku wɛ̈ɛ̈t ke ciɛɛŋ abïï ke cuat tëcool nu biic ya, tɛ̈ɛ̈n abï dɛ dhiëëu ku ŋëny de lec.”

Luk 13:28

Të cä wek Abraɣam tïŋ, ku tiëŋkï Yithaak, ku Jakop, ku tït kedhie, ë ciɛɛŋ de Nhialic yic, ku wegup ku cï we ciɛɛc biic, ke dhiëëu abï nu kekë ŋëny de lec!

Nyuuth 14:10

ka yenguöp abï dek ë mɔ̈n ë agönh ë Nhialic, mɔ̈n cï dhiim ë abïny ë agönhdɛn cï tïc, ke cïn kë cï liääp ke ye, ku abï leeŋ wëi në mac ku thulpur ë tuucnhial ɣeriic nïïm, ku Nyɔŋamääl nɔm:

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 9:2

Go adhum thuth cïï thar tiëc tueer thok, go tol rɔt mɔc nhial ë adhumic, cït man ë tol ë manydïït dɛ̈p ëjaŋjaŋ, go akɔ̈l tɔ col ayï nhial në baŋ de tol ë adhum.