Math 13:19 - JAM DE NHIALIC 2011

¹⁹ Të piŋë raan jam de ciɛɛŋ, ku cïï ë yökic, ke jɔŋ dïït rac bɔ̈, ago kë cï com ë yepiɔ̈u gɔp. Kë cï com ë kueer këc ka.

Math 13:19 Iomraidhean Croise

Kɛ̈ŋ 1:7

Riëëu rïïu ë raan Bɛ̈nydït, yen aye göl de ŋïny ë käŋ. Dhän ayek pɛlënɔm dhɔ̈lic, ku reeckï wëët.

Kɛ̈ŋ 17:16

Eeŋö duëërë raan piɔl piɔ̈u nɔm dɛk wëu bï yen ke wëët në nɔm cïï käŋ ee yökiic?

Edhekiɛl 31:18

“Tim ee melik de Rip kekë kɔcke kedhie. Acakaa tiim ke Eden acïn tim bɛ̈ɛ̈r lɛ̈k ee kɔc diir ë nu. Ku ënɔɔnë, cï tiim ke Eden abïk lɔ ë piny thar paan ë thuɔɔu, ku mɛ̈tkï në kɔc cïï Nhialic ŋic ku kɔc ë näk në tɔɔŋ yiic. Yɛn cï jam, Yɛn Bɛ̈nydït Awärjäŋ.

Math 12:26

ku Catan, të cï en Catan ciëëc bei, ka ye gɔ̈m etök, bï ciɛɛŋdɛn cieŋ jɔ kɔ̈ɔ̈c adï?

Math 13:20

Ku kë cï com të nu kur, yen aye raan piŋ jam, go dap gam ënɔnthiinë ke mit piɔ̈u,

Math 13:38

ku dom yen aye piny nɔm, ku kɔ̈th piɛth kek aye mïth ke ciɛɛŋ, ku wɛl röör kek aye mïth ke jɔŋ dïït rac,

Math 4:23

Go Yecu piny ë Galili caath ëbɛ̈n, aye kɔc wɛ̈ɛ̈t ë ɣöötkɛn ë Nhialic yiic, ke ye ke guiëër wëlpiɛth ke ciɛɛŋ, ku tɔ juäi waar ë kɔc gup juäi ëbɛ̈n, ayï tëtök ëbɛ̈n tëtök nu ë kɔc gup.

Math 5:37

Yak jamdun tɔ ye “ɣɛɛ, ɣɛɛ, tei”, ku, “Ei, Ei,” jam wär ee jamë ee kërac yen ë bïï en.

Mak 4:15

Ku kɔc ee ka nu ë kueer këc, të ye jam com thïn, na wën, acïk piŋ, ke Catan bɔ̈ ënɔnthiinë, bï ku jɔt jam wën cï com ë kepiɔ̈ɔ̈th.

Luk 10:9

Ku takï kɔc tök dem kɔc nu thïn, ku yɔ̈ɔ̈kkï keek an, ‘Ciɛɛŋ de Nhialic acï ɣeet të thiɔ̈k ke week.’

Luk 9:2

Go ke tooc lek kɔc aa guiëër ciɛɛŋ de Nhialic, ku tɔkï kɔc tök dem.

Jɔn 18:38

Go Pilato thiëëc an, “Yic eeŋö?” Na wën, aacï kënë lueel, ke lɔ biic le të nu Judai, ku lëk keek an, “Acïn awäny cä yök tëde yen.

Jɔn 8:43

Eeŋö cä wek jamdï ŋic? Ee luɔi cä wek jamdï lëu në pïŋ.

Luɔi 17:32

Na wën, aa cïk jamë piŋ, jam de jönërɔt ë kɔc cï thou, ke jɔ kɔc kɔ̈k geet, ku lueel kɔ̈k an, “Këdu abuk bɛ piŋ në këde ëcöökë.”

Luɔi 18:15

Ku na ënɔɔnë, tëë yen ater ë wël tei, ku rin, ku löŋdun week, jakï woiyic week wapäc, yɛn cïn piɔ̈u luɔi bän kë cït ee kënë guiir!”

Luɔi 20:25

“Ku tiëŋkï ënɔɔnë, wek kɔc aa yɛn ke cath ë weyiic, ke ya guiir ciɛɛŋ de Nhialic, aŋiɛc nɔn cä wek a bï bɛ tïŋ nyin anandun wedhie.

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 2:8

Ku kɔc ë wël tɛɛr, kɔc reec yic gam, ku gamkï kërac, kek abï diu de Nhialic piɔ̈u yök kekë agɔ̈th.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

2 Theth 2:12

luɔi bï löŋden guiir atuc, kek kɔc reec yic gam kedhie, kɔc mit piɔ̈ɔ̈th në luɔi de kërac.

Ɣeberuu 2:1

Kimku wonïïm piny apiɛth, ku dötku wël cï lɛ̈k wook, ke wo cï bï jäl në yicic ke kucku röt.

1 Jɔn 3:12

Ku cuku bï ciët Kain, raan ë bɔ̈ tëde jɔŋdïït rɛɛcë, raan cï mɛnhkënë nɔ̈k. Ku eeŋö ë nɛ̈k en? E luɔi rɛɛcë luɔide, ku piɛth luɔi de mɛnhkënë.

1 Jɔn 5:18

Cöökë aŋicku, an, Raan ëbɛ̈n raan ë dhiëëth Nhialic acïï kërac ee looi, raan ë dhiëëth Nhialic ee rɔt döt, ke cïï jɔŋ rɛɛcë bï jak.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.