Math 13:11 - JAM DE NHIALIC 2011

¹¹ Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Math 13:11 Iomraidhean Croise

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 29:11

Nyuuth cïï tït ke Nhialic lueel ëbɛ̈n abïï ke thiaan në week, abï ciët awerek cï guur thok. Na lak yiɛ̈n raan ŋic kuɛ̈n ku thiëckï ke bï kuɛ̈n week, abï lueel an, “Acä bï lëu në kuɛ̈n ë luɔi cïï ye guur thok.

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Math 13:10

Na wën, ke kɔcpiööcë ë ke bɔ̈, bïk ku thiëckï an, “Eeŋö jiɛɛm yïn we keek ë käŋ?”

Math 16:17

Go Yecu bɛ̈ɛ̈r, yöök, an, “Thieithieei, yïn Thimon Bar-Jona, acie raan cath kekë rïïŋ ku riɛm en ë nyuth yïn ee kënë ee Wäär nu paannhial.

Math 19:11

Go ke yɔ̈ɔ̈k an, “Jamë acï duëërë muk ë kɔc kedhie, ee kɔc cï ë Nhialic yiɛ̈n en kapäc, keek aduëër e muk.

Math 20:23

Go ke yɔ̈ɔ̈k an, “We bï dek ë bïnydï në yic, ku we bï baptith ë baptinh cï a baptith, ku rëër ë baŋ cuënydï ku baŋ camdï acie këdiën bä yiɛ̈n kɔc, ee këde kɔc cïï wäär kɔn lueel an, bï aa këden.”

Mak 10:40

ku rëër ë baŋ cuënydï ayï baŋ camdï acie këdiën gäm kɔc: ee këde kɔc cï ë guiëk keek.”

Mak 4:11

Go ke yɔ̈ɔ̈k an, “Acï gäm week luɔi bä wek këcïthiaan ŋic, këde ciɛɛŋ de Nhialic: ku tëde kɔc nu biic, käŋ kedhie aye ke looi në kɛ̈ŋ:

Luk 8:10

Go lueel an, “Acï gäm week ke we bï jam cï thiaan ŋic, jam de ciɛɛŋ de Nhialic: kɔc kɔ̈k aye ke wɛ̈ɛ̈t ë kɛ̈ŋ, luɔi bï kek aa daai, ku cïkï ë daai apiɛth, ku luɔi bï kek aa piŋ, ku cïkï käŋ ë yök yiic.

Jɔn 6:65

Go lueel an, “Yen aa lɛ̈k ɛn week an, Acïn raan duëër bɛ̈n tëde yɛn, të kënë ye tɔ bɔ̈ në Wääda.”

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Luɔi 16:14

Ku ade tiiŋ cï jamda piŋ, cɔl Ludia, tiiŋ ee lupɔ thith amujuŋ ɣaac, abɔ̈ pänydït cɔl Thuatira, ku ye tiiŋ riëëu Nhialic, piɔ̈nde acïï Bɛ̈nydït liep, bï ka lueel Paulo cök ë piŋ en ke.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

1 Kor 13:2

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

1 Kor 15:51

Wɔikï, wek nyuöth këcïmoony an, wo cïï bï niin wodhie, wo bï röt puk wodhie,

1 Kor 2:14

Ku raan ë yepiɔ̈u tuöm ka ke piny acïï ka ke Wëi ke Nhialic ee dɔm, aye keek tɔ ye kaɣäär yiic, ku acïï keek duëër ŋic, luɔi ye ke yök yiic në Wëi.

1 Kor 2:7

Wok ee pɛlënɔm de Nhialic lueel, pɛl cï yäl kɔ̈u bei, ee jam cï thiaan, jam cïï Nhialic kɔn lueel ë yepiɔ̈u të ŋootë piny ke liu an, bï aa këde dhuëëŋde.

1 Kor 4:1

Tɔ lueel raan në këde wook nɔn ye wok kɔc ee ka ke Kërtho looi, kɔc cïï ka ke Nhialic tääu ë kecin, kacïmoony ɣɔn.

1 Kor 4:7

Eeŋa ë yï tɔ tɔ̈u pei? Ku eeŋö cath ke yïn kë kënë gäm yïn? Ku na cï gäm yïn, ka eeŋö ee yïn rɔt leec, acït man ë kë kënë gäm yïn?

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 1:9

Acï wo tɔ ŋic kë nu ë yepiɔ̈u këcïmoony ɣɔn në pɛlënɔmde ëbɛ̈n, në miɛt ë yenpiɔ̈u, yen aye löŋ cï lueel ë Kërtho piɔ̈u.

Epethiei 5:32

Kënë ee këcïmoony ë kɔc dhal arëët: ku ye jam në këde Kërtho kekë ɣön ë Nhialic.

Epethiei 6:19

Ku në biäkdï aya, luɔi bï a miɔɔc ë jam bän athok liep ke ya cïï riɔ̈c, aguɔ këcïmoony ɣɔn tɔ ŋic, kek aye wëlpiɛth.

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

1 Tim 3:9

abïk aa kɔc ee jam de gäm döt ë piɔ̈n agɔk, jam ɣɔn cï moony.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.