Math 13:39 - JAM DE NHIALIC 2011

³⁹ ku raan de ater raan ë weer keek ee jɔŋdït rac, ku kööl ë tëm yen aye thök de piny de ënɔɔnë, ku kɔc tëm kek aye tuunynhial.

Math 13:39 Iomraidhean Croise

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Jowɛl 3:13

Nɔ̈mkï menyjel ke tëm, rap acïk luɔk. Bäk duömkï enap yiic, dhiëm ke mäu acïk thiäŋ, ku töny acïk nïïm lɔ wei. Në biäk cï karɛcken juëc arëët.

Math 12:32

Ku raan lëk Wën ë Raan jam rac, ka bï päl en, ku raan lëk Wëidït ɣer jam rac, ka cïï bï päl en, ayï ë pinyë nɔm, ayï piny bï lɔ̈ɔ̈k bɛ̈n.”

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Math 13:25

na wën, të niin ë kɔc, ke raan de ater ke yen bɔ̈, go wɛ̈ɛ̈l röör wɛɛr ë agamɔ yic cil, ku jël.

Math 13:28

Go keek yɔ̈ɔ̈k, an, “Raan de wok ater yen aa loi ee kënë.” Go lïïm thiëëc, an, “De yïpiɔ̈u luɔi bï wok ke lɔ kuɛny bei?”

Math 13:40

Acït man cï wɛl röör kuany ku nyop ke mɛɛc, yen abï ciët thök de piny de ënɔɔnë.

Math 13:49

Yen abï ciët thök de piny. Tuucnhial abïk bɛ̈n, agokï kɔc racpiɔ̈ɔ̈th pɔ̈c bei në kɔc piɛthpiɔ̈ɔ̈th yiic,

Math 24:3

Na wën, të rëër en ë kuur ë Olip nɔm, ke kɔcpiööcë ke ke bɔ̈ të nu yen kapäc, bïk ku luelkï an, “Lɛ̈kë wook, bï kake röt looi nɛn? Ku kë bï kɔc bɛ̈ndu ŋic ee käŋö, ayï thök de piny?”

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

1 Kor 10:11

Ku ënɔɔnë, kakë kedhie aake yök keek, ke ke bï aa ka bï wo wɛ̈ɛ̈t, ku acï ke gɔ̈ɔ̈r në nën bï wo nen, wok kɔc cï thök de piny guɔ ɣëët tëde wook.

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Ɣeberuu 1:2

Ku ee nɔn ciëënë, Nhialic acï jam ke wook në Wëndɛn cï lɔc bï käŋ lɔ̈ɔ̈k lak kedhie. Ku ee Yen ë ciɛk ë Nhialic piny.

Ɣeberuu 9:26

Ku na ye rɔt gaam ë ruöön thok ëbɛ̈n Yen Kërtho adï cï gum raanjuëc gɔl të wään ciɛkë piny cït man ë bäny ke kake Nhialic ke Judai käŋ nɔ̈k ë ruöön thok ëbɛ̈n. Ku ë nɔn ciëënë në thök de luɔi de löŋ thɛɛr, ke jɔ rɔt nyuɔɔth raantök në luɔi cï yen riɛl ë kërac nyuän piny në gɛ̈m cï Yen rɔt gäm Nhialic näk nyiɛɛiyë karɛckuɔ.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.